]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

الأمريكان وبرمجة النسوان

بواسطة: سعد مرزوق  |  بتاريخ: 2012-06-09 ، الوقت: 04:21:50
  • تقييم المقالة:

رسالة الي كل جنتل مان

.

.

.

.

.

.

.

.

ولا هو ابني ولا كنت أعرفه

ولو كان ابني أكيد هتبري منه

جي يقولي يا با إلحقنني

مراتي خلعهوها هدومها

والامريكان برمجولها دماغها

وخلوها تعيش براحتها

وتعمل اليريحها

والحياة عندها خروج وفسح

والمسئوليه مش ف دماغها

ولو اتكلمت ابقي رجعي

وضد حقوق الانسان

والنت دخل البيت

وبقيت قاعد قلقان

هي البت بتذاكر

والا بتكلم الشبان

والواد عامل ضفيرة

ولابس حلق كمان

وبقيت هفأ

ونسيت الرجوله العلمتهالي زمان

وقلت لها الكلام ده مش في الاسلام

ولا دي أصول الايمان

تقولي يا راجل خليك متحضر

واتعلم تبقي جنتل مان

رحت لمحامي عشان أطلقها

قالي لو رفعت عليك قضيه هتكسبها

وبيتك هيتخرب

والاولاد هيتشردوا

بسببك وسببها

مشي أمورك يا شيخ

ولما تحب تتفسح .. فسحها

وسيبك من الحاجات القديمه

وانسي الشهامه والرجوله والغيرة

وكبر دماغك عشان تعرف تعيش

وروح هات لك ازازة وسكي وافتحها

هتلاقي الحياة حلوة وايامك هتضيعها

اعمل ايه ابيع ديني ..!

عشان المدام عوزاني أدلعها ؟

والا اجيب جاز

وأكب علي نفسي وأولعها ؟

قلت له.. ما انت اتهمتني زمان

اني جاهل .. ورجعي

ومشيت ورا بتوع حرية النسوان

وانا كتير حذرتك من مداخل الشيطان

بيدخل عليك بالعلم و السياسه

وتاته تاته يجرك ع الضيعان

والحق يتعجن علي الباطل

وأهو كله سلطة علي بتنجان

وقلت لك الكمبيوتر يشبه الانسان

عاوز برنامج ضد الفيروسات

عشان تصحي وتنام في أمان

افتكرتني بخرف

وانحرفت عن فظرة الايمان

وكلام ربنا محكم التنزيل

واليحيد عنه يعيش في التوهان

علاجك يبني مع ربنا

هو صاحب الرحمة والغفران

ومراتك عاوزة وندوز جديد

لو مقبلتوش.. شوف لها دكتور

ممكن يكون الهارد فيه باد سيكتور

أو ممكن تكون المشكله في الرمات

فتأكلها جذر وتديها فيتامينات

ولو البورده ضربت مكثفات

شوف لها جراج فاهم

ومش كل حاجه بالعضلات .

ولو البروسيسور بتاعها ضعيف

يبقي هتتعبك وتجبلك الخفيف

وممكن تففضخك في المنتديات

واسرار بيتك تتحكي في فتكات

ولو المشكله في البايوس

يبقي استخير ربنا وطلقها

عشان كل شركة بتصنع بوردة

بتبرمج البايوس علي مزاجها

وبايوس مراتك سره عند ال خلقها

وانزل اشتري جهاز جديد

هتلاقي السوق مليان

انا ياما نصحتك وانت بتختار

قلت لك بلاش الصيني

وابعد عن التجميع عشان تعبان

وانا عارف انك هتاخد مقلب

وهترجع تاني ندمان

وقلت لك خد لك جهاز أصلي

يكون انتاج شركة مضمونه وعارفينها

وأهم حاجة في تنزيل الوندوز

يكون في ضوء السنة والقرآن

ولا عمره يدخلة فيرس

ولا يفلح معاه هكر الامريكان

............................................................... Saad Marzouk


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق