]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة السابعة عشر)

بواسطة: Fairouz Attiya  |  بتاريخ: 2012-05-21 ، الوقت: 12:59:30
  • تقييم المقالة:

ماشي يا روقة, ماشي يا حرمنا المصون, إهدي إنت بس و رسيني عالدور كلة يا بت, و أنا من إيدك دي لأيدك دي يا رقية. (تبتسم بدلال ورضا و تعود لحديثها) ماشي يا سعات الريس, شوف يا خويا. قولي يا حرمنا المصون. بس فالأول قوليلي إيه حكاية "هس وي كان" دي اللي قلتي إن الواد بتاع أمريكا دة قالها من قبلينا يا روقة؟ شوفي يا سيدي, دي يا سيد كدة يا خويا زي ما تكون كانت الحجاب بتاع أوبانا ولا حتي كدة كلمة السر اللي كل ما كان يقولها يا خويا للعالم اللي قاعدة تسمعه يفزّوا يا خويا كدة يقوموا علي حيلهم و يدوه التسقيف التمام و التصافير تملي الدنيا حواليهم أة لحد ما كسب الإستنخاب يا سيد , أي والله يا خويا, كأنه كان محجب عليهم بالكلمة دي يا سيد, و إحنا بقي مش أخيب من الأمريكان يا سيد لأ , دا إحنا جدعان قوي و يمكن حتي أجدع منهم كمان , أة يا خويا, عشان كدا بقى يا خويا إحنا هنخلي الهتيفة بتوعنا يقولوها إيه بقي يا سيد, هنقولها "هيس ....وي كمان" يعني و إحنا كمان قدها و قدود يا سيد أة إُمْال إيه يا خويا. يا سلام !!!! طب ما الأمريكان كمان ليهم في السحر والشعوذة أهه أُمْال بس فالحين يقولوا علينا إن إحنا عايشين عالدجل والتخاريف و الكلام الفاضي ودول نايمة وجاهلة و متخلفة!!!؟؟؟ لأ يا سيد لأ وقف عندك!!!! و إوعك يا خويا تقول الكلام دة تاني أة!!! و من هنا ورايح يا سيد أي حد ييجي فينا ولا حتي يدوسلنا علي طرف بس مش يلسن علينا عايزاك يا سبعي تقص لسانه قص أة. إحنا صحيح يا خويا فينا ناس ليها في السحر أة بس ياخويا السحر ماهو جاي في كتاب ربنا يعني مش إحنا اللي بادعينه أة , و إن كان عالتخاريف فهما اللي خلونا نخرف يا سيد أة بالهباب اللي بيطفحوه لعيالنا و رجالتنا و يلموا من وراة الملامين يا سيد أيوة أمُال إية, و لو لا التخريف اللي إحنا فيه يا سيد ما كناش نصدق إن الأمريكانييين دول ولا اللي زيهم بيحبونا و بيتمنولنا الرضا نرضى و كل ساعة والتانية بيساعدونا باللي يقدروا عليه, ولا إن الريس في بلادنا يقعد قد ما يقعد لا ينحنيلة ظهر ولا تشيب في راسه شعره يا سيد أة ولا إن عضو مجلس الشِعب بيوزع فلوس عالغلابة و لحمة و قماش عشان لما يدخل المجلس يبقوا يشوفوا منه حاجة تاني يا سيد, أما بقي الكلام الفاضي يا سيد فهو اللي يخلي اليهود جيرانا و حبايبنا وشركاتنا كمان في السلام يا سيد, إصحالي كدة يا خويا بقي و صحصح أة, إحنا دول نايمة يا سيد من هدة الحيل يا خويا أة , يعني الواحد لما يكون طافح الكوتة برا و جوة و أخرة المتمة ما يلاقيش في بيتهم غير صحن فول بايت ولا بصارة حامضة مش هينام قتيل كمان يا سيد؟؟!!! لازمن ينام يا خويا, ( و تأخذها الحماسة فتهب واقفة من فورها و تكمل دفاعها عن دول العالم الثالث) و بعدين يا خويا لو كنا إحنا جهلة و مستخلفين ما سقفوناش و علمونا ليه يا سااااااااااااااااااااااااايد؟؟؟؟ الله أكبر !!!!! الله عليك يا بت يارقية!!!! طب والله إنك جدعة يا بت وفاهمة كمان!!! إية الحكمة دي كلها يا بت؟؟؟؟! (تبتسم بمنتهي الثقة) أُمْال يا سيد!!! إنتي فاكرني جاهلة يا خويا ولا إية؟؟؟!!! لأ يا سيد لأ إصحي كدة معايا , دأنا أربع سنين خدمة في توجيهي و 3دبلون يا سيد, يعني خلصت القراية اللي في الدنيا دي كلها والعلام يا خويا.

  


يتبع...........


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق