]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

رباعيات ويمكن أكتر أو أقل ( 2)

بواسطة: مدحت الزناري  |  بتاريخ: 2012-07-31 ، الوقت: 06:45:47
  • تقييم المقالة:

صوت الوابور انجلا ..
بيمسي ع السكة
ويرقّص القطبان ..
ويهزهز الدكة
والعمر قاعد يدور
ما بين وابور ووابور
والقلب وقت المرور
يحسب أمور وأمور
والعين تحاول تعافر
بين الضلام والنور

ـــــــــــــــــــــــــــــــــــــــــــــــــ

 

القلب زي الزير على الحمالة
عمال ينز
والناس تدلي كزانها فيه

ـــــــــــــــــــــــــــــــ

 

يا شاربين مايتي
مالكم حزانه ليه؟
قصدي أبل الريق
مش بالمرار أسقيه
 ـــــــــــــــــــــــــ

 

مين دلكم على سكتي يا أهل الصعيد
قاعدين على حجر القصيدة ليه؟
طول عمري عايش ف البنادر أو مسافر
والليله مالكم عشمانين كده ليه؟

ــــــــــــــــــــــــــــــــــــــــــ

مدحت الزناري

11/7/2012
 


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق