]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

اخيكم المفعول بة وليس المواطن !

بواسطة: Mina Adel Gayed  |  بتاريخ: 2012-10-15 ، الوقت: 22:47:40
  • تقييم المقالة:

 

 


نعم هذا ما اقصدة , انت ليس مواطن وارجوك لا تعامل نفسك كامواطن او تقول علي نفسك مواطن انت اقل من هذا بكثير  المواطن هو الذي يستطوطن وطن ويكون اغلي ما فية ولة كل حقوق الرعاية والحرية وحق تقرير المصير ,  ولا يوجد حتي في الصومال ان يبيع طفلة كليتة ب 50 جنية في نفس الوقت الذي يبلغ فية تمن الكلب في نفس البلد ونفس الزمان 5000 جنية (حاجة تقرف اة )

 

ولكن  ما هو موضوع المفعول بة هذا , بمنتهي البساطة والشفافية والنزاهه  " المفعول بة هو المفعول به " هو ليس من له القدرة علي الفعل  هو( المرمطون ) تعالى تعالى , روح روح , اقعد اقعد , ادخل ادخل , انتخب دة انتخب دة ..... الخ .

واليكم قصة كفاح مفعول به ))

يدخل المفعول به يا مفعول بكم التعليم ويجتاز المرحله اللأبتدائيه والأعداديه وتأتي الثانويه وهنا تكون المفاجأه " صحابنا سيكون فاعل " نعم يا مفعول بكم سيكون فاعل  فهو اصبح لة حق تقرير المصير الذي تكلمنا عنه في اول كلامنا صاحبنا سيختار يكون علمى ولا ادبى فابلاش بقي نفسنه , غير ولا تحسد وذهب صاحبنا لسحب الأستمارة  وملأها واختيار الشعبه ولاحظ معى هو الذى ( ذهب , وسحب , وملأ واختار)  انة فاعل اربع مرات  وغنت لهة امة يا حلاوتك يا جمالك خليت للفاعلين اية ,

وغنت معة باقي الأسرة وعمت الفرحة ارجاء المكان , فقالو له هتختار اية مع العلم يا مفعول بكم ان في بلادنا العزيزة ان اللي بيدخل ادبي غبي واللي بيدخل علمي ذكي , يا لها من صدمة ! عاد اخيكم الفاعل لأربع مرات في حياتة ليكون مثلكم ويختار علمي علي عكس ميولة اللأدبية ليثبت انة مش غبي ودخل اخيكم المفعول بة الصف الثانى الثانوى وحصل علي مجموع درجات 82 %  وتعمل ايه في علمىى يا ولدان دي ال   %99 مبتدخلش طب في الزمن دة ,

 وهذا المجموع طبعآ طبقآ لدرجة حرارة الجو في ذالك الوقت و لدرجة تعكير دم من وضع الأمتحان ورقة صحبنا الذكي لأنة في علمي , شوفتو اخرة النق اهو هيتفعل بية تاني ويحول ادبي ليكون مفعول به تانى وينهى الصف االثالث الثانوي بمجموع 88 % مش بطال بالنسبة لأدبى ولكن يأتي ليفعل بة ويأخذ حق تقرير المصير والهتش اللي قولنا علية فوق منتا جيت للجد بئة ويخضع للتنسيق وما ادراق من التنسيق اسمة في منتهي العقل والرزانة والترتيب ولكنة في الحقيقة مهدم احلام وطموحات وغبى بفطرتة , يدخل اخينا كلية الأداب قسم اللغة العربية ( ما هو مفعول به بئة ) وينجح ويرسب علي حسب اهواء الدكتور و درجة عكننة المدام علية

ويتخرج صاحبنا ليصتطدم بالواقع البشع لا يوجد عمل , طبعآ انتا دلوقت بتقول اكيد امة قعدت تغنيلة  (اية العمل ....مفيش امل ....... ولا فرص عمل ... ) زى مغنتلهة وهو بيملأ اللأستمارة , لا يا خفيف مغنتلهوش , ظل صاحبنا خمسة سنوات يبحث عن عمل ولم يجد ولكن تأتي المفاجئه( تن ترارا )مصلحة حكومية تطلب موظفين لقد فعلها للمرة الثانية سيكون فاعل وييقدم ورقة لطلب الوظيفة , بس بلاش تحسدو الراجل المراه دى يا جدعان  دة وظيفة  حكوميه " وان فاتك الميري اتمرمغ في ترابة " وانتو مفعول بكم وعارفين قيمة الكلام دة كويس  , ذهب صاحبنا المفعول به الذي علي وشك ان يصبح فاعل ليقابل الموظف الذي سيستلم منة اوراقه واعطاه صاحبنا شهادة اليسانس بمنتهي العجرفه والأنزحه ( هيقي فاعل موظف بقي مش فاعل عاي حتي ومعاة ليسانس خلي بالك ) فقال لهة الموظف اي دة يا ابو الكاباتن احنا عايزين عمال معهمش شهاده اصلآ بالكتير يكون معاك أعدادية علشان يشتغلو سعاتيه ( يعمل شاي يعني ويصور ورق ) فتحطمت امال  صاحبنا عندة حق الراجل عمال يتفعل بة 15 سنة في التعليم وبعد كدة يشغلو اللي متعلمش اصلآ فاطرأت علي رأس صاحبنا فكرة ليتماشى مع الظروف وقدم بالأعداديه وعمل ساعى في المصلحة وتأتي البقية الحزينة ويحضر صاحبنا دبلوم تجارة (دبلوم مش دبلومة  خلي بالك ) اللي معاة ليسانس ( مؤهل عالي ) بيذاكر دبلوم تجارة ( مؤهل متوسط ) علشان  يحسن ظروف عمله من ساعي بلأعداديه اللي موظف اداري بدبلوم وهو معاة ليسنس اصلآ , عزيزي المواطن , عفوآ عزيزي المفعول بة انتا حتي مش مفعول بة عادي منصوب مثلآ انت مفعول بة مرفوع ( ايوة مرفوع اللي في دماغك ) وفي النهاية ارغب ان ابلغك رسالة للأمنة فقط مش اكتر انا من بدأ المقال احرضك لتكون فاعل وشغال زن خليك فاعل خليك فاعل انا لسة فاكر حالآ ان الفاعل في بلدنا هو اللي بيشيل القصعة ويعمل سخرة فى اعمال البناء بمقابل زهيد فهو ايضآ مفعول به , التغير

 لا بد ان يكون جذري .

 

بقلم : مينا عادل جيـــــــد

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق