]]>
خواطر :
رأيت من وراء الأطلال دموع التاريخ ... سألته ، ما أباك يا تاريخ...أهو الماضي البعيد...أم الحاضر الكئيب...أو المستقبل المجهول....   (بلقسام حمدان العربي الإدريسي) . 

طلقنـــي يـــا سيــــد!!!(الحلقة الثامنة عشر)

بواسطة: Fairouz Attiya  |  بتاريخ: 2012-05-22 ، الوقت: 19:02:37
  • تقييم المقالة:
    براوة عليكي يا روقة والله, بس برضوا ما قلتيليش إية "هيس دي يا بت"؟؟؟ ياسلام!! بسيطة يا سيكة, "هيس" دي يا سيد يعني إحنا اللي عارفين مربط الفرس فين وكماني إحنا و إحنا و بس يا سيد أة اللي نقدر و نعرف نوقف الحمار واخد بالك معايا يا خويا؟ أة إحنا اللي نقدر نوقف الحمار مطرح ما يعوز شعبه, (و تتلجلج قليلاً في الكلام) يعني بصريح العبارة كدا يا سيد إحنا اللي عارفين الشعب عايز إيه يا خويا أة. تمام يا روقة , كدا و ضحت الرؤية يا حرمنا المصون, إديني بقي في المفيد و قوليلي نمشي في السكة دي إزاي و نبدأ منين يا مودامنا الكريمة؟؟؟ شوف يا سيد, وزي ما قلتلك قبل كدة يا خويا, الموضوع في غاية البساطة, كل الحكاية إنك تكون واد كلمنجي و فصيح كدة أة عشان يا سيد مين سمعك قال تمام والله ينور عليك و يستقنع فيك يا خويا و يديك صوته, يصوتلك يعني بالبلدي كدة و قد ما تجمع أصوات يا سيكة قد ما كفتك تكون ربحانة في الاستنخاب يا خويا. بسيطة دي تلميلك حريم شبرا م الكورنيش للدوران, و كلهم ولله الحمد حريم أصاحبي و بقابلهم يوماتي في البقالة ولا حتي في محل الفول, و كل واحدة فيكم كدة بالصلاةُ عالنبي تجيب أخرها في الصويت, دا كفاية إنك معاهم يا روقة, دا صوتك إنتي لوحدك يسمع الجمهورية بحالها, و هاتك يا صويت إنتي و هيه لغاية ما يرسي علينا الكلام. يا سيد إفهم بقي يا سيد غلبتني و فقعت مرارتي, الصويت يا خويا مش يعني ناخدهم بالحياني, لأ يا سيد لأ, يعني يا خويا كدة الروس اللي تعبيها و تميلها نِحيتك و تستقنع فيك إنها يوم الاستنخاب تروح تعبي و رقة كدة صغيرة مكتوب فيها إسمك و هي تختار إسمك و بس, وقد ما تلم روس يا سيد قد ما إنت الكسبان يا حلاوة. 

يتبع.................


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق