]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

دوتشز: وافلز وكريب في المهندسين

بواسطة: فريق كايرو 360  |  بتاريخ: 2011-07-18 ، الوقت: 14:00:50
  • تقييم المقالة:

 

الوافلز والكريپ أنواع غير عاديين من الأكل، بـ تُحضر بطرق مختلفة ودائمًا لذيذة، مش مهم أنت شايفها بأي طريقة، لكن مجرد فكرة العجينة المطبوخة وعليها الإضافات أكيد بـ تجري الريق. والواحد خياله بـ يودّي ويجيب من كثر التنوعات الممكنة فيها. وهو ده الأساس المبني عليه محل «دوتشز» اللي مكانه صغير في المهندسين.

 

دائمً لما الوعود بـ تبقى كبيرة التوقعات بـ تكون عالية، الاختيار ما بين كريپ الحلو أو الحادق مُحير لوحده، ده غير اختيار الإضافات كمان. المنيو نفسه هـ يجننك وأنت بـ تحسب كل المكونات الممكنة.

 

نبدأ بالحادق.. فيه 6 اختيارات، تقدر تختار ما بين فراخ بالمشروم وصوص البشاميل، أو 4 أنواع جبنة: تركي، سلامي، أو هوت دوج بالجبنة، واختيار نباتي بالجبنة، الذرة، الزيتون والفلفل، والأسعار ما بين 22 و26 جنيه، كمان بـ يقدموا نفس التركيبات في خبز الپانيني بأسعار ما بين 18 و22 جنيه، الوافلز بـ تتقطع شرائح زي البيتزا، والكريپ بـ يُقطع مربعات صغيرة على قد القضمة؛ والـ 2 بـ يُقدموا بسرعة.

 

رغم كل الوعود العجيبة في المنيو المبتكر، الوافل والكريپ كانوا رفيعين قوي وطعمهم مش جامد؛ تقريبًا العاملين هناك معتمدين على الإضافات علشان يدّوا الطعم المطلوب.

 

بعيد عن خيبة أملنا، المتعة الحقيقية كانت في الجزء الحلو من المنيو، بـ 20 جنيه هـ تحط إضافة واحدة على الوافل أو الكريپ بتاعك، وبـ 3 جنيه كمان لكل إضافة ثانية عايزها على طبقك مع الوافل أو كريپ. متوفر 7 أنواع من الشوكولاتة والفرق الوحيد بينهم هو نوعها. فيه: نوتيلا، هيرشيز، كيندر، ليندت، جالاكسي، توبليرون، أو أي نوع شوكولاتة بيضاء. وزي ما تخميننا كان -زي الأقسام الثانية من منيو الإضافات- غير متوفرين.

 

نروح للصوص فيه كل حاجة من أول المابل سيرپ، الكراميل، وتنوعات الشوكولاتة لسيرپ الفواكة زي الموز، التوت الأزرق، والفراولة على حسب الموسم، بـ يبقى متوفر شوية أنواع فاكهة لأصحاب الأذواق الصحية أو متبعي الريچيم، أو الناس المملة اللي مش بـ تحب المغامرة. ليه تأخذ تفاح وفراولة لمّا ممكن تأخذ زبدة الفول السوداني والكريم شانتيه؟ ده حقيقي خصوصًا مع القسم اللي اسمه "إضافات خاصة". خلف الكاونتر فيه رف مليان فواكه (ودي الحاجات الحلوة طبعًا). وفيه كمان (الحاجات الوحشة بقى) قطع الشوكولاتة، الكوكيز، المارشملو، إم أند إمز، مالتيزرز، وأكبر هدية للناس في مصر: چيلي كولا.

 

ثاني، العجينة مالهاش طعم، وبولة أيس كريم فانيليا بـ 5 جنيه هـ تنكد عليك اليوم. وعلشان اللخبطة دي كلها، ممكن تنهي وجبتك بحاجة صحية وخفيفة زي عصير الفراولة، البرتقال، الليمون، المانجو، أو الموز الطازج (أي واحد بـ 10 جنيه)، أو ميلك شيك الأوريو، التويكس، أو الكيت كات (أي واحد بـ 15 جنيه).

 

رغم أنه مش كامل من مجاميعه، بس «دوتشز» بـ يقدم لك اختيارات كثيرة؛ مافيش أمامك حاجة غير أنك تروح ثاني وثالث على أمل أنك تأخذ تحلية أحلى وأحلى.


كتابة هيثم عوض من مجلة كايرو360

مصدر المقال: http://www.cairo360.com/arabic/article/caf%C3%A9s/2295/

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق