]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

دماغــك إيه النهـارده .. ؟

بواسطة: على حسن السعدنى  |  بتاريخ: 2012-08-17 ، الوقت: 21:39:08
  • تقييم المقالة:

- على حسن السعدنى يكتب :

دماغــك إيه النهـارده .. ؟

تفتكر عندك إجابة للسؤال ده .. ؟

الكثير منا نحن الشباب واقصد الشباب كلهم ليست مرحلة سنية معينة .. في المدرسة في الجامعة حتى بعد التخرج وحتى عندما يساعدك القدر على إيجاد فرصة عمل مناسبة أو حتى في بداية زواجك الذي يعتبر علامة ومحطة هامة في حياتك المليئة بالإنجازات أياًٍ كانت هذه الإنجازات فتخطيك محنة الثانوية العامة إنجاز كبير جداً أو تخطيك الجامعة إنجاز أيضاً . أما إذا إشتغلت فده بقى إنجاز عظيم .. وهروبك من صاحبتك أو حبيبتك في الصيف في أوقات معينة إنجاز أيضاً ..

مع انتهاء الامتحانات العصيبة وتوتر الأعصاب وكثرة شراء الملازم وورق الدروس عشان ربنا يسترها ويعدي الامتحان على خير وبعد خروجك من آخر امتحان كأنك ماشي في شارع زحمة الساعة 3 العصر في شهر 8 ومرة واحدة دخلت مكان فيه تكييف 9 حصان تبتدي تفكر آخر يوم في الامتحان أنت وأصحابك هتعملوا إيه ... هيخطر في بالك انك تنزل تقابل حبيبتك وتخرجوا في مكان ما فيهوش صريخ ابن يومين أو تتصل بأصحابك وتنزلوا تسهروا في مكان جامد أو تلفوا بالعربية في المهندسين أو في أبو الفدا في الزمالك أو في عباس العقاد المهم انكوا تتقابلوا وخلاص .. أكيد واحد فيكوا هيفتح موضوع السفر .. وسوف نتطرق لمشكلة وهي إن بعض أصحابك إذا كنت في جامعة خاصة عندهم summer courseومش هينفع يسافر خاصة إذا كان هو إلي هيجيب العربية أو المكان إلي هتباتوا فيه !! .. أما إذا كنت من الجامعات الحكومية فالموضوع هيبقى أسهل ، ناقص بس انكوا تلاقوا المكان إلي هتنزلوا فيه وأكثر الشباب وأنا منهم طبعاً أفضل إني أروح الساحل أو العجمي ويا سلام بقى لو مارينا ويا سلام لو ربنا يكرمكوا ويبقى في عربية ولا أتنين عشان مسألة التنقلات دية صعبة أوي خاصة مع الشباب إلي كل شوية يبقى في حته .

وسافرت أنت وأصحابك وكله تمام وقابلت صاحبتك هناك وفي البعض يحب بعد ما يقابل صاحبته على طول يتجه للبحث عن حب جديد خاصة وان حب الصيف إلي على المية والرمل له جو تاني خالص ..

وخلصت السفرية ورجعت تبتدي تشوف مكان لتدريبك في القسم الخاص بدراستك أو تبتدي تدور على شغل لو أنت أتخرجت وترجع حياتك الطبيعية زي الأول يعني لو بتنزل مع أصحابك كل يوم تتقابلوا عند حد من صحابكوا أو تتقابلوا في كافية معين انتوا بتحبوه تلعبوا ترنيب أو بلاي ستيشن أو استيميشن أو تروح تتمرن في الجيم بتاعك عشان الجسم يبقى آخر تمام ويبتدي الصيف يخلص ويخلص معاه السفر ورصيدك وبنزين العربية ونبتدي نستقبل الجامعة ومع الجامعة نستقبل شهر رمضان المعظم واللي هنتابعكوا بكل شئ فيه بأذن الله ... معلهش تقلت عليكوا

  

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق