]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

خواطر ثورية للجيب

بواسطة: Mohamed Gaber  |  بتاريخ: 2012-08-16 ، الوقت: 01:12:40
  • تقييم المقالة:

 

مكملين   (1) عودة الروح ها هو ذا قد ثار مجددا علي قوانين الطبيعة ابن الإنسان , فبعد مئات السنين يكسو الله العظام لحما و يعود كريم عبد السلام بنونة للحياة مجددا كما عاد من قبله عزرا أو العزير أو أرميا أو الخضر أو عبد بني اسرائيل كما اختلفوا فيه    فتح كريم عينه لكنه , كان غير مدركا لأي شئ يدور حوله و حين بدأ يدرك  ,أدرك أنه لا يوجد شيئا حوله فهو في ظلاااام تاااام .....و سكووووون تاااااام أدرك أنه ملفوف داخل قطعة من القماش و أدرك إيضا أنه ضعيف جدا و يتحرك بصعوبة بالغة ............. لكنه ثائر       فقبل عام من الان توفي الثائر كريم بنونه لكنه ثار علي قوانين الطبيعه فبعد فترة إستطاع التخلص من القماش و علم انه في مكان مغلق ,فأطلق صيحة هائلة يطلب العون و الغووث افتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتح   (2) الخوف من المجهول عم بخاطره كان يدوب بدأ يروح في النوم بعد ماكان أتكوع جوه عشته اللي بناها من سنين في الترب ,و فجأه سمع صوت فابتدي يقلق , حس أ فيه ناس بتتعارك و ان فيه مشكلة و حد بيستنجد بحد .... فخد وضع الاستعداد و اليقظه و الترقب ,هو غلبان و اللي فيه مكفيه ,فأهم شئ عنده ...أبعد عن الشر و غنيله بعد فتره من البحلقه في الظلام سمع الصوت تاني جاي من هناك , بس كان واضح ان الصوت مفيش اي حس تاني غيره و ان فيه سنة كتمة كده يعني تحسة مكتووم و ده اللي خلاه يتشجع انه يبتدي ياخد اول خطوه ليه بره العشه و يطلع يشوف هو في ايه؟؟   (3) عوده الحياه عرف كريم أبعاد المكان و بوابة الخروج لكنه لا يستطيع أن يفتحها فبدأ يسارع في التخبيط عليها و ارسال صيحات الإنقاذ بشكل متسارع ... فهو ذا ابن الإنسان .. بعد أن وجد يبدأ ليري احتياجاته ... يريد الاحساس بالامان ,سمع كريم صوتا يعبث فوق رأسه فأخذ يصيح أفتحوووووووووولي أفتحووووووووولي أنا هنااااااااااااااااااااااااااا     (4) معرفة الذات بخاطره: انتم مين؟ كريم أنته اللي مين؟!! ب :انا الخفير ,انت جيت هنا ازاي؟ ك:خفير ايه؟ ب : خفير الترب ك :ترب ؟؟ ترب ايه؟؟ ب : وااااه ,الترب ك:و انا ايه اللي جابني هنا ؟؟ انتوا حابسني هنا ليه؟ ب:انا مش حابسك ,انا مخبرش انته جيت هنا ازاي!! ك :طب ممكن تفتحلي أو تعرفني انا هنا ليه و احنا فين؟؟ ب: يا عم انته عايزني افتح التربه ,انته اتجننت؟؟ ك: تربه!! تربة مين؟ ب دي تربة الحج بنونه ك: بنونه ... أنا بنونه ... أنا كريم بنونه   (5) الإحساس بالذات أترب " بتشديد الراء" عم بخاطره و مبقاش فاهم ايه الحوار؟ هو فيه حوار و لا ده كمين معمول و لا ده حد فاضي و بيحور... مبقاش فاهم ... ده جد و لا في شئ غريب تنح سيكا كده و بعدين فقع سؤال تنيني و قاله : طب أنا إيش يضمنلي أنك الحج بنونه؟؟ كريم :يا عم روح كلم أي حد من أصحاب التربه دي خليه يفتحها أو أفتح عشان أنا هموت من الخنقه ..خلاص أفتح أرجوك هنا ..... أحس بخاطره بسلطتة و قوتة و جبروتة و لم يفهم ثقة الحديث الذي تلقاه من كريم. , و أراد أن ينتشي بلذة السلطة فقد زال الخطر و ابتعدت المشاكل و هو الامر الناهي هنا بخاطره:طيب انا بكره الصبح هاخد بعضي و اطلع علي بيتكم بس قولي هو فين؟ كريم:يابا الحج أبوس رجلك ... أنجز , أنته مش بتفهم.؟ أنا محبوس في تربه يعني بكره الصبح دي هكون فتسط فبعد إذنك يا تفتح حالا يا تروح دلوقتي و اقولك العنوان بس ياريت تفتح حالا عشان فعلا بموت   (6) نسيم الحرية ارتوي عم بخاطره من اللذه و أتخذ قرار الفتح .... بس كان مقلق شويه كده ,لكنه رد و قال : ماشي انا هفتحلك بس تعرفني انته ايه اللي جابك هنا؟ فبدأ عم بخاطره في ازاله التراب لكي يزيح الحجر و فتح القبر ليتسلل الهواء النقي للداخل و يبدأ بالتسلل لرئتي كريم المتعطشتين  للهواء فيبادر علي الفور بطلب المساعده و يقول :خرجني بسرعه خرجني و هو يحاول الخروج و يسعي في إتجاه الضوء , و عندما لمست يديه ايدي بخاطره ,أرتعد بخاطره و ظل يردد المعوذتين و أصبح خائفا رغم أنه داخل قرارة نفسه يعلم أن كريم ضعيف و أنه ذو سلطة عليه   (7) الإحساس بالجسد أذبهل بخاطره أذبهلاللا بشعاً و هو ينظر إلي هذا الشاب العريان المترب و هو بيحاول يصلب طوله و بيتنفس بشراهيه لدرجه انه تعاظم في عينيه و أحس أنه وحشا يريد أن يأكله... بخاطره المسكين الصغير المهم بخاطره مستناش اول مبدأ يحس كده قام عارض خدماته علي طول : أجيبلك حاجه تلبسها يا بيه؟؟ حينها بدأ يدرك كريم أنه عاري فقال :ياريت تكون خدمتني بخاطره :طب استني ثواني و اسرع الي العشه ليحضر اي شئ لكريم حتي يبتعد عن هذا الوحش الذي يريد التهامه او العفريت يطب و تبدأ الشعوذه فجاب جلبيه قديمه كان بيستعملها كفوطه زي الفوط الصفرا بس كانت بالنسبه لكريم أحسن من مفيش , لقاها شغاله و مأديه الغرض و مغطيه المسائل بس فخده رجله اليمين كانت باينه شويه ,كريم كان متدين و بتاع ربنا فسأله مفيش أي حاجه تانيه بس عشان دي مفتحه اوي؟ بخاطره: و الله يا بيه معندي غير الهدمه اللي عليا و اللي عليك فارتضي كريم بمساعدته و شكره و ألقي عليه السلام و بدأ يمشي الي منزله   (8) الهروب ياااااااه ده انا علي الاوتوستراد !!   هكذا قالها كريم في قراره نفسه بعد أن أهلكه التعب و أنهكه من كثرة المشي , فهو واهن بشده و لا يقوي علي المواصلة ...و أدرك حينها فقط أن لازال امامه الساعات فبدا يبحث عن المساعده لكن لم يكن هناك احديجيب أو يلتفت فالساعه الواحده و النصف بعد منتصف الليل , و السيارات تأتي مسرعة لكنة استمر في المحاولة , الا أن وقفت له سيارة اجرة فركبها مسرعا و هو لا يعلم الي اين تذهب !!!!! (9) الحياة للحياة ك:رايح فين يا أسطي ط:السيدة عيشه ك:طب ياسطي انا معيش فلوس ط:عالله يابا ك:ربنا يكرمك ياسطي ط:عالله يابا ك "في عقله" :السيده عيشه دي اروح اعمل فيها ايه؟؟ أنا انزل هناك و أخد تاكسي للبيت و هناك لما أوصل أبقي أطلع أجيب فلوس و احاسبه و أركب التاكسي الأبيض عشان مش طالبه حوارات نزل ميدان السيده عائشه و بدأ يري الحياه و أبتسم قليلا و هو غير مدرك ما الذي يبهجه   العجوووزه   (10) أنا مش أنا هي الدنيا بترازي فينا ليه بس؟؟ هكذا فكر الاسطي محمد عندما ركب كريم بجانبه  ,بيحب شغل الليل الرايق بس شغل الليل كله مشاكل. محمد:علي فين؟ كريم:العجوزة في الشارع بتاع نعمة سكت محمد و بدأ يتنح في اللاشئ و علي صوت الكاسيت و انطلق مهرجان دي جي فيجو يقول احلي كلام عدي المشوار بسرعة ,أصل السكه كانت رايقه و السيجاره مشعلله في النافوخ و الحبايتيين ظابطين الاداء لولا المكالمة اللي خدها كريم من الاسطي محمد و جرحته في رصيده و كمان زاولته اوووي لانه حس ان كريم مش كريم و بيحاول يقنع حد انه كريم !!! لكن عدي مع كريم برهبه شديده .....مكنش فاهم هو في ايه؟؟ و محاولش يفتح اي حوار مع اي حد في اي حاجه .. هو كان عايز البيت و بس.   (12) وقفت العربيه قدام البيت و استأذن كريم الأسطي محمد أنه يطلع يجيب الفلوس من فوق و غاب حوالي ربع ساعه و نزل و اداله حقه و انطلق الاسطي محمد لصيد جديد و طلع كريم ليحاول استيعاب ما حدث!!   (11) هيستيريا كريم كان عنده لهفه غريبه في ان الباب يتفح و يدخل بيته فأول مسمع حس يعبث في الشقه جوه قال : افتحي انا كريم ... سمع صرخه هيستيريه و عياااط مع فتح الباب و هووب حضنته زوجته و هو كمان كان بيشاركها نفس المشاعر اللي مش قادر يعرف سبهها و لا كان عارف ليه مراته كده ... بس كان حاسس بلهفه و شوق شديد ليها. هدأ من روعها قليلا و طلب منها نقود لكي يحاسب التاكسي   ((12)) مش عارف ك: ايه يا حبيبتي .. اهدي .. متخافيش انا كويس .. اهدي هو كان يوم صعب بس الحمدلله عدي علي خير.... هو ايه اللي بيحصل دلوقتي صحيح؟؟   (13) أم العيال العشرية الست الأصيله أصيله سيبك انته ,و عشان كريم انسان نضيف و طاهر ربنا رزقه بست أصيله و بنت حلال ... من إحساسها كده قررت تعمله حاجه ياكلها و تقومه ياخد دش و بعدين يتكلموا ,كان رجوع جوزها ليها ملأ الدنيا عليها فرحه و حست انه تعبان و مجهد اوووي ,سابته وسط العيال   (14) تداخل و هو قعد يبدأ يحكي للعيال عن اليومين اللي فاتوا .... أصله كان بقاله يومين مشفهومش ,من يوم الأتنين اللي فات لما قرر يعتصم عشان يكون حاضر ميلونية التلات من أولها و من وقتها مشفهمش. كان الأطفال يسألون ببراءه شديده أنته جيت أزاي؟؟!!! فقال و هو يهدئ من روعهم : أنا بصراحه مش فاكر ايه اللي حصل بعد ما هجموا و بدأ الضرب بس متخافوش انا كويس خشوا ناموا انتوا يا حبايبي و انا هاخد دش و انام و بكره نتكلم , دخل العيال للنوم مع ضغط الأم و سابت جوزها يعيش حياته بشكل طبيعي و بدأت تستوعب أن جوزها لسه عايش يوم ما أستشهد يوم موقعه الجمل .   (15) كاريزما معرفتش تنام خالص ولا عرفت تكلم مين أو تفهم كريم ازاي؟ و هو أصلا رجع عايش أزاي؟؟ صلت الفجر و قعدت تدعي و تعيط من الفرحه و من الحيره   (16) أموت في العبثيه استيقظ كريم الثالثة عصراً , و استاء من ذلك فقد ضاعت عليه صلاة الصبح و لا يعلم ما الذي حدث في الثورة من تطورات ....قام و فز و راح بنشاط علي الحمام و اتشطف و اتوضي و طلع صلي اللي فاته و راح يفتح التيلفزيون يشوف فيه ايه , لكن للاسف ملقاش اي اخبار مفيده و التيلفزيونات كلها بتكدب يا اما في حاجه حصلت و اثرت جامد اوي علي الاحداث ,مراته جابتله الفطار فسألها :مصحتنيش ليه؟ قالتله : أنته كنت تعبان خالص يا حبيبي ,باس ايديها و هي سابته لوحده لكي يبدأ بالعبث في واقعه ....خد فطاره .. و راح يفتح النت و من اول بصه جتله صدمه ... برضه انتخابات؟؟ سميرة!!! عذرية؟؟؟؟؟؟؟؟؟؟؟؟  حرية و عدالة ؟؟؟ 12-3-2012 ؟؟؟ هو في ايه؟   (17) حوارات بقي صاح لينادي زوجته:هو النهاردة ايه؟ فعلمت زوجته أنه بدأ يصطدم بالواقع فهرولت اليه و سألته :أيوه يا حبيبي؟؟ ك:هو النهارده ايه؟ ز:الاحد ك:كريم بص يا حبيبي انته يوم موقعه الجمل استشهدت و احنا دلوقتي بعد سنه و شويه من اليوم ده ك:موقعه الجمل؟؟ يعني ايه ؟؟ ز:اهدي كده و نتكلم بعدين لما تقدر تستوعب اللي حصل ك: انا مش فاهم حاجه ... قوليلي ايه اللي بيحصل ز: احنا في سنه 2010 شهر مارس يوم 12 و انته استشهدت يوم موقعه الجمل 2011 شهر فبراير يوم 2 و من ساعتها و انته المفروض مش موجود بس انته رجعت لنا بالسلامه امبارح ك: يعني انا مش موجود من سنه؟ ز:اه يا حبيبي بس ربنا رجعك بالسلامه ك:طب هو ايه الانتخابات دي؟؟ ز:انتخابات الرئاسه ك:و دي مين بيعملها يعني...مبارك فين؟ ز:مبارك بيتحاكم ك:ياااه كل ده بيتحاكم؟؟!!! ز:اه ك:مين اللي بيحاكمه؟ ز:المجلس العسكري ك:ايه ده كمان؟ ايه المجلس ده؟؟ ز:ده المجلس الاعلي للقوات المسلحه ك:بتاع مبارك؟؟!!! ز:اه ك:هو الجيش عمل انقلاب؟؟ ز:لا ,مبارك مشي و قاله يحكم هو مكانه ك:يعني ايه؟ ز:بص يا سيدي مبارك لما مشي كلف المجلس العسكري انه يحكم مكانه بس كده ك:يعني ايه بس كده؟؟ و الناس يعني عملت ايه؟ ز: فرحنا و مشينا ,يوم ما مشي مبارك كانت مصر كلها في الشارع نازله المظاهرات , و الجيش كان ملأ البلد كلها بالدبابات و الناس محاصره قصور الرئاسه و الوزارات و مجلس الشعب و الاضرابات في كل حته فطلع عمر سليمان و قال بيان التنحي و قال ان مبارك كلف المجلس بانه يستلم السلطه بداله و الناس احتفلت و مشينا ك:احتفلت بالمجلس!!!! ز: اه ك:ازاي ؟؟ احنا مكناش عايزين مبارك قبلنا بحد تبعه؟؟؟؟ ز:معرفشي , الناس فرحت و مشيت و بعدها عملولنا استفتاء علي الدستور. ك:تعديل مواد!! احنا كنا عايزين نغيره كله ... و بعدين مين اداهم الحق انهم يعملولنا استفتاء؟؟ ز:معرفشي, بس الناس راحت قالت نعم ك:علي التعديل؟؟ ازاي احنا كنا عايزين نغيره ز:معرفشي , عموما ده ملوش لازمه اصل المجلس نزل اعلان دستوري ك:ده غير الدستور؟ ز:اه الدستور اتلغي و المجلس نزل اعلان دستوري جديد لحد منعمل انتخابات مجلس شعب عشان يشوفوا هيعملوا الدستور ازاي ك:مجلس شعب ده علي اساس ايه؟ انتي بتهرجي و لا بتتكلمي جد؟؟ ز:اه و الله , ما هو مجلس الشعب دلوقتي بيشوف هيحط الدستور ازاي ك:هو مجلس الشعب خلص خلاص؟ ز:اه عملنا واحد جديد و الاخوان و السلفيين خدوا اغلبيه ك:طب كويس .... و ايه موضوع كشوف العذريه ده؟؟ ز:معرفش استاء كريم من ذلك الحوار جدا و قرر ان يلبس هدومه و يتجه الي ميدان التحرير حيث يوجد الثوار  و من تشتعل صدورهم لتغيير هذه البلد الي الافضل   (18) هنا القاهره باعه جائلين .... خيام قديمه باليه ... اعتصام ضئيل حوله هاله غريبه فهذه ليست روح ميدان التحرير المعتاده...حركه مرور عاديه ... و لا توجد اثار لأي معارك . توجه لداخل الميدان ليجد حوارات عن سميرة ابراهيم فسأل أحدهم علي استحياء ... هو ايه موضوع سميره ده؟ جاءه الرد فوري : العسكري يا عم خد براءه كريم:براءه ايه؟ أحدهم: البنات اللي كانوا حبسوهم في المتحف و عملولهم كشف عذريه ,العسكري المتهم خد براءه ... شويه معرصين ,ربنا ينتقم منهم تنح كريم شويه و قرر انه يكلم واحد من اصحابه اللي كانوا معله من اول ما بدات الثوره (19) الاذبهلال بضمير كان معاه يوم موقعه الجمل ... و بعد الاذبهلال و المعجزات و الكلام ده اتقابلوا في ميدان التحرير و قعدوا عند المجمع كده يشربوا كوبايتين شاي و خلالها كانت الاحضان و السلامات و الاذبهلال برضه ثم سال كريم السؤال اللي مخليه مذبهل و حاسس ان مفيش ثورة :هو فيه ايه؟؟ (20) عوده الاموات احكيلي بقي ايه اللي حصل بالضبط من أخر مرة اتقابلنا ,هكذا قال كريم ... ياه دي قصه طويله للاسف انا جيت اشرب معاك كوبايه شاي و لازم اتحرك بس هجيلك تاني بس برضه عموما و باختصار محصلش حاجه ك:يعني مبارك ممشيش؟! ص:لا مشي بس جه المجلس العسكري ك:وة مجلس الشعب مش اتحل؟ ص:مشي بس جه الاخوان و السلف ك:طب و مالهم الاخوان؟ ص:مبيعملوش حاجه ,لا اللي قتلوا و سرقوا اتحاكموا و اللي بيتحاكم بيطلع براءه و كمان الشباب بيتقبض عليها و لا اتعدل اي قانون بطريقه عدله و حتي المجزره الالتراسيه اللي حصلت بعد ما جم عدت عليهم زيها زي غيرها ك:هو في مجازر بتحصل !! ص:يوووه متعدش ... شايف الشارع اللي في الوش ده ك:اه ص:مات فيه في اسبوع اكتر من 1000 واحد و راحت فيه عيون كتير اووي من بلي الخرطوش ...محمد محمود....و اللي حصل ساعتها انهم شالوا عصام شرف و جابوا الجنزوري مكانه و ضابط وحيد بيتحقق معاه من ساعتها ك : الجنزوري ايه؟؟!!!!!!   (21) العالم الافتراضي ظل كريم شاردا في اللاشئ لا يفهم ما يحدث بعد ان تركه صديقه , مجلس عسكري.... جنزوري ده ناقص يقولي حبيب العادلي هو وزير الداخليه ,هنا قرر كريم ان يعود قليلا للعالم الافتراضي و يدخل علي الشبكه العنكبوتيه ليعرف ماذا حدث و ماذا يحدث دخل عالنت لكن المره دي كان بدأ يدرك الواقع,فتح الفايس بووك و بدأ يشوف و يقرأ الأخبار و فهم قضية كشوف العذريه و اكتشف ان مفيش حد اتحاسب من ساعة مبارك و كمان عرف عن المجازر اللي كلمه عنها صاحبه و قام و راح القهوه يقعد مع صاحبه بعد ما كان خلص مشواره.   (22) حواديت رن موبايل كريم و هو في السيبر ,كان مصطفي صاحبه اللي لسه كان معاه ك:سلام عليكو ص:و عليكو مالسلام ,انا خلاص اهو داخل علي وسط البلد , نتقابل فين؟ ك:عند القهوه اللي جنب كنتاكي ص:اوكي و هو كذلك ك: سلام ص:سلام قام كريم من عالسيبر و انطلق بسرعه للقهوة كان عنده احساس بالاسي الظاهر و النشوه في فهم الامور فوصل بسرعه و اطلطع حوالي 5 دقايق و جه مصطفي و طلبوا نسكافه و قهوه مضبوط و رجع مصطفي يكمل و قال :     بص يا سيدي عايزني احكيلك ايه بقي؟   (23) عيون الحرية كنا بنرغي في محمد محمود...... ص: اه ,يوم 18 نوفمبر نزل الاخوان و السلف عشان معترضين علي وثيقه السلمي ك:مين السلمي ده؟ ص:ده نائب رئيس الوزرا و وزير التحول الديموقراطي في حكومه عصام شرف ك:و فين باقي الناس؟و ايه التحول الديموقراطي دي؟؟ ص: ناس مين؟ ك: باقي الثوار اشمعني الاخوان و السلف بس؟؟ ص:اه ,لا ماهو كله محصل بعضه يعني الاخوان و المعارضه زي ما هم بالضبط بيكملوا مسرحيه سخيفه اووي و الوزارة دي اتعملت ايام عصام شرف و اتلغت مع الجنزوري و مبقاش فيه تحول ديموقراطي ...من النهارده مفيش تحول ..انا التحول ك:بالله عليك بلاش هيس بس ص:المهم يا سيدي نزلنا و الاخوان و السلف كانوا هم اللي دعوا للتظاهر و كمان الشيخ حازم صلاح ابوسماعيل دعا لاعتصام ,و نزل حشد كبير بس علي 8 بليل كده خلعوا و مشيوا ك:ليه؟ ص:مش عارف هم علي طول كده بيمشوا بدري ,غالبا المرشد مش بيخرجهم تاني يوم لو اتاخروا ك: :D ص:المهم اهالي الشهدا ممشيوش و قرروا الاعتصام مع بعض المصابين و عالصبح كده الجيش دخل و فض الاعتصام بغشوميه فالناس بدات تنزل تاني ك: و هو شباب ابثوره برضه كانوا مشيوا؟ ص:اه غالبا المرشد بيحبسهم هم كمان ,بتلاقيهم عالنت و عالقهاوي بس مش بيتجمعوا غير نادرا ك:و بعدين ص:ناس كتير ماتت و الجيش اتصور و هو بيرمي الجثث في الزباله فالناس اتضايقت و نزلت و بدات احداث محمد محمود اللي انتهت بموت اكتر من 1000 واحد و اصابه الكتيييير و ساعتها عصام شرف لتشال و جه الجنزوري و بنوا حائط في الشارع عشان يمنعوا الثوار من الوصول للوزاره ك:ايه ده .. هو الشارع ده بيودي عالوزاره؟؟ ص: لا لازم تكسر من علي شارع تاني بس هم كانوا مفهمين الناس كده ان الثوار عايزين يحرقوا الداخليه و بنوا السور عشان الحبكه الدراميه ك:هو الجنزوري ده مش كان رئيس وزرا ايام مبارك؟؟ ص:و عصام شرف كان وزير ايام مبارك   (24) البلوفر ك:و عصام شرف ده جه امتي.؟ ص:لما مبارك مشي الناس كانت قافشه اوي علي شفيق و عملوا ضده مليونيه حاشده جابت اجله و اتعين عصام شرف رئيس للحكومه. ك:و انتوا ازاي رضيتوا بواحد حزب وطني؟ ص:معرفش .احنا مرضناش بس هم قالوا انه من الثورة ! ك:حزب وطني من الثورة؟؟ انته هتهرج؟ ص:بص هو جه الميدان و حلف القسم و بتاع و راح يستلم الوزاره من هناك ,بس هو معملش حاجه لان للاسف فضلت معظم الوزارات و مستشارينهم حزب وطني ك:انته عبيط يا مصطفي؟؟ حزب وطني زيه زي مبارك زي شفيق زي طنطاويزي عز... صحيح فين عز؟؟ ص:في السجن ك:ياااا راجل اخيراً سمعت خبر حلو .... هو في حد اتحبس   (25) الثوره المصريه ص:متقبضش غير العادلي و 6 من مساعديه و كام رجل اعمال و صفوت و عزمي و جمال و علاء و الشله دي بس رجال الاعمال التقال كلهم سافروا بره ك: طب اتحكم عليهم بايه ص:ولا حاجه الحوار مش مفهوم بس العادلي معاه 12 تقريبا لحد دلوقتي ك:طب و اهالي الناس اللي ماتت معملوش حاجه؟ ص:هيعملوا ايه؟ مالحكومه مش سائله فيهم ك: يا عم تسال في مين ...؟؟ دي ثورة ؟؟؟ انته هتجنني!!!   (26) اتجه مباشرة الي شارع محمد محمود فكان متلهف لرؤيه ارض المعركه لكنه لم امامه علي مرمي البصر حائط فسأل ابه ده؟ ص:اه بعد ما خلصوا موضوع محمد محمود ,الشباب معجبهاش فراحوا يعتصموا عند مجلس الوزرا و منعوا الجنزوري من الدخول و بقي في اعتصامين واحد high class  في شارع مجلس الوزرا  و اعتصام بيئه في التحرير و برضه خلص بمعارك و دم و حرقوا المجمع العلمي و اتهمونا فيها و دسوا بلطجيه كتير ... و عروا البنت . ك: هي مصر فيها مجمع علمي؟؟ ص:شفت!!! وقف مذهولا و هو يري الجدار امامه و شارع محمد محمود علي يساره فالمكان هنا لا يزال يتحدث عن الدم البرئ الذي سال......و الفتيات التي سحلن..و الفتاة التي عروها....عن عيون كثيرة فقدت.....عن زوجات ترملن و ابناء تيتمن ...برغم مرور اكثر من 4 شهور علي هذا لكنه راي كل شئ   (27) وقف بجانب الجامعه الامريكيه ....رفع راسه الي اعلي قليلا....اغمض عينيه ...ثم تبسم. , رفع يديه بجانب اذنيه و صاح : " الله اكبر ..الله اكبر" ,لفت ذلك الرجل نظر كريم بشده فهو كان الاكثر طاقه بين كل من راه ,لم يتردد كريم و ذهب ليصلي وراءه عند النداء.فقد اراد ان يصلي هنا و يستعيد روح الثورة من جديد و يشعر بنقاء و طهارة هذا المكان من جديد ,عندما انتهوا من الصلاه لاحظ كريم اهتمام الناس بالرجل و هم بيسالوه باذبهلال انت الشيخ عماد؟؟   (28) الجنة ابتسم عماد عفت و سرعان ما الف وجه كريم و سأله انته كريم بنونه؟ ك: اه انت تعرفني؟ ع:اه ,انا زيك حينها فهم كريم رسالته و امسك بيد الشيخ عماد عفت و قالها برغم انه لم يسمعها من قبل "يسقط يسقط حكم العسكر" بدات حالة شعوذه واحد بس في الميدان و انتشر الهرج و المرج بين بلطجي و متظاهر و ثائر و مشاحنات كلاميه و يزيد الهتاف ليبدأ في جذب الانظار   (29) الالتحام اتجهوا علي الميدان لكنهم شافوا 5000 واحد جايين من الناحيه التانيه من ناحيه المتحف ,في البدايه خدوا وضع الاستعداد و اعتقدوا انهم بلطجيه لكن بمجرد ما اقتربوا و الثوار شافوا العلم فبدؤا يثقوا في نفسهم و صاحوا :           مينا دانيال جاي بالضي ... الله اكبر الله حي فقد عاد مينا يرفع علم حركه شباب مينا دانيال و من ورائه الشباب اللي اسسوا الحركه دي بعد استشهاد مينا في مجزرة ماسبيروو من ايام محمد محمود بنشوف العلم ده دايما في اول الصفوف الاولي ..و علي طول مرفوعبيدينا الامان و بيقوينا... و اول ما تداخلوا المسيرتين انضم ليهم جيش من الطلاب اللي جايين من العباسيه و من الجيزه و كان وسطيهم علاء عبد الهادي ...الطلاب اللي كانوا موجودين لوحدهم في العصيان المدني و وقفوا لوحدهم ببساله و كمان طلعوا باول مسيره لوزاره الدفاع   (30) انتشر الخبر علي الانترنت انتشار الرياح في الهشيم و بدا الثوار ينزلوا لكن مكنوش عارفين هم نازليين ليه,التعبير عن الغضب وسط شهدائهم كان هيفرغ شحنه من الكبت اللي اتراكمت جواهم , 6 ابريل دعت شباب مصر و المصريين تاني للخروج عشان يستعيدوا ثورتهم  ,و المصريون استجابوا للشباب تاني و نزلوا الي التحريرو بدأ الناس تستعد للحوارات اللي بتحصل ايام المظاهرات القوية , و بدأنا نسمع اغاني اسكندريلا و ظهر رامي عصام يغني ,و نسمع "أقرا الاشتراكي" فنعرف ان ها قد وصل الاشتراكيون الثوريون اللي دايما بيكونوا معانا وقت مبنقول الحق ووقت المواجهه و تظهر اللافتات الحمرا و شعار سلفيو كوستا ليملؤا الميدان (32) البردعه جاءت الحادية عشر مساءا و بدأت قوات الجيش في الانتشار تدريجيا, و ظهر المشير طنطاوي ليلقي بيان علي الأمه اكد فيه علي التزام القوات المسلحه بالجدول الزمني و احترام الاستفتاء و اراده الشعب و القي التحيه علي شهداء الثورة و تحدث عن دور الجيش في حماية الثورة و انحيازه لها. كما ظهرت اخبار عن محاكمه مبارك و تشكيل حكومه ائتلافيه و بدأت الاجتماعات علي كافه المستويات   (33) و في منتصف الليل ظهر بيان للمجلس العسكري علي صفحته الرسميه في موقع التواصل الاجتماعي فايس بووك أنه يناشد المواطنين الاهتمام بحماية انفسهم و ان قوات الجيش في الشارع لتأمين المباني و الممتلكات العامه . و هنا احس الناس ان اجواء الثوره تعود من جديد و تشتعل و كان هذا حقا .... فقد احمرت السماء و اصوات مدوية كالرعد تاتي من بعيد... و النيران مشتعله,و الكل ينظر في صمت يراقب الجيوش القادمه من شارع الفلكي في اعداد لا حصر لها الاعلام مرتفعه و بدات الارض ترتجف خوفا من الغضب القادم.... فقد عاد المنتقم .. لم يكن عبدينيو هذه المره الذي يراه الثوار علي راس هذه المظاهرات الحاشده....و لكنه كان الفتي الصغير ..... غندور غندور رجع يشجع   __________________فاصل_____________ و لكنهم أتوا و هو علي راسهم ....انهم الالتراس ذلك الفصيل الذي اعطي لنا المان حين رايناهم معنا لاول مره يوم 25 يناير 2011 حين رايناهم يقوموا بردع قوات مبارك القمعيه التي كانت توقفنا علي سلالم النقابة , انهم الالتراس الذين يقولوا الحق بلا اي خوغ و لا اي قيد بل و يقاتلون من اجله و لا يريدون سلطه او مال او ظهور او اي شئ فقط يريدوا قول الحق في كل مكان وزمان و بأعلي الصوت _____________________________   لقد عاد غندور و عادت الالتراس من وراؤه ...عاد الغضب و الالاف الشماريخ مشتعله و الهتاف يدوي :    قلناها زمان للمستبد الحريــــــــة جاية لابد Liberta كانت مكتوبة يا حكومة بكرة هتعرفى بأيدين الشعب تنضفى والاية الليلة مقلوبة قالوا الشغب فى دمنا وازاى بنطلب حقنا يا نظام غبـــــــــــــى افهم بقى مطلبــــى   حريـــــــة ... حريـــــــة حريـــــــة ... حريـــــــة و هتفهت مئات الالاف من ورائهم تنادي من جديد بالحرية  , و انتقلت قنوات العالم كلها لتتابع ثورة الغضب فهذا العام المنقضي لم يكن الا حلقة واحده ,و هي الاولي من حلقات لا نعلم عددها و لكنها بدأت و لن تنتهي إلا بإنتهاء ثورتنا   و يوم ما أبطل أثور هكون ميت أكيد   ____________________
... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق