]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

رهان خسران

بواسطة: مريم كرم  |  بتاريخ: 2012-05-28 ، الوقت: 11:03:31
  • تقييم المقالة:

عمرى على طاولة روليت يدور

كل يوم ااقول الخسارة تتعوض

ارجع بعمرى ناقص يوم

استلف

من بكرة قبل م يبتدى

ومن تانى العب

خلصت كل بكرة الجاى

مبقتش عارف اجيب منين

ايام لعمرى .. واقوله ايه ؟

آسف كان نفسى افرحك ؟

ولا كفاية علية اللى شافه

واسيبه وامشى يمكن يسامح

يمكن يبطل قلبى يحلم

حصانى فى سبق عمرى

حصان خسران

لا نافع فيه  اسقفله  واسفرله

ولا ضرب نافع او لجام

ومرارة الحسرة من بعد جرى

تراك طويل  تذيده خيبة

يرجعلى قاطع النفس ويقول بخفة

دى آآآآخر نوبة

بس النهاردة رجعلى ميت

بعد جريه ف كل سكة

راسه خبطت الحيطة

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق