]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

لما كنت صغير ( شاب عربي وطفلة من سوريا )

بواسطة: سعد مرزوق  |  بتاريخ: 2012-12-02 ، الوقت: 04:09:34
  • تقييم المقالة:


 

اسم السلسلة: خواطر من وحي الثورة

 

لما كنت صغير 

 

شاب عربي وطفلة من سوريا  " الحرية والمساواة وأزمة الرجولة "

.

.

لما كنت صغير 

ضحكوا عليا وفهموني 

إني لو كبرت هبقي راجل

وكانوا كمان بيغنوا لي

يا رب يا ربنا تكبر وتبقي زينا

وبقيت أطول وأشب

ونبض قلبي كله حب

نفسي أخلص من الطفولة

وحبة حبة فهمت

إن العرب عندهم أزمة رجولة

حكام عبيد للسلطة

والشعوب في الدنيا ضالة

وأصحاب الحقوق مطحونة

لو فيك صفات الرجولة 

يبقي هتكون منبوذ

وتعيش طول حياتك 

مقضيها أمص ولوي بوذ

رب العزة في كلامة قال

إن المساواة من المحال

وضرب في القرآن أمثال

للظل والحرور 

والأعمي والبصير

والظلمات والنور 

وإحنا بقدرة فتكات

عاوزين نخلي الرجل 

نسخة من الستات

والست نست العباية 

والطرحة والجلابية

وتركت كمان بيتها 

بدعوة من الحرية

فبقيت عايش مهموم 

ومشعارف مين ألوم

وقلت يا رتني مكبرت

وفضلت طول عمري صغير

وبقيت أحسد كل نونو 

بياكل الشيكولاتة

وأخواته بيغنوا له

يا سكر شرباتاته

إمشي تاته تاته

شفت طفلة من سوريا

قلت لها إزيك حبيبتي

قالت لي مو منيحه

بسبب جهل الكبار 

والحرب مع بشار

بطلت ألعب وأغني

وأركب المرجيحة

وكل صحابي ماتوا 

وجثه جايه وجثه ريحه

قلبت عليا المواجع 

وذكريات السنين 

طول عمرنا شايفين 

القتل في فلسطين

ونسينا معاني الرجولة

وفضلنا ساكتين

وجينا في يوم وليلة

عاوزين نعيش أحرار

وفي سبيل الحرية

الدم يسيل أنهار

عربي بيقتل عربي

والفتنه بتزيد شرار

وإنتي يا أم الدنيا 

جري لشبابك إيه ؟

تا إنتي شريان العروبة 

ونبض الدين والمحبة

وإنتي أرض الأمان

والحب وكل المودة

متفكرنيش بعاكس 

أو بقول شعر وغزل

يا مصر حبي ليكي

جد مش هزل 

ممكن عشانك أضحي

وأعمل أي شئ 

ممكن أطير وأحلق

وأحمي من فوق سماكي

وأقف علي الحدود

وأقتل أي حد

لو بالشوك رماكي .............  !

لكن لما الخلاف يبقي من الداخل

وجيلك أخر العنقود 

فاكر إن الرجولة فرد عضلات

وتصميم في العند وأخذ قرارت

ونسوا إن الإتحاد لو في الغلط 

أهون من الخلافات

وإن الرجولة صبر وتحمل 

وشهامه مع فطنه 

وإن الرياسه كياسه

وحزم مع حكمة

عشان كده قررت أكون في حالي

وأعيش في عزلة عن ناسك

وابني الصغير مش هغني له

ولا همرجحه وأدعي له 

يكبر ويبقي زينا

عشان كده نبقي بندعي عليه

مش بندعي له .....!

.

.

.

سعد مرزوق 27-11-2012


 


سعد مرزوق

https://sites.google.com/site/rotanasaadm/prophet-muhammad 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق