]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

من مواطنة مصرية إلي محمد مرسي : احنا ولاد كلب . بقلم سلوي أحمد

بواسطة: سلوى أحمد  |  بتاريخ: 2012-11-21 ، الوقت: 11:41:36
  • تقييم المقالة:

     الرسالة دي من مواطنة مصرية في اتصال تليفوني مع ابراهيم حجازي وتعقيبا علي قطر الصعيد  , الرسالة دي رسالة للجميع مش بس مرسي الرسالة دي للنخبة اللي بتتكلم باسم الشعب وهي مش حاسة بيه الرسالة دي للشعب  اللي بيمجد في مرسي وبيعمل منه الفاتح العظيم الرسالة دي رسالة من مواطنه مصرية مش مغيبة مش بتطبل ولا بتنافق رسالة من مواطنة ضجت بما يحدث ووجدت الفرصة لايصال صوتها فتحدثت وهذا نص حديثها مع ابراهيم حجازي .

"حضرتك وإن بتتكلم بتقول ان الحكومة صرفت 5 الاف جنية لكل واحد توفي ودا عشان احنا بلادنا فقيرة , لكن مش فقيرة للموكب اللي راح مع قنديل لعزة للعربيات اللي اتصورت ونزلت دي تكلفتها قد ايه , الوزرا اللي بيحطوا بنزين علي حسابنا من ضرابينا واحنا بيستخسروا فينا انبوبة البوتاجاز دا مش حرام , والحرام علينا احنا بس احنا اللي كفرة , احنا اللي ولاد كلب بس .

الشعب المصري كل ما واحد فيهم يتكلم يقولك ما انتو صبرتوا ثلاثين سنة . صبربنا تلاتين سنة وقمنا بانتفاضة أنا مبقولش عليها ثورة لانها مش ثورة دي انتفاضة شعب عمر الاخوان ما كانوا صادقين عمرهم ما قالوا كلمة وحققوها هما مصلحتهم اولا انا ومن بعدي الطوفان .

وكل واحد يتكلم فيهم يقولك ارث الماضي وانت لما جيت تترشح مكنتش عارف ان  البلد خربانة مكنتش عارف ان ملايين منا بيباتوا من غير عشا  مفيش بينا ارامل مش عارفين يربوا ولادهم مش لاقين لبس لولادهم مش عارفين يودوا ولادهم للمدارس مكنتش عارف دا وانت قاعد في الزقازيق لا كنت عارف ودلوقت برضه عارف وانا بقولك اهوه انت مش رئيس مصر انت رئيس الاخوان بس 

لما كنت طالع تذيع البيان عن عزة كنت حزين علي ولادهم لكن ولادنا احنا ولاد كلب ولادنا احنا ميستهلوش  الراجل الي ولادهم اربعة منهم ماتوا مش قادرة اصدق انه مستحمل الاستحمال دا كله حسبي الله ونعم الوكيل "

وانا بضم صوتي لصوتها واقوله مكنتش عارف يا مرسي 


« المقالة السابقة ... المقالة التالية »
  • Brunto Smith | 2012-11-21
    تحية طيبة ، و شكر على المجهود الطيب ... وأنا بدوري قمت بنشر هذا الفيديو في المجموعة التي أديرها وهي ( لن ننساك يا مبارك ) ..

    أنقل لكم شكري مجددا

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق