]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

حلم ليلة صيف

بواسطة: د / ابراهيم الاحمر  |  بتاريخ: 2012-07-15 ، الوقت: 19:45:51
  • تقييم المقالة:

 


_______________ 
____________________________

المواطن المصرى الغلبان قاعد بشرب كوب من الشاى والولاد بيلعبوا امامه وفجاة دق جرس الباب ووجد امامه الرئيس داخل عليه وبيقوله نفسك فى ايه يابو محمد من هول الفاجاة ابو محمد دماغه لفت وفرك عينه عشان يتاكد ولكن الكلام بجد وساعتها اخد يفكر ويجمع كل احلامه عشان يطلبها من الريس اللى قاعد جنبه على الكنبة وقاله ياريس ان مش طمعان فى كتير ، العيشة غالية نار والاسعار مولعة فينا عاوزين الناس تكسب بس مش تدبحنا يعنى اكسب بس متعورنيش جامد خفوا علينا طمع المحتكرين للسلع وكبار التجار اللى كروشهم ما يملها غير التراب ، انا مش عاوز مليون ولا اتنين من حقى لكن خلى العباد زى ماقال ربنا سواسية كاسنان المشط مش واحد ياخد ملايين والغلبان ياخد ملاليم كان فى مشروع اسمه الحد الادنى والاقصى للاجور ومافيش حد هيعمله غيرك لان مش ممكن يجى واحد بياخد ملايين تقوله اعملى قرار يخليه ياخد ملاليم يبقى مستحيل ان ينفذه وعشان كده ان بطلبه من سيدتك ان تنفذه وتشرف عليه بنفسك وخلى بالك من الابواب الخلفية لهذاالقانون مفيش اى استثنائات ،اللى مش عاجبه ياخد مرتب زى باقى الناس مع الف سلامة ويجى غيره ، ياريس الشباب متخرج ومش لاقى شغل ولو اشتغل اصحاب الاعمال بيعطوهم ملاليم ايه المشكلة ان الدولة تعمل مشروعات تستوعب قوة الشباب وتكون بمساعدة رجال الاعمال مشروعات تنموية تخف من معدل البطالة وتساعد على زيادة الناتج القومى و هناك مشروعات معطلة ليه متشتغل من تانى زى مشروع ابو طرطور وتوشكى وشرق التفريعة وكثير من مشروعات اخرى تفتح مجالات للشباب زى طرح شواطى شمال وجنوب سيناء للشباب ويتم عمل مشروعات سياحية مثل الكمبات المعسكرات الصغيرة التى يتدفق عليها السياح لرخص اسعارها وجودة خدمتها وبعد عددمن السنوات تقام عددمن الفنادق بعد ان تكون المنطقة حققت سمعة طيبة تخيل كم من الاستثمارات سوف تدور فى فكرة بسيطة مثل هذه ، طرح مشروعات خدمية بنظام المشاركة والاستفادة من الربح P O T فى قطاع السكك الحديد والطرق والكبارى للمناطق المحرومة مثل سيناء والواحات والصحراء الغربية سوف يدعم التوسع فى انشاء مدن جديدة على الاقل المناطق ديه فيها مناجم وممكن اكتشاف ثروات اخرى بها يبق ضربنا عصفورين وزعنا كثافة السكان وفتحنا ابواب رزق فى اماكن اخرى بدل التكدس فى الوادى الضيق ، الزراعة ياريس الفلاح مكوى بالنار من اسعار الاسمدة والبذور وعشان كده بيزرع المضمون ليه منوفرش لوازم الانتاج ونشترى منه بسعر كويس ونشوف مشكاله ايه ونحلها عشان ناكل من خيرنا بدل الاستيراد وكذلك الصيادين ، الواد ابن اختى اتمسك وهو فى الميدان ومحكوم عليه فى قضية محكمة عسكرية هو ذنب الثوار الشباب انهم مصيرين احرار ثوار اعتقد انه لابد الافراج الفورى عن كل الثوار والغاء كل الاحكام الصادرة وتكريمهم لان لولا هولاء ما جلست انا معاك ، ياريس عاوزين حكومة تلم كل الناس ميبائش حد زعلان مسلم ومسيحى ونوبى وعرباوى وصعيدى وفلاح كل مصرى يكون شايف نفسه فيها يكون حاسس انه موجود ، والمناصب بالكفاءة سيبك من اهل الثقة والشغل يبان وقتى عشان احنا معندناش وقت للضياع عوزين مشروع النهضة خطة استراتجية تمشى بيك وبعدك يعنى خط عام للسنوات القادمة عشان نوصل الى مصاف الدول الاخرى، ياريس المال السايب يشجع على السرقة عشان كده لابد كل مؤسسات الدولة لابد ان تخضع للرقابة فى كل وقت اى موسسة فى البلد مهما كانت ،ميزانية المحافظات تكون بناء على خطة لما سوف يتم عمله فى المحافظة حتى لايتم حرق الفائض ويحاسب كل محافظ كل 3 شهور فيما انفق 

للحديث بقية انشاء الله
بقلم دكتور / ابراهيم الاحمر 
مترجم معتمد واستاذ مادة الترجمة والمحادثة
 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق