]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

العصفورة

بواسطة: Aml Hya Aml Elhya  |  بتاريخ: 2012-12-13 ، الوقت: 07:06:26
  • تقييم المقالة:

 

زمان عندما كان أولادى صغار  واجهتنى مشكلة الكذب ...فدائما كنت أقول مفيش داعى تكذب ....؟لأن العصفورة حتقولى كل حاجة وحتتفضح... غير زعل ربنا منك   طبعا لم يمنع هذا أولادى من الكذب فى البداية ...لكنهم اكتشفوا اإنى فعلا بعرف كل حاجة ...وبعرف الكذب بسهولة  فأصبحت العصفورة شبه واقع نفسهم يلاحظوا  المهم أنهم تقريبا أقلعوا عن الكذب  لحد مرة أرسلتهم لشراء شىء خارج حدود الشارع ..ووصيت ..نمشى على جنب ..ومنجريش ..ومنكلمش حد منعرفوش ونيجى على طول ...لو معملتوش كدة حعرف .....وللأسف ذهبت معهم أختى وهى أكبر منهم بسنوات ..وقالت ..يالا نجرى ..قالوا ..والعصفورة ...قالت ..أمكم بتضحك عليكم مفيش حاجة اسمها عصفورة بتراقب يالا ياعبط   وجريوا ..ووقع ابنى الصغير ..لكن أخفوا معالم الجريمة ومحدش حكى   ولما وصلوا وقفوا جنبوا ..قلتلهم ..جريتوا .. أنكروا ...لكن بكل ثبات ..محدش يكدب العصفورة قالت لى .......بصوا لبعض بين الشك واليقين ..واعترفوا    وحدث حوار صريح   صحيح مفيش عصفورة بتراقب ..لكن العصفورة داخل العقل ....ببساطة تتضح الحقائق عند ترتيب الأحداث والكلمات والوقائع والنظر لتعبيرات الوجه   العصفورة موجودة ...فى عقلى وعقلك وعقل كل الناس ..بس لو عرفوا يشغلوها ..ولو قرروا يدربوها   وحتى الآن كل واحد من أولادى بيفكر ألف مرة قبل مايكدب مش علىّ بس ...على الناس عامة ..لأن الكذب مساره إلا انكشاف ..وحينها تصغر الأنفس وتهان أول ما تهان أمام نفسها ..... إن الله لم يفرض علينا حكما إلا لصالح يفيدنا فى الدنيا والآخرة  ونحن ككبار مازلنا نستهين ونحل المشاكل بالكذب ونتحايل ونسميه أسماء أخرى ..آخرها ذكاء اجتماعى لكسب الناس والسيطرة عليهم  الوضوح مريح ..ومن يسرى حياته بوضوح ...تكون الحياة نفسها واضحة أمامه  ومن أراد اللف والدوار واحتال على الحياة احتالت عليه ..وعليه أن يحل اللغز ..وللأسف لن يجد العصفورة  
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق