]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

أزمة وجود .. لقطات ( 13 )

بواسطة: أحمد الخالد  |  بتاريخ: 2012-07-02 ، الوقت: 21:04:43
  • تقييم المقالة:

 

 

أزمة وجودي ف الحقيقة

إني ارتضيت أعيش كطيف

أحط عمري برمته

عين للكفيف

أداري نفسي واكتفي

بأني ضيف

أنطق

يقول دي كلمتي

واسمح وأقول دي محبتي

واكون لطيف

واداري من الناس

 دمعتي ف معاملتي

إني الكفيف

----------------

أزمة وجودك في عيونك

خلتها ... كف

يحب ... يعشق تسنده

وتقول كفيف

يلعن ف صمتك

ينتظر

منك ردود

تلعن ف نفسك

لكن ما تهرب

وتقول قدر

ولما تغضب تختصر

نفسك ف كف

تسيب له ايدك يسحبك

يدور ... يلف  

ولما عشقه ينتهي

ف عين حبيبته

وتشتهيك

تصون .. تعف

ما تلقى من قلبه

الغبي

إلا الصدود

---------------- 

أزمة وجودك ف الحقيقة

إنك رديت تعيش كطيف

ورغم إنك

سحبت كفك من دراعه

لساك ضعيف

لسه بتمسح دمعتك

من قسوته

لسه كفوف الناس

بتعدل خطوتك

على الرصيف

نسيت عينيك في

محبته ؟!

ولا الحقيقة إنك

كفيف ؟!


« المقالة السابقة ... المقالة التالية »
  • مرام | 2012-07-03
    ولما تغضب تختصرنفسك ف كف كم هى جميلة
  • عزف على وتر المستحيل | 2012-07-03
    كنت اعتقد ان ازمة وجودك هى غياب بسمتى 1 هى اجمل ما فى المجموعة بعدهاوجدت ان ازمة وجودك ازمة حدودك4 اجمل بكتييييييييييييير بس ازمة وجودك اما تبقى من غير وجود 6 ارووووووع ادركت بعدها ان ازمة وجودك ازمة زمن 7 الأروع والاجمل ومافيش بعدها لكن ازمة وجودك انك تظن ان الكون حدودك 9جميلة جميلة جميلة و ازمة طفولة رائعة 10 وازمة وجودك خطايا الناس فينا  12 ليس لها مثيل  والنهاردة ازمة وجودك انك رديت تعيش طيف 13تفوق كل الكلام 
    واصبحت انا فى الحقيقة فى ازمة ايهما الاجمل والاروع 
    سلمت سيدى من كل شر وتحية حب وتقدير على مجهودك الرائع 
    وننتظر المزيد 
  • روهيت | 2012-07-03

    كلام جميل جداً..

    لسه كفوف الناس بتعدل خطوتك على الرصيف "لم استطع تفسيرها بما داخلي ,,فكيف تفسر "كفوف الناس "هل حنان كفوفهم منحته المسار المستقيم.أم قسوة كفوفهم منحته المسار المستقيم .وكل المعنيين جميلين ..وشكرا لكـ..لتألقكـ الدائم .. بالتوفيق ,سجين

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق