]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

مدد ياسيدنا الحُسين............

بواسطة: Sherif Hosni  |  بتاريخ: 2011-08-03 ، الوقت: 03:33:31
  • تقييم المقالة:
" مدد ياسيدنا الحُسين "

حبايبى الحلوين المساكين !!! ...النهاردة بقى أول مرة أحس إنى مكسوف وأنا قاعد فى وسطييكم .ماعنى مابكسفش ..طب صحيح أكسف من إيه !! ماإتوا اللى بتسألونى ..ولازم أرد عليكم .
كان زمان يقولك الراجل لو عدى سنه الستين , خلاص راحت عليه ..يشيل السبت على دراعه , ويروح يشترى الخُضار من السوق ,ماهو بقى بركة البيت , شوفته المسكين !!!!
وتفضل مراته فى الرايحة والجاية تقوله إدعلنا ياحاج حسين !!!
أما دلوقتى ...يانهارى على دلوقتى , يبقى الواد لسه ماعداش التلاتين ..وتحل عليه البركة !
نهارك إسود إنت وهو ...وهو ....إنتوا بتهزروا ...كل واحد فيكم قاعد يعبى جسمه بالمنشطات , إيشى مصرى وإيشى إيرانى ..وده ألمانى وده أمريكى أصلى ...وده بسبب الله يخرب بيته ....مين ايه ؟ ...هو أنا بادن فى مالطة !!! المنشط ياعم الظريف .
إنت عبيط إنت وهو ..؟ ماعندكوش مخ ؟ ..عضلات إيه اللى فرحان بيها ؟
وبعد فترة تيجى يعيط ..ويقوللى ضمرت الخصيتين ,ومابقاش فى من هنا ورايح حيوانات ...بس لما تحب تشوفها ..عليك وجنينة الحيوانات هههههههههه.
وصاحبه الجدع يجرى عليه ويلحقه بالحباية الزرقة , ديه حتى هى كمان ...الكام يوم اللى فاتوا قالوا عليها ,إن اللى ياخدها علطول تموت الحيوانات ...لأ...مش الل فى الجنينة .
وتلاقى الراجل من دول عينه مكسورة ....أشرح إيه ؟ ماإنتوا فاهمين ...إوعوا تكونوا وقعتوا فى اللى وقع فيه صاحبنا اللى ماشى ورا أبو بالطو أبيض ,اللى عاملى فيها دكتور .
وياعينى على مراته ..تروح تلبسلُه الإشى ... ..وأول ماتيجى جنبُه ..يقولها ..أنا لسه جاى من التمرين ..بس على مين ..تجرى بنفسها على عم حسانين العطار ,تجيب من عنده شوية زيت على حتة كريم وصاية ..وممكن توصل فى النهاية إنها تزوره سيدنا الحسين .
وعليك بإيه ده إنت وهو ..عايز تثبت إيه ؟
ضبط أكلك وإتمرن كويس ..أحسن لك ..لحسن تيجى فى يوم وحبيت تطلع الجبل ..لاحاينفع سلم مطافى ..ولا حاينفع أسانسير ..وإوعوا تقولولى إن إنتوا مش فاهمين .
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق