]]>
خواطر :
لا تبخل على غيرك بالمشورة الحقيقية والصادقة رغم همك ، ولا تكن بخيلا فيما يرضي نفسك وغيرك مهما كان الثمن فالحياة متعة بين الجميع والإنسان جميل رغم همه   (إزدهار) . أيتها التكنولوجيا ، لما تصرين على غزونا...أفسدت عنا بساطة عقولنا و معيشتنا... كان الأجدر أن تبقين ما وراء البحارُ...   (بلقسام حمدان العربي الإدريسي) . 

فك شفرة الثورة المصرية بالبيان والتبيين

بواسطة: هيثم فتحى  |  بتاريخ: 2012-05-11 ، الوقت: 08:56:54
  • تقييم المقالة:

 

البيان والتبيين بإسم الشعب وبإسم الامة أصدرنا بيان فى زمن الفوضى والطغيان عملنا الثورة وفى الأخر اصدرولنا بيان ولما انتفضنا وعبينى الميدان قالوا رجعوا البلطجية بتوع زمان خبرنى يوما ياإنسان حين تفيق من الهزيان هل هذا هو حق الانسان ............. عجبا لشعبا واعى يعيش فى غثيان  وياعجبى كل العجب أعيش فى بلدى عيشت الغربان عجبا لك ايها الشعب الابى  اراك مشتت الاركان هذى جماعة تسمى بالعلمانية واخرى بالوهابيية  واخرى تسمى جماعة  الاخوان انا لا انكر على احدا جماعته  ولكنى انكر الهيجان ومن قبلى قد انكر هذه الهترات   نبينا العدنان خبرنى يوما ياسلطان  حين نثور فى الميدان هل كنت تظن انك ملك للأكوان ................... المهم سيبك دلوقتى من الميدان وركز معايا فى البيان الى قالوا عمر سليمان لو كنا امشينا زى مقالوا من الميدان  كنا نوصل لهذا البيان ماهو قعدنا شهر يطلع الريس يقول بيان ورا بيان والمشكلة  مكانتشى البيان الى قالوا الريس المشكلة ان البيان الى قالوا مكانشى بيانه ده كان بيان ولده جمال وماما وسوزان .................... ما هو لو عمل زى الى  عمله عبد الناصر  وكنا خارجين ساعتها من نكسة كان هيبقى فى غنى انه يقول البيان وبطيبتنى كمصريين كنا هنقوله  احنا عاوزينك ياريس احنا عوزينك ياريس لكن لا  عاوزين جمال ولا عاوزين سوزان ................. المشكلة الكبيرة ان العصابة الى كانت ماسكة البلد قالوا ازاى احنا الى كنا ناهبين البلد بيانا عيان بقى يجى شويت عيال يحطونا فى القضبان قول الزمان إرجع يازمان قول للزمان إرجع يازمان ................................ ركز معاي ياعيل  واسمع كلام عمو نظيف  الراجل الملهم الولهان بقولكم ايه مش شويت عيال حبسونا  وقالوا إحنا بنادى بالحرية والعدالة الإجتماعية وعاوزين لكل واحد فينا وظيفة ومكان. خلينا نشوف بتوع الديوقراطية  هيجيبوا ياكلوا إزاى إسمع كلام العيل ولازم تركز يامان ............................ ياعمو نظيف بقولك إيه سيبك من هالكلام  هو إنت الى بتجيبلى الرغيف وبتوكلى العيال متزعلشى ياعمو نظيف بطلنا ناكل العيش وهنعيش بس على الميه وبرده هنسيبكوا ورا القضبان ولا اقولك سجن مين ياعمو نظيف  دا انتوا عايشين فى برتو طرة على الميه المعدنية واحنا الميه بتاعتنى مليانا ديدان. ........................ العدل ىسمعت  ياعز  هههههه  دول لسه عندهم أمل ان بكرة هيلاقوا ميه دول بكرة لا هيلاقى ميه ولا هيلاقوا حتى  ديدان. ايه رأيك ياعدلى متيجى نولعها ونشغلهم بالحرايق ونعملهم هيجان ونؤجرلهم بلطيجية يولعولهم فى الميدان. ....................... العدلى البطلجية دول على ياعز  بس  الحكومة الجديدة هنسكتها ياعز  ازاى حكومة جديدة إنت هتعمل زييهم ياعدلى وتقول حكمومة جديدة               دى الحكومة دى معمولة مخصوص علشان تخرجنا من القضبان              أمال فلوسنا الى وزعناها  ياعدلى فلوس اتوزعت بلا بعنوان ............................ أنس الفقى وانا على الاذاعة والاشاعة   ولا انت ناسى ياعز الى حصل زمان     مش احنا الى قولنا للناس ان الثورجى مرتشى  وتابع للامريكان وكل الى حصل فى التحرير من سلب ونهب وقتل وهتك العرض كمان مش احنا غطيناه  وقولنالهم فى الاذاعة  ده بيحصل فى الشيشان وجيبنالهم صورة النيل وقولنالهم احنا بلد الامان احنا بلد الامان جمال و انا هكلم   مامتى سوزان  علشان تخرجنا من القضبان سوزان يابيبى انت نسيت مش دلوقتى يابيبى فى برلمان برلمان مين ياماما قولى للزمان ارجع يازمان قولى للزمان ارجع يازمان ........................... المهم بعد مرور الزمان ولم يتغير شيئا عما كان رجعنا تانى نسمع بيان واتعمل تصويت على الدستور اولا ولا البرلمان المشكلة مكانتشى فى الدستور ولا فى البرلمان المشكلة ان الناس مكانتشى فاهمة إيه يعنى دستور و إيه يعنى برلمان والمهم ان انقسمنا الى قسمان قسم قالوا الدستور أولا والاغلبية قالوا البرلمان وفى النهاية تم الاتفاق ان البرلمان اولا ودى كانت مشكلة اتعرفت بعد ما فات الآوان ................... المهم خلينا مع البرلمان شوية وركز معايا مش عاوزك تنام  مش بعد ماتم الانتخاب فى صورة  نزيهة لم تعرف على مر العصور والازمان بدأو يشككوا فى نزاهة البرلمان و تم خلق المشاكل بلا عنوان وظهرت مفاهيم غريبة زى الأيادى الخفية واللهو الخفى والقلة المندسة وعملاء الأمريكان ومن البديهى ان الشعب علشان يلاقى اللهو الخفى كان بيدور على باتمان ................ وطبعا رجع الإعتصام واتعبىء تانى  الميدان وياعجبى كل العجب مش كل  واحد معتصم بيمثله واحد فى البرلمان فين الديموقراطية والإحترام لرأى الآخر هو ينفع يكون للسفينة 30ريس وخمسين  قبطان انتوا عارفين ايه اكبر دليل على ان دى ازمات مفتعلة وان الهدف مكانشى التشكيك ولا حل البرلمان وان الهدف كان احباط للى انتخبوا البرلمان     انه كل متحصل مشكلة يقولك الى عملها الطرف الثالث المشكلة انك لوسألت مين الطرف الثالث تلاقى الإجابة بلاعنوان    ................ والكتاتنى ورجالته  كانت عليهم العين يناقشوا المشكلة فى اسبوعين وطبعا البرلمان الى انتخبه الشعب  ومستنى منه الحل و عليه الامل والعين يقوله احنا نجيب الحل منين انتوا عارفين الحل ممكن نجيبوا من فين .............. الحل مع المجلس العسكرى الى من ساعة مامسك السلطة قسم البلد بلدين بلد للاخوان المسلمين والسلفيين  والبلد التانية بقت  للعلمانيين  والله انا مستغرب الى بيعمل كله الى  بيحصل ده وعامل مسكين هوه فاكر ان احنا جاهلين ومش عارفين هوه ساكن فين امال ايه وظيفة  الجرايد والتليفزيون و مستغرب الى فى السجن لحد دلوقتى إزاى قدروا يبعدوا عنهم العين   ............ انتوا عارفين ده بيفكرنا بإيه ده بيفكرنا بالى بيحصل فى فلسطين منهوبة ومسلوبة ومخروبة على إيد الصهيونيين والعالم العربى يولداه مبقاش فيه بشرولا بنى أدمين .......... وكأنى أراه مقيد الأرجل ومقطوع الكتفين ومن خمسين  سنة بيناقشوا قضية القدس والفلسطنيين والشعب هناك ياولداه على أمل ان العرب يخلفوا صلاح الدين أس اتنين انتوا عارفين المشكلة مش فى صلاح الدين .............. المشكلة انك تجيب الى اتخلف صلاح الدين من فين معلهش انا قلبت عليكم المواجع لكن مش دى حقيقة يعرفه كل البنى أدمين .......... نرجع تانى مع المجلس العسكرى الى قسم البلد بلدين وانا عاوز أسأل المجلس العسكرى سؤال محير كل المصريين ............. حذروا فذروا الريس الى جاى مين؟ ................ ابسطهالك لو كان فى جماعة  أصحاب وكانوا حرمية ونصابين وظهر واحد فجأة  وقفش منهم عشرين ولحسن الحظ انك انت الى بايدك تسجن مين وتطلع مين كنت واحد من ال ييين لكن انت خايف تطلعهم فيعملوا عليك انقلاب  المساجين وخايف تسجنهم فيقولوا ماانت كنت واحد من ال ييين المهم قالولك اختار الى يحاكمهم وفتحولك قوسين  (الاخوان المسلمين - السلفيين  - الجماعة العلمانيين-  صديق للنصابين- أخرى) حذروا فذروا انت ممكن تختار مين انت ممكن تختار ميييييييييييييييييين؟ ................... وفى النهاية  مش كل متحصل مشكلة  يطلعلك بيان أو بيانين انا برده عندى  مشكلة بتواجه كل المصريين وطالما حياتنا كلها بقت بيان ولكن بلا تبيين فقدت اصدرت انا هيثم فتحالله البيان ومعه التبيين وعاوز بس من كل مصرى امين يعلقلى فى سطريين  يقولنا  احنا ممكن نختار مين؟  احنا ممكن نختار مين؟ احنا ممكن نختار ميييييييييييييييييييييييييييييييييييييييييييييييين؟                      

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق