]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

أزمة وجود .. لقطات ( 10 )

بواسطة: أحمد الخالد  |  بتاريخ: 2012-07-01 ، الوقت: 11:16:00
  • تقييم المقالة:

 

 

 

أزمتك أزمة طفولة

اختفت وانت جنين

طفل خايب ف الحساب

يخبي خوفه ف الهرب

يهرب ما يهرب

يتلحق

يلاقي خوفه يسبقه

وضهره شايل محنته

شبشب ف ضهره

أو عصايه تكهربه

ينزف

أنين الخوف

يسبق خطوته

--------------

أزمتك أزمة طفولة

معفرتة

وحلم عايش

ف الفضا

أرض واسعة

مفضفضة

أشجار بتبرق م الخضار

نخيل وزرع

وجنة تخبي

خوفك بالنهار

وليل طويل

تبدأ حكايته عمتك

تتلف ف التوب الحرام

تحكي الحكاية بالكمال

والتمام

وتنتهي

عفريت بيقتل

حارس همام

و ست الحسن

تدّبح

عصفور ف المنام

ترسم خيالك

وانت نايم

عقارب تخطفك

عفاريت تنط

جوه عبك تعصرك

وتفصدك

تخاف تقوم من

فرشتك

تفك ضغطك في السرير

وتبلله

خوف العصاية

يكهربك

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق