]]>
خواطر :
أيتها التكنولوجيا ، لما تصرين على غزونا...أفسدت عنا بساطة عقولنا و معيشتنا... كان الأجدر أن تبقين ما وراء البحارُ...   (بلقسام حمدان العربي الإدريسي) . لا تبخل على غيرك بالمشورة الحقيقية والصادقة رغم همك ، ولا تكن بخيلا فيما يرضي نفسك وغيرك مهما كان الثمن فالحياة متعة بين الجميع والإنسان جميل رغم همه   (إزدهار) . 

حادث القطار

بواسطة: امل عبدالنبي سيدمحمد  |  بتاريخ: 2012-11-18 ، الوقت: 06:34:49
  • تقييم المقالة:

صحى من نومه مكوية هدومه قلمه وكرسته وشنطت مدرسته .... قام صحا اخوه وباس ايد امه وباس ايد ابوه و دخل اوضت اخته و دى مش عادته و كانه عارف ان دا اخر يوم يشفوه قعد مستنى اتوييس جاى وكله اصحابه يخده يوديه مدرسته حس باحساس وفتح كراسته وكتب كلام مش من سنه .... كتب ` انا كنت بحلم انى اعيش شوفت الثورة وشوفت رئيس وشوفت ناس بتشج كورة ماتو وكان الدم رخيص وشوفت شباب مات مبسوط علشان كان بيحمى حدود .... المهم انى كنت بحلم اعيش ` وقلب الصفحة وبخط ايده على قد مخه كتب لابوه وابوه جواب


حبيبتى ماما
انا بحب صحبتى فى الفصل قولى لبابا لما اكبر نفسى اتجوزها وابقا عريسها و قولى لبابا انا مش عايز شقة كبيرة ولا حتى نفسى اكون دكتور ولا ظابط ولا حتى رئيس حزب النور
قولى لبابا يا ماما بحبه وقولى لاخويا انى بحبه وميزعلش انى خلاص مش هنام جنبه
وقولى لاختى انى بحبها وكنت نفسى افضل جنبها لحد ما اكبر وابقا ساندها واجوزها لاحسن حد
وقولى لتيتا وجدو كمان هتوحشنى حوديت زمان وجدو حبيبى الشوكلاته لسه فى جيبى بس مش هتجبلى خلاص شوكلاته كمان
وانتى يا ماما انا عايز اقولك
ان انا عشت حياتى فى ضلك وانى بجد ياماما بحبك
وعارف يا ماما ان انا عذبتك وعشان خطرى ياماما كمان متعيطيش لما اسيبك عارف يا ماما انى حبيبك بس اطمنى و طمنى كل الدنيا كمان انا واصحابى يا ماما هنبقا بين ايادى الرحمن
ماما حبيبتى وحياتى عندك ابقى ادعيلى
وهتوحشينى انتى وبابا واخويا واختى
ولعبى وحاجتى حتى كراستى
ماما حبيبتى مع السلامة فى رعاية الله

وقفل كراسته و دخل اوضته وسبها على سريره ونزل مستنى اتوبيس مدرسته                                                              وجااااه الاتوبيس واخده معاه       لااله الاالله محمدرسول الله  
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق