]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

تيييييييييييييييييييييييييت !!

بواسطة: Ahmed Elbanna  |  بتاريخ: 2012-09-27 ، الوقت: 22:13:15
  • تقييم المقالة:

 

تيييييييييييييييييت !!

فى اول مقالة اكتبها ...  حبيت تكون مقالتى ( تيت ) , لأن حاجات كتير جدا بقت تيت ... مخلوع ( تيت ) متحاكمش .... عسكر ( تيت ) متحاكمش ... و حتى اللى كسبوا .... مش ( تيت ) اوى ... هم يعنى نص ( تيت ) ..

بس تفتكروا اللى منزلوش من اول يوم فى الثورة ... و ركبوا عليها .. يبقوا اية !! , و اللى كفروا اللى قالوا ( لا ) على الاستفتاء ...  يبقوا اية !! و اللى باعونا فى ( محمد محمود ) عشان ( القبة ) ... يبقوا اية !! و اللى كان سلاحهم ( احنا الاغلبية ) و الباقى ملهمش لازمة .. يبقوا اية !! , و اللى كدبوا لما قالوا ( مش هنرشح حد للرئاسة ) ... يبقوا اية !! , و اللى ... و اللى ... و اللى !! ... مش يبقوا تيت !!

الحكاية انهم عطشانين سياسة ... وطبعا لما شربوا .. شربونا معاهم ... شربوا شباب الثورة ...  بس سيبك من انهم ركبوا على الثورة ... و الكلام ده ... لكن اللى بجد مستغربلوا ... انهم جماعة دينية .... يعنى لما سابونا فى ( محمد محمود ) .. كانت فين نصرة المظلوم !!! و لما كدبوا علينا فى حوار الترشيح للرئاسة ... هل ساعتها كان بردو الكدب حرام ... !!

عشان بردو تبقوا عرفين انا دلوقتى مختلف مع مرسى اة و بعارضة فى الغلط و بدعمة فى الصح ... لكن .. انا للأسف .. للأسف .. للأسف .. دعمتة فى الجولة التانية ... لأن كان الطرف التانى للأسف ... للأسف .. للأسف .. هو اللى قاتلنى .. فكان ادامى اتنين .. واحد قتلنى .. و التانى باعنى و انا بتقتل ... فخدت بحكمة جدتى ... ( قضى اخف من قضى ) !!

بس عرفين ... لو مرسى دلوقتى قناع لقرارات الاخوان ... مش هيكمل كتير .. اما لو اتصرف فعلا بكتاب الله و من غير الاخوان ... ان شاء الله ربنا هيقدرة و هينصرة .. و اكيد ساعتها مش هيكون ........... تيت !


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق