]]>
خواطر :
الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة السادسة عشر)

بواسطة: Fairouz Attiya  |  بتاريخ: 2012-05-14 ، الوقت: 15:12:15
  • تقييم المقالة:

تلاقي العالم اللي قبل كدة كسفونا معاه و خلوا رقبتنا قد السمسة يا خويا, عشان كدة بعد خمس ست ساعات طار من البلد بحالها و قال يا فكيك أة, واحد جاي من أخرة الدنيا عشان بس يزورنا و يتمنجه بحلاوة شمسنا ما نوجبش معاه؟؟؟! طب دة حتي تبقي عيبة كبيرة في حقنا يا سيد, ولا إية يا خويا؟؟؟ تلاقيهم خدوة من الإهرامات علي كشري التحرير علي طول يا بت. ما نا عارفهم جلدة و يموتوا عالقرش. ياريت يا سيد, ياريتهم خدوة علي كشرى التحرير يا خويا أهو برضو إسمه طبق شِعبي مصري أصيل , إنما ما تعرفش يا خويا أكلوه إية قام الراجل بعد أربع خمس ساعات قلع و قال يا فكيك ولا بصش وراه تاني يا سيد, بالزمة مش دي فضيحة برضو يا خويا؟؟!! لالالالا كشري إية يا بت و بتاع إية , أقلها هندبحلة خروف. (تهب من فورها) خروف إية و بتاع إية يا سيد؟؟؟ إنت مالك كدة يا خويا أفكارك بيئة و لوو يا سيد؟؟؟!!! إنت يا خويا مش شايف الراجل مسلوع إزاى و مسبسب و واخد باله علي هيئته يا سيد؟؟ و بعدين يا خويا خروف كدة حتة واحدة؟؟؟ لأ يا سيد لأ , دا مهما كان برضو غريب يا خويا, تخاف تقابلة بخروف يبلط عندنا و يطمع فينا يا سيد, و إحنا بلد غلابة بنستني معاونتهم من السنة للسنة يا سيد, صحصح كدة يا خويا و ركز معايا. عندك حق والله يا بت يا رقية. بلاش منظرة كدابة و بعزقة عالفاضي. بس يعني يا بت إنتي لسة قايلاها بعضمة لسانك أهه, الجدع عترة و مفيش منه و كل سنة والتانية بيصرفولنا قرشين مساعدة يا بت, يبقي يعني مايستاهلش خروف ولو زكة عن صحتنا و عافيتنا يا رووقة؟؟؟ زكاة إية يا سيد بس؟!!! الزكة يا خويا ما تجوزش غير عالمصريين, علي ولاد بلدنا يا سيد, وبعدين بقي يا سيد انا بقولهالك من دلوقتي أهه, شغل المطابخ والعازيم والحاجاة دي ملكش فيه يا سيد أة, ملكش تتدخل فيه يا خويا , أنا مبحبش الخبص و اللت والعجن يا سيد. (و تبدوا جادة غاضبة و في منتهي الثقة) ماشي يا روقة, ماشي يا حرمنا المصون, إهدي إنت بس و رسيني عالدور كلة يا بت, و أنا من إيدك دي لأيدك دي يا بت (تبتسم بدلال و تعود لحديثها) ماشي يا سعات الريس, شوف يا خويا. قولي يا حرمنا المصون. 


يتبع.............


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق