]]>
خواطر :
“كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . إذا سمعت عويل الذئاب...يعني ذلك ، إما في المصيدة تتألمُ أو في الغنائم تتخاصمُ...   (بلقسام حمدان العربي الإدريسي) . 

** ( تلاتين آه .. ) **

بواسطة: عمرو ابراهيم سيد أحمد مليجي  |  بتاريخ: 2012-11-02 ، الوقت: 22:27:11
  • تقييم المقالة:

 

** ( تلاتين آه .. ) **

...........................

تلاتين آه ..ع اللي جرى ..واللي كان

تلاتين آه .. والضرب على القفا .. كان عِلم له اركان


تلاتين آه .. والضعيف كان ذي القوي .. ما له في بلده مكان


تلاتين آه .. والعيشة ذي ما هيه .. شبه اللي كان

الأولى بالعَشرة .. زرعت هموم آلوان

والتانية بالعَشرة .. حصدت أنين وهوان

والتالتة عِشرة ومذلة .. ضاع فيها الامان


ونسبنا ان الحجر .. ما يصاحب ضعيف وجبان

الاولى عَشرة .. ضاع فيها شبابي

والتانية عَشرة .. نسيت فيها احبابي

والتالتة عِشرة .. وكان فيها خرابي


والاسم خريج مدارس .. وان ثرت اكون ارهابي
 

تلاتين آه .. وبكل آه مرت سنه

تلاتين آه .. وانت يا انت مش هنا


تلاتين آه .. ولسه قاعد وسطنا

تلاتين آه .. متقوللي ايه فاضلنا

قعدت تاكل وتشرب .. وسبت قلوبنا عريانه

وفضلت تسرق وتنهب .. وسبت الدنيا خربانه

وبعت كل البلد .. والفعل كان منك خيانة

ياريتك مت اكرملك .. ومكنش اللي جانا جانا
 

تلاتين آه .. ومن بعدك جالنا فلان


معرفشي هيبقى الزعيم .. ولا هيبقى الفلان


ولا هيسبها تخرب .. والبركة ف النسيان


منك لله يا انت .. دا الرحمة م الرحمن

بعد السنين .. قالولنا والله ايام ..


هتشوفوا الخير ف نهضة .. حقيقة مش اوهام


وحالكم هينصلح .. وهتبطلوا احلام

واحلامكم هتبقى حقيقة .. والعهدة ف رقبة امام

وبعد السنين .. ظابط ومرشد ونظامي


انا خفت ابقى معاهم .. يقولوا عليا حرامي

نصحوني ابقى في حالي .. وقالولي خليك عصامي


واسمع كلام المرشد .. وانسى المشير وعناني
 

معنتش هقول الآه .. و صوتي لسه ضعيف

ولو قلت تاني الآه .. شكلي هيبقى سخيف

ولو قلت هعمل ثورة .. هيبقى كلام تخاريف


انا هقعد في بيتي واغنّي .. وأقول يا لطيف يا لطيف

يا رب صبّرني .. وصبّر الناس كلها

وان كان فيه مشكلة .. عليك يارب حلها

واحفظ لمصر ناسها .. ومصر عليك حفظها

وان جاني الموت ياربي .. اندفن في ارضها

................................................

عمـــ المليجي ـــرو
مصـــــر 10/7/2012

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق