]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

نص مسرحية ( نافذة )

بواسطة: عمار نعمة جابر  |  بتاريخ: 2012-12-12 ، الوقت: 08:32:07
  • تقييم المقالة:

 

نافذة

 

عمار نعمة جابر

 

 

نافذة في  يمين المسرح ..

نافذة في يسار المسرح ..

خلف النافذة الأولى .. رجل 1 ينظر إلى البعيد ..

خلف النافذة  الثانية .. رجل 2 ينظر إلى البعيد ..

 

رجل 1 ينظر إلى رجل 2 ..

رجل 1     : ها أبو عادل شنو جاي تشوف  .. ؟

رجل 2 يلتفت إلى رجل 1

رجل 2    : والله ما ادري شأكلك يا أبو عادل .. ما ادري شلون أحجي ..

رجل 1    : كلي .. شجاي تشوف من نافذتك .. يا أبو عادل ..؟

رجل 2    : جاي .. جاي اشوفك  واكف يم مدير الأمن  مال المنطقة !

رجل 1    : معقولة ! دباوع زين .. خاف واحد يشبهني ..

رجل 2    : آنه ما اتيه عنك أبو عادل .. مستحيل أتيه عنك ..

رجل 1    : يا معود لا تظلم بختك وترميني بالبهتان .. خاف من الله يا أبو عادل ..

رجل 2    : يابه تعمه عيوني إذا اجذب عليك ..

              هذا انته بلحمك وبشحمك واكف يم مدير الأمن مال المنطقة ..

              وجاي تسولفون وتضحكون .. باوع جاي تضحك ضحكتك العالية ..

رجل 1    : يا أخي والله ما مصدك نفسي ..

رجل 2    : شنو السالفة جاي اكلك ذاك انته وجاي اشوفك ..

               أشوفك بهاي عيوني الراح ياكلهه الدود ..

رجل 1   : هاي شغلة ماجانت على بالي .. يعني انه ..

              انه أبو عادل .. أبو عادل أصير شمشوم .. معقوله ..

رجل 2  : أبو عادل .. آنه مثلك ما صدكت بالبداية .. بس كلت

             يجوز يحكم هاي المسأله ظرف خاص ..

رجل 1  : أبو عادل .. يعني تصدك تجذب .. يا ظرف خاص يا بطيخ

              يعني تريد تقنعني بأن الظروف تجرني وتسويني شمشوم ..

رجل 2  : إطي لروحك العذر لا تعذب نفسك أبو عادل ..

رجل 1  : يابه والله حتى خجلان من نفسي ..

رجل 2 : لا تخجل مني ..أنه بالبداية أخذت على خاطري منك

            بس بعدين تفهمت موقفك .. وعرفت انت صح شمشوم

            بس شمشوم قلبه أبيض ..

رجل 1  : آنه اشكرك أبو عادل ..

رجل 2  : بس انه اشوف الشمشوم شغله ما بيهه شي ..

            يعني عادي .. وشنو يعني ..

رجل 1 : انته شايف هيج ..؟

رجل 2  : إي .. انته شتكول ؟

رجل 1  : انه هم أشوف هيج ..

رجل 2   : اذن ..على بركة الله ..

رجل 1   : على بركة الله ..

يغلقان النوافذ ..

يخرجان ..

 

تركيا / دينيزلي 14/4/2011
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق