]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

كيف تزيلين أسباب التعاسة

بواسطة: وسام السرى  |  بتاريخ: 2012-12-04 ، الوقت: 15:01:15
  • تقييم المقالة:

     لما لقيت أن كل الناس حاسة بالتعاسة حبيت أعمل مدونة، والمدونة دى بأحاول أتكلم فيها عن أسباب التعاسة وأزاى نزيلها، لما فكرت ممكن الواحد يكتب مدونة عن إيه ،لقيت أن أنسب حاجة أكتب عن أسباب التعاسة وأزاى نزيلها أو على الأقل نخفف منها فى حياتنا، عارفة أن دا غريب، كل الناس بتحب تكتب وتقرأ عن أسباب السعادة، لكن أنا لى وجهة نظر مختلفة عنهم، من خلال تجربتى الشخصية مع نفسى ومع الناس ومن خلال دراستى وشغلى والكتب اللى قريتها والشرائط اللى سمعتها، شايفة أن مناقشة أسباب التعاسة هى اللى هتحطم الحاجز اللى واقف بينى وبين السعادة اللى هى مش أمل بعيد ولاحاجة لكنها موجودة، احنا بس مشغولين عنها بالتفكير فى مشاكلنا، واللى عادة بيتسبب فيها معتقداتنا فى نفسنا، واهتمامنا لوجهة نظر الآخرين فينا، وحكمهم علينا، والأمور الشائعة بين الناس.

    وحاولت ألاقى ترتيب منطقى للأسباب الأساسية اللى بتخلينا تعساء وحاولت أستفيد من كل الحكايات اللى سمعتها من صحباتى ومن تجاربهم الشخصية وأستفيد من أخطائهم وأحكى لكم عن بعض النصايح اللى كنت بأقولها لهم وكانت بتجيب نتيجة معاهم ، واللى يمكن تجيب نتيجة معاكم، وكمان لقيت أن المدونة دى مهمة، عشان بنات كتير بتحب تعرف حاجات عن نفسها وعن الآخرين، لكن أما بتلاقى اللى حواليها مش عاوزين يسمعوها، أو مش فاضيين يسمعوها، أو مستهيفين مشكلتها، أو بيتكلموا كلام علمى مش مفهوم بالنسبة لها، أو ماعندهمش خبرة حقيقية بعالم البنات لأنهم بيحكوا عن الأمور من وجهة نظرهم هما.

    عشان كده حبيت مدونتى تكون مكان نتقابل فيه أنا وكل بنت مش لاقية حد يسمعها، وكل بنت عندها وجهة نظر عاوزة تعرضها، وكل بنت عاوزة أسلوب فى الكلام يوصل لقلبها وعقلها من غير تعقيد وكلكعة، وكمان لقيت أنى بعد ماعديت التلاتين واختبرت أمور كتير فى الحياة وخاصة أنى اتعلمت كل تعليمى فى وسط مدارس للبنات بس وكلية للبنات بس هأكون قادرة بإذن الله إنى أحكى عن أسباب تعاستنا بشكل أكثر واقعية.

    كمان حابة أقدم وصفات عملية وسهلة ممكن لو استخدمتيها تحل جزء من مشكلتك لأن اكتشفت أن كل اللى بيقدموا لنا نصايح بيقدموا نصايح نظرى أه تتفق مع العقل والمنطق ومس وحشة لكن كمان مش بتناسبنا لأنها حلول على المدى البعيد، وما بتتوقفش كمان على أننا نقتنع بالحل وننفذه، لكن بتتوقف على قناعة الآخرين بالحل ده وتشجيعهم لينا فى تنفيذه واللى عادة بنفتقده فى المجتمع اللى أحنا عايشين فيه، المدونة دى حاولت ارتبها زى ما قلت بس لقيت أن عدم ترتيبها أفضل ويمكن أول حاجة أبدأ بيها ما تكونش أهم حاجة عندك بس أقرأى  أنتى وتابعى ورتبى الأسباب حسب أولوياتك ولو حصل وخلصت المدونة من غير ما أذكر أسبابك راسلينى وقوليلى http://wesam762012.blogspot.com/


http://wesam762012.blogspot.com/


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق