]]>
خواطر :
الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

..الثورة اتخرمت ...تخيل

بواسطة: احمد سعيد  |  بتاريخ: 2012-08-21 ، الوقت: 13:33:01
  • تقييم المقالة:
 

تخيل انك عشان رافض انك تنزل مع الى شتموك وضحكوا عليك بقيت .....ياواقف مع الاخوان يفلول الثورة الجديده الى ضد الاخوان وانك متقاعص ومتخازل عن الثورة والى يخليك يعنى حاسس من جواك بالذنب وبقيت هتشق صدرك وتطلع قلبك تساله انا ثائر ولا فلول .....تخيل انك محتار وهتجنن فعلا ومنتش عارف انت مين وتخيل لو ريحت دماغك ونيمت ضميرك حبتين وقلته انا عندى مبادئ اختلف معاهم اه بس منزلش مع دول عشان دول الى وقفوا ادام ثورتنا ودول الى خدعونا وفهمونا انهم بياخدوا حقوقنا وهما فعلا بياخدوا حقوقنا- فى جيوبهم ، دول الى وقفوا مع الى قتل والى قالوا علينا خونه ودول الى عطلوا مسار الثورة وبعدونا عن اهدفنا بإستعبادهم  الغريب والى ملوش اى معنى غير انك تسمعهم وتبكى او تضحك ....تخيل بقى انك بعد السطرين الى فوق دول الى نيمت بيهم ضميرك حبتين بقيت ضد ثورتك كمان  ..ابسط .. ليه لانك طالبت بحق التظاهر المكفول للجميع ..ومتعرفش ان الكفوله هتبقى كمان للفلول  مش هى للجميع ..الف سبب وسبب يقتل به الحق ويغلف الباطل فى ثوب من الحرير ..

 

تخيل وانت نازل فى اليوم دا ان الموضوع دا متخطط ومتدبر عشان يناير ميبقاش ليها وجود وتتفعص هى وثوارها فى النص  وتلف ترجع البلد للسرقوها تانى  يعنى تمسك الحرامى ويجوا عصابته يطلعوه وكمان ياخدوا السريقه هديه عليه وعلى الى جبوه ...تخيل ان الى عملين الثورة دى معمولين من ضمنهم واحد اتعمل عشان خاطر  يرفع الخرطوش ويبقى زعيم ويبوز مجلس قيادة الثورة ويضيعه ويفككه وعلى غفله تلاقيه قلب وبقى وحش وبقى مؤيد للنظام القديم والمجلس العسكرى  تخيل عشان يقولوا كل الثوار كده بوصوا اهو النائب بتاعهم اهو شوفوا عمل ايه ....او الناس الغلابه تقول اهو واحد من الثوار بيأيد العسكرى انت عايزين ايه بقى ياماجورين  ...اه افتكرت اهو انا دلوقتى عاملت زيهم وبقيت اقول عليهم معملوين  زى مهما قالوا علينا ماجورين

 

تخيل بقى والمرادى ابكى وانت بتتخيل ان اليوم دا معمول عشان ثورتنا تتخرم ...تخيل الثورة اتخرمت  وجابو ثورة بدلها ..تخيل وانت بتقول عليهم فلول وهما قالوا عملا ..تخيل وانت بتقول عليهم  قابضين زى مقالوا عليك ..وتخيل وانت بتقول عليهم خونه ولا راقصات ولا اعداء الوطن ..وساعاتها تلاقى روحك بقيت زيهم يوم مخرجت عشان تجيب حقهم ..وحقهم ولا تقدر تقولهم متنزلوش او مثلا تقولهم اصبروا عليه ....

 

بس لازم وانت بتتخيل تعرف ان دا مخطط اوسع عشان حد معين هيبقى زعيم الثورة دى وجايز وتخيل انها تنجح لان كل مخابئ الدوله هتقف معاها، الدوله العميقه ورجلها الى فى كل حته فى البلد من المحليات للوزارات

ولازم تتخيل برده انه خرج بره عشان يدير الموضوع من بره وانه هيرجع متوج على راس الثورة دى ..ولازم تتفزع وانت بتتخيل ايوة ممكن تنجح لان ساعاتها هتبقى بتحمل كل عناصر الثورة الناجحه الى هى تمركز رواد الثورة فى حيويات الدوله واهم مناصبها وساعتها هتشوف  فيلم الثورة الى كنت بتحلم بيه بيتحقق ادامك بكل لحظه فى حلمك بس انت بره الحلم ...وهيسموها ثورة او هيسموها تصحيح مسار الثورة وانا وانت هنطلع فى التلفزيون نقول عايزين يخربوا البلد  عايزين يدخلونا ويطلعونا من الناحيه التانيه .. بس ياعالم هيطلع فينا واحد يعمل قناه ويحرضنا على ثورة تالته ... نعمل احنا ثورة عليهم وهما يردوا بثورة ونفضل كل ناحيه تعمل ثورة ونبقى شعب ثوار كلنا مفناش فلول  مهى ثورتنا مخرومه واحنا بنثور على نفسنا  ..عاش شعب مصر الثائر

 

 

  • fareda | 2012-08-28
    ااااااااه يازمن خلاويص ماشى مقلوب اوى بلا اخوان بلانيله كدة الحياه جميله بلا فلول بلا كنافه كدة الحياه جوافة وبرددددددو   مكملين مازهقناش مازهقناش يا الثورة تكمل يا اما بلاش تحياتى للغندور واللى بيتغندر بقا الثائر سيظل ل حين انتهاء الظلم
  • الثوره مستمره 24 في التحرير | 2012-08-21
    بجد  مقاله اكثر من رائعه بس يعني  بعد اذنك انت حاسس ان الثوره دي ممكن تنجاح  بسبب فتوي الاخوان وانت كده كده عاوز تسقطهم ليه تسيب الفلوول هم الي  يسيطرو علي الثوره طيب افرض ان الثوره دي شارك فيه القوي الثوريه والثوره نجاحت مين هيحكم   وفعلاا  تبقي ثورة تصحيح مسار الثوره لان الاخوان سرقوها من الشبااب الي خرج   بس لو بجد الثوره نجاحت  الثوره كده الي هيتحكم وانت مش هتنزل مع الفلول  انت هتنزل  ميدنك ميدان التحرير  مش ميدان الفلول  ولو  هم عاوزين يبقووو معانا  احنا موفقيين  ام ابو حامد او بكري  اوعوكشه  دول خليهم مع الفلوول  برحتهم  

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق