]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

يا مرسي نفسي اتجوز

بواسطة: سعد مرزوق  |  بتاريخ: 2012-08-29 ، الوقت: 17:24:36
  • تقييم المقالة:

 

 

يا ريس نفسي أتجوز وأبطل أنام مبوز

 

حقي  ضايع .. وفي كلمتين حسني راح ومرسي جه

 

 

 

 

 

نص عمري ضاع  بدور ع الوظيفه 

ومهما أكد وأتعب جيوبي ديما نظيفه

وأفكر وأهلك في جاز لما عقلي باظ 

وصحبي حقة ضايع ومعاه سبع صنايع

وخريج التجارة بيتاجر في الخساره  

قلت يا عم عادي خلي حلمك بسيط 

وبأي شغل هرضي لو فلاح في غيط 

بس أعيش إنسان وأنام مش قلقان 

ويبقي عندي بيت وأحس بالأمان

لقتهم بيقولوا لي  فيه أزمه في الإسكان

قلت أقل حاجه .. لو أوضتين وصاله 

وهرضي بأي مكان مشلازم في المعادي

المهم اتجوز وأفرح شويه بشبابي  

سألت ع الإيجار لقيته غالي نار 

والراتب مش كفايه ومعرفتش آخد قرار 

قلت بلاه الجواز وخلاص  هعيش لحالي 

لقيت الحياه جحيم و نار وعذاب أليم 

وبقيت أتمني الموت وحاولت الإنتحار   

شويه وقالوا ثورة .. وهنغير النظام 

قلت زي الفل  ... هو ده الكلام 

وخرجت وأخّذت كفني وقلت لأعيش لأموت 

وصرخت وقلت عاطل يا ناس كفايه سكوت   

وكانوا في البدايه بيقولوا علينا عيال 

ومحدش حس بينا وقالوا محششين 

والاخوان ساعتها كانوا مخنسين 

وكان قرار المرشد غير مشاركين 

وهذا الأخ سلفي .. قال مبارك أمير للمؤمنين 

والثورة دي حرام  وسمعنا كلام تكفير   

ويوم بعد يوم الكل ركب الموجه 

واللص والحرامي عاش دور الزعيم 

والفاسق والمنافق غير طريقة الكلام 

إمبارح كان اعلامي بيهلل للنظام 

إنهاردا ربي ذقنه وبقي عضو في الإخوان

وحقي لسه ضايع ومعتش فيه أمان ....!!  

ولسه بردوا عاطل ومشاكلي هيا هيا 

وراح الحزب الوثني وجات جماعة الإخوان

وراح محمد حسني وجه محمد مرسي

وانا خلاص نشفت ..بتمني زوجه تبوسني..!  

ولسه قاعد محتار هو العيب فينا والا في النظام ؟

تسمح لي يا رئيس أقول حبة  تخاريف

هو كلام بجد مش عامل واد ظريف ...!

يا مرسي  بلاش تبأبأ الشعب المصري مدأدأ

يا مرسي بلاش تنحاز وحل مشاكل الجاز 

نص شباب مصر عايش من غير جواز 

والنص التاني يا ريس عاطلين ومهمشين

والقطاع الخاص عبوديه للإنسان 

بيحدد الأجور ندفعها في وصل النور 

فين الحلول السريعه  مصر مش وديعه

يا مرسي إنسي الإخوان مصر كلها جدعان

يا مرسي هنحبك لو صرفت عنا العو 

ويا ريت بلاش تتهور الشعب مخه منور

يا مرسي يا أنتيكا متخفش من أمريكا 

يا مرسي يا أصيل دمر إسرائيل

يا مرسي يا فنان بلاش تخسر ايران 

يا مرسي انا مش مهيس

انا كل حلمي يا ريس 

اني أعيش كويس .........!

 


سعد مرزوق 29-8-2012


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق