]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

حوار الثائر العربي مع الدنيا

بواسطة: سعد مرزوق  |  بتاريخ: 2012-10-19 ، الوقت: 19:22:40
  • تقييم المقالة:

 

 

الثائر العربي .. حوار مع الدنيا

.

.

.

شوفي يا دنيا هقولك كلمة 

إنتي زبالة ومايعة وفانية

أنا طول عمري شاكك فيكي 

وإنهاردا عرفتك خاينة

تا أنا عشانك ضيعت حياتي 

ليل ونهار وانا بجري وراكي

تقومي يا خاينة تديني زمبة 

طب قدري العملته عشانك

وأنا مفتون دايب في خيالك

تقومي يا ندلة تديني ظهرك

وتجري ورا المطنش أهلك

طب وحياتك لأديكي بمبة 

وهتشوفي مني الوشالتاني 

انا خلاص معتش عاوزك 

ومش هتشد لسحرك تاني

كفاية عليكي خداع في الماضي 

انا النهارده انسان تاني 

لو هنعيش مع بعض يا نغة

يبقي سبيني أعيش مستور 

أنا كل أملي يا بت المايصه

إن حياتي أعيشها في نور 

وإياك ترجعي تهزي لي وسطك 

وتشتغلي لي في الهشتك بشتك

المرة دي أنا لو أفشتك

هولع فيكي بجاز وسولار

قرفت منك وم ال عليكي 

وشكلك كده ناوياها دمار 

شوفي يا دنيا إنتي حقيرة 

وطالما أمريكا هي ال بتحكم 

من هنشوف من وشك خير 

شوفي يا دنيا فاضلك تكة

وهخدك وش أشوف لك سكة

انا صبرت عليكي كتير 

بس الوضع الحالي خطير 

شوفي يا دنيا ... نهايتك جايه

لو فلتي كتير في الماضي 

مش هتعدي المرة الجاية

مع تحبات الشعب العربي الخطير .... ولا عندنا  أرض محتله ... ولا  فتن وخلافات علي الحكم ...  ولا عندنا  شباب عاطل ولا بيوت دعاره ........ وطول عمر الوطن العربي مثال للفخر   شعب وحكومه .... وامريكا لما بتسمع اسمنا بتترعب وممكن تعملها علي نفسها ....... 


سعد مرزوق


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق