]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

المرشح النونو .. أصغر مرشح للرئاسه

بواسطة: سعد مرزوق  |  بتاريخ: 2012-06-09 ، الوقت: 19:56:25
  • تقييم المقالة:

 

 

المرشح  النونو ..!

.

.

.

 

 

دخلت الأم علي ابنها 

عشان تصحيه وتفطره

سمعته بيدندن بالكلام

زي ميكون حد مفطمه

قاعد يغني  ويقول ...

محدش يخاف علي مصر 

مصر حلوة وزي الفل

وطول عمرها ست الكل

محدش يخاف ع المحروسه

مصر هي حلمنا

وأحلي حضن  يضمنا

مصر التاريخ والحضارة

مصر جنودها جبارة

مصر بشعبها عافيه 

وطول عمرها هتعيش أبيه

افتكرته حافظ نشيد 

لقته بيقول كلام جديد

وهو زعلان ومتأثر 

ولابس طقم جديد

وقال لها .. انا خارج وهتأخر 

قالت له انت هتزوغ م الحضانه

قالها الأبله بتاعتنا تعبانه

وأسلوب تعليمها وحش

بتاخد الأمور عافيه وعضلات 

وانا قررت بكل صراحه

أرشح نفسي في الانتخابات

قالت له ..  عندك برنامج جديد

قالها شئ أكيد.. ....!

والشعب هيعيش سعيد

وجاب  من دولابه سيف حديد 

وقال لها هقطع إيد الحرامي

وهقتل كل ظالم قدامي

انا برنامجي مبني ع العدالة

أنا لازم أقضي علي النداله

ومن انهاردا مفيش فساد

ولا ظلم ولا استبداد ..

خلاص  معتش استعباد 

قالت له .. مين علمك الكلام ده 

يا حبيبي انت لسه صغير 

والا بتهزر زي سعد الصغير 

قال لها .. عارفه لو كبرت 

هتوه في الدنيا زيكم

وانا ع الفطره اتخلقت

و بصراحه انا مـن الكبار

زهئت واتخنقت 

وقبل ما الدنيا تشغلني

والحياه تضلني وتوهمني

هعلمكم في الحياة خبرتي

وإن الاسلام والحق 

هما ديني وفطرتي

وبعدين بص من الشباك ع النيل

وقال ... عارفه يا أمي 

قالت له .. نعم يا حبيبي 

قال لها لا مش انتي...  

انا بكلم مصر 

وكمل كلامه ......وقعد يقول 

انا مشعارف ليه  ...؟

بنضخم الشئ النونو ونكبره 

ونعمل من الحبه قبه  

وناخد أصل الشئ ونغيره

وننسبه لنفسنا ...

مع ان سر جماله 

هو أصله  و جوهره 

ربنا سهل الأمر ويسره

وإحنا يا بشر بنصعب السهل 

وبنمشي في طريق الوحل

ربنا خلقنا وقال لنا ..

ان الشيطان عدونا 

واحنا بغابئنا وجهلنا

بنظلم نفسنا .....!

نظرية سهله وبسيطه

وضحها رب الكون

نجاهد نفسنا بنفسنا

ومفيناش حد معصوم

حاكم ومحكوم

 كلنا في مركب واحد

لما القيامه تقوم

وعشان نعيش في أمان 

لازم سيف الحق يبقي ظاهر 

وميزان العدل لو مره مال

يبقي كل لحظة سكوت عليه

 كان جريمه ارتكبها  الكل

ومكنش ذنب مبارك لوحده

أو حتي ابنه جمال..... !

ولو فضلنا نشكك في بعضنا

 ونقول علي بعض فلول

يبقي هنضيع كلنا 

والكل هيبقي مسئول

فيا رب ... يا عاصم 

يا صاحب العزه والجلال

أرزقنا العفو عند المقدره

وإرفع رايتي الحق والدين 

وابعدنا عن الفتنه و الضلال 

يا رب احفظ لنا مصرنا

واغفر لنا وارحمنا كلنا

قولوا................ أمين 

Saad Marzouk..19-4-2012

 

 

 


مع تحيات خدمات ويب  حيث قمنا بالترويج لكل من

 

alamanah.info  - elnakl.com - amera.co - tanzief.com - moveit.work - moveus.work - sungulf.co - nazafa.info - starjo.co 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق