]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

قصيده شعر عامي بعنوان (كلام الناس)

بواسطة: 3beer elkashef  |  بتاريخ: 2012-12-08 ، الوقت: 09:05:25
  • تقييم المقالة:

صور وحكايات ووشوش ولاد وبنات

والسمر اخر الليل بيقرب المسافات

دا بيقول على اللى عدى واللى فات

ودا بيقول على الحبيب اللى مات

قلبه ...ولا سأل عليه حتى فى المطبات

ودا بيحكى حكايه راحت ومرجعتش

والتانى لسه بيسأل ....ينفع ولا مينفعش

فى الحب كلام كتير ومين فينا متجرحش

مين فينا ما داق عذاب الحب ومتوجعش

مين فينا مش مخبى جوه قلبه كلام

سمعه من ناس كان فاكرها بتحبه وطلعو ناس والسلام

ويلاوع ويقول مسمعش

مين فينا منصدمش

من ناس متستهلش

مين فينا مالهوش روايه او قصه او حكايه لحياته متتو صفش

الناس ...الناس بتعيش بكلامها

بس بكلامها مبتموتش

فى الصور والوشوش ميت الف صوره ووش

فيها الحقيقى وفيها كمان اللى بيغش

فيها واحد بتصدقه وواحد بتكدبه وواحد بطنشه عشان مبيطقش

فيها ناس متطر تبقى معااها وناس بتموت على فرقاها وناس معاك مبتفرقش

ناس رغايه وحكاويها كتيره

وناس راسيه عاقله وتقليه

وناس بالاساس مبتتكلمش

كلام الناس اساطير لكن فى النهايه مجرد كلامواقاويل

منها اللى بيعجب الناس ومنها اللى بيروح فيها قتيل

فخليك عاقل وفاهم ولما تيجى تتكلم قول كلام مالهوش تأثير

كلام عادى يخلى العقل صاحى مش فى حال تخدير

كلام حقيقى وبجد مش كلام فشر ولا تزوير

كلام يقول الحق حق والظلم ظلم حتى لو كان على كبير

فخلى لسانك حصانك والعقل هو لجامك

وابعد عن متاعب الكلام عشان ترتاح فى منامك

والحب ان يوم جالك اوعى تقفل بيبانك

عشان متعشى وحيد وتلقى اللوم لزمانك

واصحابك هما سندك حتى لو قلقو بالك

ما صحبك هو ضهرك وهو اللى يحفظ ماللك

متعشى فى يوم لنفسك خليك دايما لغيرك

فى الشده تلاقى الف يدين تشيلك

الدنيا...الدنيابتعلم فينا بالسوط وبالكرباج

من كتر الضرب فينا بتخلى الحى مااااااات

بتلفيفنا دواير دواير وبتجرينا سنوات سنوات

وكمان بتبكينا على اللى عدى واللى فات

بتخلينا عبره لكلام الناس ولللحكايات

فأسمع كلام الناس وطنش عشان تقدر تعيش

وان حد قالك سمعت حاجه قوله....ان فيها ماليش

ومتسألش ومتدورش على حاجه غير اللى يخصك

وان لقيته متكترش منه ليضرك

زمان قالو الصمت حكمه وقليل فاعلها

ودلوقتى الناس بتدور على اى كلمه عشان تقولها

كل واحد فينا بيدور على مصيبه التانى

ميعرفش انه هياجى عليه الدور فى يوم ويعانى

كلام ف كلام وحديت ف حديت ورغى ف رغى ومفيش جديد

الكلام هو هو والناس مبتزيرش وفى كلام بيجيب مصايب والناس برضو مبتتعلمش

فحاول تبقى قوى وقدام كلامك متستسلمش عشان ف الاخر محدش يقول بعد دا كله ...حمار مبيفهمش

فى حاجات كتير فى حياتك مبتتغيرش

مهما حاولت ومهما عملت

ومها اجتهدت حاجات كتير ..اولها اسمك

وتانيها رسمك فى عيون الناس اللى مبتشوفش

وتالتها ناس مبيطقهاش عايش معاها بس عايش وخلاص

ورابعها حكايتك مع كل واحد

منهم اللى جنبك ومنهم اللى بيباعد

ومنهم اللى فى حياتك مالهوش اساس

متقدر مثلا تغير قدرك او ناس هتقابلها

او حتى تغير وصفك او ناس انت مش قابلها

متقدرش تغير حاجه ولا حتى بأيديك حاجه

بس متزعلش على حاجه عشان الدنيا دى مش محتاجه

اليوم ...اليوم بيلف ويعدى

بس الناس لا بترحم ولا بتهدى

فى الخشم عقرب وفى الدماغ حنش

تيجى تقولو على الحقيقه يعمل نفسه انطرش

تيجى تقولو قول الحق يقول لسانى انخرس

لسسسه هنشرب من كأس المر ما هو ياما منه انشرب

ياما لسه الناس هتتدخل فى حياتك

ومش هتشوف راحه ابدا غير بعد مماتك

فمتحاولش تغير اى حاجه فيك لا اسمك ولا رسمك ولا حتى ابتساماتك

عشان بس حاجه بسيطه اللى انت عايز تتغير عشانهم ميستهالوش حتى اهاتك

بس بعد دا كله وايه يعنى

ما هو لو كان فى فايده لكلام الناس اللى بيعنى مكونتش بقيت انا المعنيى

قالو ...قالوالارض من غير ناس جنه ما تنداس

قولت الارض من غير ناس جنه لازم تتعاش

فيتعيش جنب اللى حبك يا تاخد جنب وتبقى لوحدك تبقى لوحدك


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق