]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

إنّـــي اُمْرءٌ بلطجي

بواسطة: د/ فاطمة الزهراء الحسيني  |  بتاريخ: 2012-09-20 ، الوقت: 20:04:49
  • تقييم المقالة:

 

الإسم بلطجي 

  الشهرة بلطجي   

و العمل برده بلطجي 

    ما يهمنيش حلال و لا حرام اللي بكسبه 

  المهم عندي إنها فلوس   

بتقضي حاجتي و أسرتي 

 

و إبني بكرة لما يكبر هيبقى زي بلطجي

  ميفرقش معايا ليك الحق او عليك

  المهم عندي تدفع لي 


  و هكون معاك للاخر

  لاخر فلوســك ,,  

و يوم ما اشوفك تاني 

  يا اطلب الزيادة  

او ابيعك للي يشتري

 

  مقياسي في الحياة 

  فلوسك هي امي و ابويا و اسرتي  

  نسيت المشاعر  

مع الجوع و الألم

  و يجيوا يلومــوني كانوا فين

    لما كنت بنام من غير عشاء ؟  

كانوا فين لما ابنــي كان هيموت عشان مجبتلوش الدوا   

كانوا فين ..؟  

لما كان نفسي اتغطى في الشتا ؟  

كانوا فين لما عرفوني ان القوة هي الامل ؟  

و النفوذ هو الحقيقة 

 

و الباقي كله كلام ورق ؟

  و اشتريت نفسي و عمري  

و حققت العدالة للقوي  
 

 

لكني  خايف بجد   

من كل اللي اتظلم

  خايف من دعوة واحدة 

  تضيعني للابـــد

  خايف عيالي اشوف فيهم كل اللي اتظلم   

كل اللي دعى علي  

أو اللي انضرب   

كل اللي مات على ايدي 

  و دمه اللي انهدر   

خايف لكنــي بقول ,,

انتم اللي السبب  

لحد منكم عاقبني ,,

و لا حتى وقفتوا ضدي  

كله الوقتي بيسلم 

  و يبحني لي رأســه ,,  

و لما بعدي  في الطريق,,  

كله بيدخل بيته ,,

  خايفين من اللي هيحصل

   بس حتى  لو  ساكتين  

لو ليهم النصيب   

من ايدي مفيش مفر  


  دا قانون الحياة ,,

  ان الحياة بلا ثمن 

  رخيصة رخص الرغيف   

و انبوبة البوتاجاز

  و صفيحة  البنــزين

 و الامـل اللي اندثر  

و هموم كثيره لو تنحكي ,, 

  مش هتغير الحقيقة 

  إنّـــي اُمْرءٌ بلطجي


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق