]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

اتحشمي يا بلد

بواسطة: ندي محمد  |  بتاريخ: 2012-07-09 ، الوقت: 21:33:18
  • تقييم المقالة:

 

اتحشمي يا بلد

.. من النهاردة انتي جارية

اتحشمي يا بلد

اتحشمي و كفكفي دموعك علي الولد

داري المياصة دي الي في عيونك

يلا احسن شلحي و شلشلي بهدومك

صوت صراخك ده عورة اكتمي كل الاهات

اكتمي انا نظام جديد غير اي نظام معاكي فات

مش عايز دموع حرقة فيها شوق او حنية

اعملي حساب لوجودي ولا اعتبرها خيانة ليا

اقلعي فستانك الملون ماله ضيق كدة ليه

لو هتبقي تحت حكمي اسمعي الي هقول عليه

اخلعي وش البراءة .. ده شرفك ضاع من زمان

من يوم ما نزلتي تترقصي وسط الشباب في الميدان

اكتمي صوت البكا و اتحملي موت ابنك

و لا يعني نسوة رسولنا كان ايمانهم اكتر منك

غطي وشك الجميل غطي وشك الاسمر

 ياما قالوا فه قصايد و لسا هيغازلوكي اكتر

بطلي تطلبي مساعدة بطلي تمدي ايدك

احمدي ربك يا جاحدة علي اني بقيت نصيبك

اوعي تاني يظهر جسمك في وردة فلاح اشتد عودها

اعرفي ان مصير الوردة كعب الجزمة مهما قويت جذورها

ارمي منديلك و اوعي تبكي لا علي مقتول و محبوس

عايزة الناس بتقولي بتحبي ورئيس طرطور موكوس

اوعي حد يعرف اسمك قطعي بطاقتك ديه

مش عايز اسمع اسمك في كلمات حب في اغنية

و امنعي الكلام نهائي مع اي واد كان بيحبك

جالك الي هيأدبك خلاص جالك الي هيلمك

قطعي كل رسايلك  و لا اقولك احرقيها

اي ذكري حب عاصية ورا ضهرك يلا ارميها

وانسي كل حاجة غير انك تخدميني

و عشان تنولي الجنة كل الي عليكي تطاوعيني

اوعي تدي بسمة صافية لاي حد محتاج يشوفها

و لا تنطقي بكلمة امل مهما كانت قليلة حروفها

اوعي ترقصي لاي فرحة و لو كان النهاردة عيد

جسمك ده محدش يشوفه و خصوصا حبيبك الشهيد

انسي صفحات التاريخ الي مجدت فيكي يا غالية

من النهاردة ما ليكي قيمة من النهاردة انتي جارية

من النهاردة مصر جارية


من كتاباتي


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق