]]>
خواطر :
ماخطرتش على بالك يوم تسأل عنى ... وعنيه مجافيها النوم يا مسهرنى...   (بلقسام حمدان العربي الإدريسي) . 

أسفين يا ريس

بواسطة: alya  |  بتاريخ: 2011-05-06 ، الوقت: 22:16:20
  • تقييم المقالة:

 

أسفين يا ريس واحنا برضوا الغلطانين وكمان يا ريس كنا مستعجلين فيها ايه لو صبرنا وكملنا معاك قرن والا حتى اتنين أسفين ياريس يا أبو القلب الكبير ياما شلت الدعم من علي ضهر الفقير أسفين يا ريس نصنا متسرطنين واحنا برضوا الغلطانين أسفين ياريس ع الدويقة وطابور العيش اللعين اسفين يا ريس لاننا في يوم اعترضنا ع الجمال والبغال والحمير والي حاكمنا من سنين أسفين يا ريس أصلنا مش فاهمين العبقرية في بيع المتر في مدينتي بنص او جنيه وللفقير كيلو اللحمة بميت جنيه لحمة ايه دة العدس حتى مش طايلين  اسفين يا ريس يوم رفعنا راسنا فيها ايه لو فضلنا الي باقي من عمرنا مططيين أسفين يا ريس أعلن طوارئ خلي السجون بالصفوة عامرة وخلي حواليك المجرمين مصوا دمانا واحنا برضوا الغلطانين أسفين يا ريس ومش عارفين علي ايه أسفين يا ريس يمكن عشان عشنا عمرنا مكممين والي حواليك خلوا ودانك واحدة من طين والتانية عجين اسفين يا ريس ما احنا طول عمرنا مستحملين أسفين يا ريس ع التكية الي سايبنها منهوبة من سنين أسفين يا ريس م السلوم لسينا ع النهضة العظيمة والصحاري الي خليتها خضرة في سنين قليلة واحنا برضوا الغلطانين والاالصعيد عيني ع الصعيد تقولش قطعة من باريس أسفين يا ريس ع الاراضي الي اهديتها للسادة والسيدات واحنا كنا متفرجين أسفين يا ريس ع المصانع والخصخصة  والسمسرة وقطع ارزاق الغلابة المطحونين ومتشكرين حتى الفانوس والابرة وارد الصين أسفين يا ريس لكننا شاكرين ع المقاهي والكافيه أسفين ياريس احنا بردوا جاحدين أسفين ياريس ع الفساد الي سبتنا فيه غرقانين تعليم وصحة وتزوير التاريخ والا التلاعب بلقمة عيش الغلبانين شاكرين كمان ع الارصدة الي عامرة بيها البنوك واحنا جيوبنا منفضين والاخط الغاز الي مديته لاسرائيل واحنا محتارين بين طابور العيش و الانابيب واحمد الله ان سبت لنا النيل وموردتوش لاسرائيل ولاخصخصت الترع  والهوا للنهابين ونسيت اقول ان سويسرا شايلة لك جميل أسفين ياريس والله ما كنا مغفلين بس ايدينا كانوا مكبلين بالفقر الي فيه مغموسين وكلاب العدلي كلبك الامين بس الشباب كانوا لك صاحين وقصاد عنادك كان عنادهم فجر يوم 25 أسفين ياريس لاننا صبرنا عليك كتير أسفين ياريس فيها ايه لو جمال يحكمنا ويعيد الكرة من جديدأسفين ياريس فيها ايه لو رحلنا وهات لك انت شعب جديد  
... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق