]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

لمن يسألون عن عنوان مصر اليكم العنوان . بقلم سلوي أحمد

بواسطة: سلوى أحمد  |  بتاريخ: 2012-11-20 ، الوقت: 18:18:21
  • تقييم المقالة:

فيه ناس كتير بتسأل علي عنوان مصر ومش عارفه السكة وتعبت نفسها توصل ومن كتر ما لفت خلاص حاسة نفسها بتنتهي مع ان العنوان سهل ميتوهش بس هما اصلا بيدوروا في المكان الغلط مع ان المكان الصحيح قريب ومش بعيد وعشان اريح الناس من كل تعبها اللي ارهقها   دا هو العنوان .

- بلد  الاعتراف بان كل اللي حصل من يوم 25 يناير الي اليوم كابوس مزعج ولازم نصحي منه ونشيل كل الاثار النفسية السيئة اللي خلفها نلغيه من عقولنا نشيله من كتبنا ننسي اسماء كل اللي شاركوا فيه والوشوش الكتير اللي شفناها في هذا الكابوس 

-  حي  رفع الظلم عن كل اللي ظلمناهم واولهم الرئيس مبارك والذهاب اليه وتكريمه واعادة حقه اليه وتنظيف سجله من كل النفاق الزيف والكدب والادعاءات الباطلة .

شارع محاسبة النفس وتشغيل العقل والتفكير والتخلص من التشفي والحقد ورفع النظارة السودة من علي العيون 

- اخيرا عمارة مصر اولا وقبل كل شئ والاحتفال بثورة 52 باعتبارها اخر الثورات اللي شهدتها مصر 

بعد ما توصل للمنطقة دي هتبص هتلاقي بوابه كبيرة قدام العمارة مكتوب عليها  اهلا بيك في مصر بلد الامن والامان هتفتح البوابه هتلاقي مصر اللي كنت بتدور عليها وتعبت وانت عايز توصلها .


« المقالة السابقة ... المقالة التالية »
  • سلوى أحمد | 2012-11-21
    اسمحلي اقولك ان التلميذ كتير بيسق الاستاذ وعنواني هيوصل المصريين لمصر الامنه المستقرة مصر اللي مفيش فيها دم بيسيل علي ارضها يوميا مصر اللي بيقدر ابطالها اما العنوان اللي ذكرته استاذ وحيد هو اللي تهوه مصر وخلي الناس تدور عليها 
    • د. وحيد الفخرانى | 2012-11-21
      كان زماااااان التلميذ ممكن يسبق أستاذه ، لكن دلوقت يا خسارة . . الأستاذ اللى بيروح ما يجيش تانى غيره ، وإلا ما كانش ده بقى حال مصر ، يا أستاذة الأساتذة . . ولو فيه تلميذ يسبق أستاذه حالياً ، يبقى أكيد أكيد أكيد أستاذ غيرى وتلميذ غيرك . . . عيب يا سلوى ! ! !
      • سلوى أحمد | 2012-11-22
        للاسف الاستاذ هو انت يا استاذ وحيد والتلميذة انا وسبقتك في النقطة دي دا علي  فرض اني تلميذة يعني 
        • د. وحيد الفخرانى | 2012-11-22
          أنا الذى أقول لكِ للأسف يا سلوى . . التلميذ الشاطر هو اللى ما يكابرش على طول الخط عمال على بطال ، ويدافع عن شخص ما سواء بحق أو بدون حق ، كى يعطى نفسه الفرصة ليتعلم من الآخرين . . أنا لا أذكر لكِ مرة واحدة إعترفتِ بخطئك فى رأى ما ، مثلما لا تعترفين بأخطاء مبارك . . أنتِ بهذا الأسلوب لن تتعلمى من الحياة إلا القليل . . كان أملى أن أجعل آراءكِ متوازنة وتفكيرك معتدل وسطى بصرف النظر عن إتفاقك مع آرائى أو إختلافك . . ولكن للأسف الشديد أعترف أننى لم افلح . . دعواتى لكِ بالتوفيق والنجاح . . قال تعالى : " إنك لا تهدى من أحببت ، ولكن الله يهدى من يشاء " صدق الله العظيم . . وليس بعد كلمات الله تعليق .
  • د. وحيد الفخرانى | 2012-11-20
    عزيزتى / سلوى . . دى وصفة هايلة . . دى وصفة سهلة . . على رأى الشيخ / سيد مكاوى رحمه الله فى أوبريت الليلة الكبيرة . . . واضح من وصف العنوان إنك عاوزة تتوهى المصريين كلهم يا سلوى . .  ليه كده يا بنت الحلال ؟ طيب خدى العنوان السهل و الجميل ده : مصر المحروسة - قاهرة المعز - ميدان التحرير - حى قصر العروبة - شارع يناير - سجن طرة - عنبر رقم 25  - زنزانة رقم 11 - الدور الأرضى - ملك / محمد حسنى مبارك . . . إيه رأيك يا سلوى ؟ مين فينا يكسب ؟ ؟ قولى حق ربنا . . بصراحة أنتِ مبدعة ورائعة يا سلوى ، لكن تروح فين التلميذة جنب الأستاذ الكبير قوى ؟ ؟؟ ؟ ؟ ؟ ؟ ؟ ؟ ؟ ؟ مع تحياتى .. . النتيجة 6/ صفر لصالحى .

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق