]]>
خواطر :
يا فؤادي ، لما هددتني بالهجر و لم يبقى لي سواك في الأنس...كيف حال المضجع في غياب الرفيق المبجلُ...   (بلقسام حمدان العربي الإدريسي) . 

يا شعب ظالم ..!

بواسطة: سعد مرزوق  |  بتاريخ: 2012-06-08 ، الوقت: 18:57:13
  • تقييم المقالة:


 

يا شعب ظالم

.

.

.

.

.

 

يا شعب ثائر نعكش في نفسك وفحر

فأنت الحاكم الجائر

بعد نومك في العسل طول السنين

صحيت تعافر

مشلاقي قوتي وكرامتي اتبعترت

وحالي مايل

وشايف أخطاء النظام

وانت لعيوبك وأخطائك ناكر

يا شعب مشغول بالكوره والمتشات

والكل غرقان في المتعه والشهوات

يا شعب بيقضي ليالي رمضان

فوازير ومسلسلات

حبيت أفكرك لو كنت ناسي

مش انت لما النظام رفع العصا

مشيت مطاطي

وبررت لنفسك الفساد والمعاصي

مش انت ال صنعت النجوم والمطربين

وبقيت تهلل للعراه والملعونين

مش انت الموظف الفتح جيبه للرشاوي

وانت الطبيب ال سرق من أهله  الكلاوي

والمدرس الباع ضميره عشان الدروس

واستاذ جامعي يسقطك في مادته

لو مشترتلوش الكتاب

والكل بيدور علي المتعه والفلوس

مش انت الأب ال رهن بنته للجواز

وغالا في التكاليف والجهاز

مش انت المفتي ال حلل التبرج والسفور

دقق شويه ونعكش في الجحور

ولما تعرف عيوبك خلي الطابق مستور

وانت اعلام السياسه والنفاق

والعاوز يوصل كان يوطي

علي إيد الكبير يبوس

عاوزين ايه من النظام؟

عاوزينه يأكلكم كباب !

الكل من ساسه لراسه مليان فساد

كنت فين لما دنسوا المصحف

ومزقوا صفحات الكتاب

ولما أهانوا النبي في أسوأ الرسومات

كنت بتسمع رسالة أصاله

والقلب الطيب ل محمد فؤاد ؟

ونسيت القضيه و الجهاد ...؟

وانشغلت بسحر الحياة

ظلمت نفسك بنفسك

ومن ظلمك سلط عليك رب العباد

لو الضمير كان ديما صاحي

وكل واحد مننا في مكانه بيواجه الفساد

مكناش نخرج من سواد لسواد

يا شعب فرق وحدته

لما انحرف عن دينه وفطرته  وضل

المظلوم من إنتظار العدل

تعب ومل

يا أم الشهيد متحسبيش انه إتقتل

الشهيد بكلام رب العباد حي

كل الحكايه انه إترحم من شر جي

يا أم الشهيد متزعليش .. القدس محتل

وشوفي كل يوم كام قلب أم بينكسر

وفيه ناس عايشه لنفسها زي البقر

وصدقيني دم خالد زي الدره

جريمه في رقاب الكل.....

سقوط النظام جي في ميعاد

مقدره رب العباد

وكل أعمال البشر  متسجله في الكتاب

ولو حد ناسي هيفتكر يوم الحساب

يا شعب ثائر للأسف

قبل متكون مظلوم انت ظالم

يا شعب ثائر للأسف

انت الحاكم الجائر ..!

........................................Saad Marzouk 8-6-2012

 


« المقالة السابقة ... المقالة التالية »
  • اخواك فى الاسلام | 2012-07-21
    شكرا جدا يا دكتور سعد على الكلام العميق اللى انتة بتقولة دة دة الاكلام اللى الناس شيالة فى قلبة من سنين وسكتة انتة بتتكلم بصوت الشعب المحروم من الحرية من زمان ربنا يوفقك وتجيب كل  ما هو جديد انتة جندى من جنود المهد المنتزار وربنا معاك لانك بتقول الحق وربنا معاك اخواك محمد ممدوح 
  • زهره | 2012-06-11
    لااله الا الله احنا مش عايزين نكلم على الشهداء عايزين نكلم على الابل كده اكتر شعب مظلوم فى كل حاجه العيشه والعيش والبلطجه والطروقات والامراض والسرطان اكتر شعب امرضها السرطان  والتعذيب فى السجون و50 فى الميه بقت تحت الفقر  التعليم وحجات كتير والميه وكل حاجه الصراحه مسبوش حاجه حلوه منهم لله وربنا ينتقم منهم وتيجى على الفنانين والتليفزيون والمهرجان وحاجات كتير منتهى قله الادب يتصر ف عليه مبالغ كتير والبلاد الى حولين وسواء السمعه وبيقول انتم بترجعو لورا على طول وحجات كتير  مش هنقول غير ربنا ينتقم منهم مش عايزين غير انهم يعيشو ويشوفو الذل ويعيشو الى الناس عاشو فيه وربنا موجود
    و
  • حسام رضوان | 2012-06-09
    جامدة جدا ياخالي سعد
    الى الامام
  • سعد مرزوق | 2012-06-09
    متشكر ..   يا استاذه ...    شهاده  اعتز بيها 
  • ابلة هدى | 2012-06-09
    الله عليك اخي الكريم
    رائع !

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق