]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

حكاية شعب

بواسطة: Rofida Ali  |  بتاريخ: 2011-07-03 ، الوقت: 18:36:33
  • تقييم المقالة:

حكاية شعب


اسمع منى يا كل العالم حكاية شعب

شعب عريق مجد طويل

وحضارة اصيلة بقلها سنين 

شعب دايما سلاحه لسانه
وحبه لوطنه هو ايمانه
وعشقه لوطنه عنوان ليه
وكرهه للظلم معروف بيه
وكلمة الحق أدام عنيه 
وصدق النبى متصلوا عليه
قال ان جيشه احسن جيش
الجندى يموت عشان مصر تعيش
آآآه يا شعب زيه مفيش
شعب حضارة ومجد سنين
وجيش ابطال اصحاب حطين 
وعين جالوت و73
وفوووووق دا كله صبر سنييييين
صبر سنين على حاكم ظالم 
حكمه لعيييين
ضيف تقيييييل مش سنة سنتين
لا دا بعيد عن السالمعين كانوا 30
أصل الضيف دا كان حريف
وواخد الكاس
محطم رقم فى التلامة 
وركوب الراس
كرش الشعب وقاله دا بيتى 
وفيه راح اعيش
وأنا السيد وانتو عبيدى
يا ملكوش عيش 
وبعدى ابنى وبعد حفيدى
ويا كده يا مفيش
والشعب غلبان عاوز 
يعيش فى امان
ولما سكت عن حقه
وسلم بلده للى خان
مع انه عمره ما كان جبان
سرقوه نهبوه دينوه
وفلقمة العيش لهوه
حاربوه دمروه وشمله شتتوه
وشبابه ضيعوه
والتعليم خربوه
اكل فاسد واكلوه
ماية مجارى وشربوه
وبكل الامراض عيوه
ومن العافيه عدموه
ارفوه شحططوه دوخوه
وعشان ما ينسى خدروه
واللى يفوق يحبسوه
يا بره بلده يكرشوه
سيبوا كلابهم على الشعب ينهشوه
حرموه من الكلام خرسوه
خوفوه من بكرة واحلامه سلبوه
وجابوا عصابة نور يحكموه
غسلوه وكوه وعلى الجنبين سوه
وفى وسط الظلمة 
وفى وسط الظلمة تنور شمعة
معرفتش الظلمة تطفيها 
وشبابك يا مصر اللى حاميها
شمعة الامل الحرية الخلاص
وثورة تونس كانت النبراس 
و25 يناير يوم موعود 
واتحطمت كل الحدود
وثار الشعب ثورة غضب
على اللى سرق واللى اغتصب
ودم الشهيد 
ودم الشهيد كان النار 
اللى مسكت فى الحطب
فى التحرير 
فى التحرير شباب حلفين 
100 يمين ويمين
يخلصوا ظلم السنين 
ارادة عجيبة وقوة غريبة 
متعرفش منين
من وسط الضعف اتولد ملاييين
عرفين رايحين فين
هدفهم واحد شعارهم واحد 
فقنا خلاص ومش راجعين 
وفى القصر 
الكلب وعصابته مرعوبيين 
يروحوا فين ويجوا منين
قالوا اجندات اجنبية 
وبعتوا جابوا بلطجية 
وعلى السطوح قناصة غبية 
وهنا سهيد وهنا مصاب 
سيب كلابه وحمى نابه 
ويقول ارهاب
وشال الحكومة ويقول تغيير 
وتيجى تبص فى التحرير 
سيب عليهم جمال وحمير 
بس شعبك يا مصر 
شعبك يا مصر شعب عنيد 
وشبابك يا مصر 
شباب رجالة حديييد 
لا بلطجية ولا امن يفيد 
دا الشعب خلاص قال كلمته 
مبارك عميل وخان امته 
مبارك خسيس قتل شعبه
عشان سلطته
ونزل الجيش ومعاه النصر 
والكلب هرب وساب القصر
وطلع النهار عليكى يا مصر 
وسطر يا تاريخ 
سطر يا تاريخ اعظم ثورة 
باسلوب عصرى 
وكل العالم واقف يتعلم 
والحرية فى بلدى حصرى 
واسمع منى يا كل العالم
حكاية شعب 
الشعب المصرى

بقلم : رفيدة على


« المقالة السابقة ... المقالة التالية »
  • طيف امرأه | 2011-07-03
    الاخت رفيدة النقيه.
    دوما نرجو الله وندعوه ان يحقق امل اخوتنا المصريين بعودة العدل للامة , وبقاء مصر ابيه كريمه عزيزه وكل وطننا العربي.
    لنعمل على نجاة وطننا الحبيب بالصدق والعمل الخير , والامانه , والقناعة.
    لك كل الحب فقد كانت حروفك محرك , ومساند لكل فتى وفتاة كي يبحثوا عن الامن والامان , والاستقرار وعودة السلام وحرية الانسان.
    لك كل الحب على تلك النثريات التي اطلقت اللب من عنانه كي يتحدث اليكم ويدعو الله الكريم لاخوته واحبابه لتنالوا الخير الكبير.
    سلمت من كل سوء.

    طيف بتقدير

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق