]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

و انا فى طريقى بجرى ...

بواسطة: Sameh Badawy Sayed  |  بتاريخ: 2012-08-15 ، الوقت: 17:25:40
  • تقييم المقالة:

و أنا فى طريقى بجرى  ...

     

 

 

انت بتجرى و لا بس ماشى ولا يمكن واقف مبتتحركش...؟!

هل فى يوم قعدت مع نفسك و سألت نفسك السؤال ده؟ و لا بس نايم و شويه بتلعب و شويه مكسل و.. و...

 

و غيرك عمال فى طريقه بيجرى و فى طريقه لفوق فى القمه الكل مستنيه و انت محدش اصلا حاسس بيك؟!

عارف انى قاسى معاك شويه لكن, مفيش وقت اه مفيش وقت فعلا ولا لدينك ولا لبلدك ولا ليك منتا هتتسأل ؟عن عمرك و شبابك.. صدقنى هتتسأل.......

 

عملك.....

عملت ايه النهارده؟!

يمكن سمعت الاذان و نفضت , طنشت او يمكن سمعت و عملت نفسك مش سامع...

نزلت و الجو جميل اتمشيت و بدل ما تستمتع بالجو الجميل قعدت داير ورا بنت زيك برضه نزله عشان اللى زيك يدووووور وراها...

و عليك مذاكره ولا شغلك مستنيك و انت برضه (( منفض)) و بتقول يااااا عم عيش اللحظه..

 

يا كابتن فوق يا عم...

 

انت  ايه اللى بتعمله ده؟! انت بتتحدى مين ؟ و لا بتثبت ايه لمين؟

قاعد بالسعات على النت  مش عشان تتعلم و لا تقرأ و لا تكتب حاجه .........

بس عشان تلاقى بنت تتكرم و ترضى تكلمك... و اللهى كل ده عيب عليك و كل ده ليه ؟ مهو عشان فاكرهم هيقولوا عليك ده الجامد اللى مفيش زيه بتاع البنات..

 

انت اسير..

ايوه اسير.. يا اما اسير لشهوه متحكمه فيك و موجهاك للحرام او فخر زائف وسط أصدقاء سوء.. ديما يا اما بيجروك للغلط ...او انت مش مستنى حد يجرك ده انت اللى بتجرهم

 

او  حلم عبيط بأنك تكون الواد اللى مفيش بنت بتقف فى طريقه...

 حلم ولا هيفيدك هنا فى دنيتك ولا هناك فى اخرتك

 

 

انا هنا اللى هقلك

كبر دماغك..

بجد انت مش عارف انك بتقتل نفسك ..مهو الموت ده مش بس موت الجسد ..قلبك مات و نخوتك ماتت و رجولتك شويه شويه اهى انا شايفها بتتسحب من بين اديك..

ه كلمك شويه فى الحاجات الغلط للى بنعملها كشباب...

الأميرات ...؟! الاميرات دول اخواتك فى الاسلام و- لو مش مسلمات يبقى اتقى الله برضه فى نعمه عليك و متعصهوش بيهم  -  الأميرات هما  البنات... و اضح أوى انك بتعاملهم على انهم حيوانات على اساس انهم حاجه كده تبص عليها و ...  و ركباك شهوتك  ليهم ..

 

 

و يجى ضميرك يقلك :

 عيب ..طيب اعتبر ان دى اختك.. هتعمل فيها كده؟! ...  يا استاذ كده حرام بجد ياخى انت مبتتكسفش من ربك اللى شايفك و عارف اللى فى نفسك و عارف انت نفسك فى ايه وهو الجبار اعلم بنيتك...

 

 

و انت ولا هنا اصلا سيبه مع نفسه ... و فى نفسك بتقول ارغى ارغى يا ضميرى و لا حد هنا معبرك..

عارف ليه ؟! فى حد اقوى منك ملوش شغله غيرك.. شيطانك  انت بالنسبه له.. اللعبه اللى خلاص بقت بتاعته..

 

طيب ازاى ..

 

تبارز الله بالمعاصى.. و تشكرنعمته عليك بأنك بها  تتحداه و تقله اهى نعمتك ادينى بعصيك بيها..

و ياخى .. مفيش خجل ولا كسوف.. ايه اللى انت فيه ده ...

يعنى لو امك ولا ابوك شافك و انت ماشى ورا بنت و لا بتشربلك اللى بيقولو  عليه جويبنت ولا -لا مؤاخذه- و ليه مؤاخذه بقى هوه بيفرق معاك .. لو ابوك دخل عليك و انت معاك فيلم من اياهم على تليفونك و لا كمبيوتر بتاعك فقمت نطيت مفزوع  و شادد الفيشه بتاعت الكمبيوتر و لا مخبى الموبايل....

طيب ازاى ؟!  ازاى خايف من العبد و مش خايف من خالق العبد .. ازاى خايف من اللى بس مربيك و بيصرف عليك و مش خايف من اللى اعطاك العين كى ترى و الاذن كى تسمع و يدك كى تمسك و عقلك كى تفهم و عد بقى ...

و الله –سبحانه و تعالى – شايفك.. شايفك.. شايفك.  

 

 عيب عليك و اتقى ربك! و اشكره على نعمه..  بأقل شئ وهو الا تعصيه بها..

حرام عليك

 

 

 

سهل اوى ..

هقلك هو ايه السهل.. و مش سهل بس ده و اللهى لذيذ و مفرح ....

و لا هو غامق بقى و مفهوش ابتسمات و لا فرح و لا حب ولا نجاح .. ده فى اخره الجنه –ان شاء الله-

بس انت اشتغل و مترجعش بقى عيشتك على الكنبه ولا السرير اللى قدام التلفزيون مأنتخ و قدامك فشار ولا كبايه الشاى و فل على كده كل يوم و طول اليوم ... احنا ورانا ايه بقى..

خليك مع ربنا .. وهو انا فين .. انت هتكفرنا ولا ايه يا عم ؟ ..... اكفرك ايه بس؟!  انت هتلبسنى تهمه و لا ايه يا عم..

 

  والعياذ بالله كفر ايه بس

 

 

خليك مع ربنا..يعنى ايه ؟  يعنى   راقب الله فى تصرفاتك اسيرضى عن هذا ام لا .. هتبقى مكسوف و انت بتعمل العمل ده من حد عشان جوه نفسك انت عارف انه غلط و لا هتعمله بقلب قوى و انت مرفوع الرأس بس عشان العمل اللى انت بتعمله ده يرضى عنه الله و رسوله ..

و خليك مع ربنا.. يعنى لما تسمع الله اكبر الله اكبر هنا تقوم ناطط و تتوضأ عشان تصلى ...

يعنى امسك المصحف و لو حتى قريتلك صفحه واحده كل يوم بس بتدبر كده مش بس بتجرى عشان تخلص..

يعنى بدل ما انت و ماشى فى الشارع بتبص لدى و تغمز لدى .. و ايه يا قمر ايه يا جميل ....

 

 

لأ.. انت تمشى مبتسم و باصص بس على وجهتك و مش شايف اصلا اى بنات قدامك..

 و خليه كده تحدى ما بينك و بين نفسك..

يعنى لو وصلت للحته اللى رايحها و مبصتش لأى بنت يبقى تكافئ نفسك بأى حاجه و لو بسيطه ( بسكوته , تصقف لنفسك او فى نفسك تقول لنفسك  شاطر) ... طيب لو مفزتش يبقى ما بينك و بين نفسك تبقى زعلان و تستغفر و تتوب لربك الذى منً عليك بالنظر و انت بارزته به بالمعصيه  

 

 

دى كانت  بس شويه حاجات بنضيع بيها وقتنا و فى ايه كمان ؟دى فى معصيه الرحمن..

 

طيب اعمل ايه ؟ و افرح نفسى بأيه؟ و اسلّى نفسى بأيه؟ و اضيع و قتى ازاى ؟

هشششششششش..  بالراحه مع بعض كده من الاخر للأول ..ايه كلمه  (اضيع) دى وهو لازم الوقت يضيع؟!!!!!

انت مش صغير وقت ايه اللى تضيعه – زى ما قالو زمان- الوقت كالسيف ان لم تقطعه قطعك.. ولأ مش طول وقتك هيبقى شغل ولا صلاه ولا صوم وعباده...

نتفق مع بعض.. انت لو عملت دول(العباده و العمل) وعملتهم بأتقان و جيت وقت راحتك ده استجممت فيه بهدوء و قضيته إما مع عائلتك و إما مع أصحابك الكويسيين او حتى مع نفسك هيبقى ده كمان طاعه لربنا بس انت  خلى ده فى نيتك انك هتستريح عشان تعرف تشتغل و تعبد صح و بجد .. ولا هو وقت الفراغ ده ميحلاش الا بس فى الحجات الغلط...  

J

 

 

ايه موضوع و انا فى طريقى بجرى .. ده ؟!

 

تجرى ازاى ؟ خليك معايا ... اول حاجه اخبارك ايه فى دراستك(ده لو لسه بتدرس يعنى) .. يعنى بتطلع من الاوئل.. الاول ,الثانى ..... ايوه مستقل نفسك ليه هو اللى بيطلع الاول ده احسن منك يعنى ولا ايه..

و مع ذلك خلاص متزعلش اوى كده و متحبطش..

هقلك حاجه سهله و صعبه فى نفس الوقت...اعمل اللى عليك .. حاول تشوف ايه اللى عليك فى دراستك و حاول جاهد انك تأديه و تعمله و انت فاهم ايه اللى بتعمله مش بس حفظ حفظ و خلاص.. وده على "اد" ما تقد

 

 

 

انت بتعمل اللى انت بتقول عليه ده ؟  :@

اهدى اهدى.. و اكدب عليك لو قلت لك انى بعمل كل ده الانسان ديما فى تقصير...

فلا احد فينا كامل؛ فلست ملكا ولا رسول إنما.. أنا بشر

 

و للمعلومه اذا احسست انك فى يوم كامل ؛ فتأكد انك الان سائر بل تجرى .. فى الطريق الخطأ

فلا تضع حدا لحلمك و تقول الان وصلت لحد الكمال ؛سواء كان حلم الدنيا او كان  حلم الاخره ؛ مفيش سقف للأمانى  فأن  انت وضعت نهايه الحلم ففعلا قد انتهى حتى قبل ان يبدأ

 

 

و لينا كلام تانى ...   فى الحلقه القادمه

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق