]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

طلقنـــي يـــا سيــــد!!!(الحلقة العشرون)

بواسطة: Fairouz Attiya  |  بتاريخ: 2012-05-24 ، الوقت: 08:02:08
  • تقييم المقالة:

هقول يا خويا أهه هقول, بس مش عارفة ليه كدة يا خويا حاسة بدوخة و زغلله و ريقي نشف فجأة كدة يا سيد؟؟؟!!! طب إلحقي قولي بقي يا بنت سعيد قبل ما يجيكي جفاف ولا يمسكك الرعاش يا بنت ال..... (و يهم بضربها) الله بقي يا سيد!!!! دهدي !!! دا كأن أنا عملت الجمعيه دي عشاني أنا يا خويا و لا حتي قبضتها و هجيت علي بلاد برة؟؟؟!!!! ما أنا عندك أهه يا سيد!!! مرات حبيبتك و قاعدة خدامة تحت رجليك مستنية إشارة منك عشان أقبضها و أحطها في عبك يا سيد!!!؟؟؟ بقي دي جزاتي يعني يا سيد؟؟؟!!!! دي أخرتها في خدمتك يا خويا (و تبادره هي بالبكاء و النحيب) أما صحيح يا ولاد, خير تعمل جزما تلقي!!!! يعني يا بت عايزاني أعرف إنك بتخبي فلوس من ورايا و كل شهر والتاني كاسرة نفسي و منشفه ريقي و مفيش وراكي غير الطبيخ اللي يقطع الخميرة مالبيت و كل كلمة والتانية منك أجيبلك منين و أسويلك بأية و ماهو دة اللي علي قد فلوسك و إنت حاطة فلوسي في جيبك يا بنت فكرية؟؟؟؟ وهوة يعني أنا كفرت يعني لما دخلت جمعية!!!؟؟؟ مش برضك يا سيد الواحد لازمن يشيل قرشين للزمن و يستحوط يا خويا؟؟!!! و لا يككون كدة طول عمرة عايش اللي جاي علي قد اللي رايح!!!؟؟؟ بكام الجمعية يا رقية؟؟؟ إنطقي خلصيني؟؟؟ (بحزم) كتير يا خويا كتير (بصوت خافت أقرب للتوسل) بس وغلاوتك يا خويا.... (أكثر حزماً) بكام يا رقية؟؟؟؟ بألف يا خويا, ألف جنية يا سيد. ألف يا بنت سعيد!!!! (مندهشاً) (تأخذها الحماسة) مش بقولك كتير يا خويا!!! كتير إية يا رقية بس و نيلة إية؟؟؟؟ عايزة تخشي إستنخابات حكومة و مريسة دوله و واكله دماغي بقالك مسافة علي ألف جنية يا بنت فكرية؟؟؟ دول ما يكفوش حي واحد في شبرا لحمة و قماش يا مهبولة!!!!؟؟؟ إسمع بس كدة يا خويا و إستهدي بالله!!! ماهي الحكاية مش هتمشي كدة زي ما إنت فاكر, لأ , مش بيقولك عشان تكون أحسن من غيرك لازمن تكون مختلف ؟؟؟!!! مختلف أة , إنما أنا كدة هكون متخلف يا رقية!!! هضحك العالم عليّه يا بنت سعيد!!!! 


يتبع..................


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق