]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

نصيحة روشه

بواسطة: سعد مرزوق  |  بتاريخ: 2012-12-04 ، الوقت: 15:40:26
  • تقييم المقالة:

نصيحة روشة 

.

نصيحة بلغة شعبية روشه لنزلات الإكتئاب وزكام الهم  

.

.

.

لو جالك زكام الهم 

وحب يتحداك 

ولقيته قاعد يناكفك 

وخطوة خطوة وراك

استدرجة بشويش 

واعمل لسيادتة كمين

وأحفر لجنابه حفرة

وإردم عليه بالطين

ولو حاول ينبت 

ولقيته طالع له جذور

إخلعه جنابه بحكمة

وإرميه في أرض بور

ولو السما مطرت

ولقيته طالع له زهور

وجالك اليأس 

وبيقولك عليا الدور

حاول تغير سكتك

وقول يا الله في شدتك

وأصبر يا عم علي بلوتك

ده أكيد Exam

بيقيس إيمان حضرتك

قابلة بإمتنان

وقول يا رب رحمتك

أنا صابر

والصبر جزائه جنتك

وإضرب اليأس بجزمتك

وإزرع في أرض الإيمان 

شجرة أمل 

تطرح معاك فل

متطمعش فيه لوحدك

وزع يا باشا ع الكل 

وعيش للخير مزارع

وخليك فلاح بارع

ومتستعجلش الثمر

وترش هرمونات

وتقول هركب همر 

وتفسد كل الفات

العجلة من الشيطان 

وإتقي شر نفسك وهواك

ونفض للدنيا

وإدي لجنابها أفاك

هتلاقيها في أرابيزك

وجايه تترجاك 

وتقول لك يا واد يا روش

غلبتني وياك

فتنت كل البشر

ومش لاقيه حل معاك

أوعي تضعف

مش أول متفرد وشها 

وتديك غمزة برمشها 

تقوم تآمن لها 

وتجرك في الهلاك

دوس في طريق ربنا 

وخليك مع مولاك

بالصبر والعزيمة

مفيش قوة تتحداك

وقول يا رب

كل منايا جنتك

ورحمتك وهداك 

.

.

.

Saad Marzouk 4-12-2012


https://sites.google.com/site/rotanasaadm/


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق