]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة الخامسة عشر)

بواسطة: Fairouz Attiya  |  بتاريخ: 2012-05-07 ، الوقت: 17:03:18
  • تقييم المقالة:
    والله!!؟ و إتحزمتي و رقصتي ليه يا بنت سعيد؟؟!! وجه عندك دة إمتي و فين يا بنت فكرية؟؟؟ (وهم برفع يدة ليضربها من جديد فأسرعت بمسك يدة و تقبيلها) حيلك حيلك بس يا سي سيد!!!يا سيدي و سيد العالم كلها, دة يا خويا كان جاي يزور البلد و يرّوح علي طول , جاي سياحة يعني, يزور الإهرامات و يركب خيل و ياكل حلبسة كدة يعني يا خويا, أيوة أُمْال إية يا سيد, مش بقولك واد سفروت و كلة مفهومية, عرف بفكاكته كدة إن مفيش بعد السياحة في بلدنا يا سيد, أة و لا فيش زي ناسها الطيبين يا خويا, طب دة حتي ولا راح يسيح في أي بلد زيينا يا خويا, مصر و بس والباقي هس يا سيد. لا يا شيخة!!؟؟ طب والله دا كدة يبقي واد مفهومنجي بصحيح يا بت يا رقية. مش بقولك يا سيد؟!! إسمع يا سيد (تحدثه بمنتهي الإهتمام والجدية), إسمع يا خويا, سا يقة عليك النبي يا سيد, أول ليلة نعملها في العتبة الجديدة يا سيد نعزم فيها الواد الأسمراني العترة دة, أقولك؟؟ لأ يا سيد, مش هنعزمة مع حد, عزومة خصوصي ليه يا سيد, لأ و إية مش أي عزومة يا سيد, أة , ليك عليه يا خويا أعمله أحلي لقمة فتة كوارع أكلها في حياته يا سيد, ترم بدنه كدة يا خويا , ولا أقولك ؟؟؟ هخليها توليفة محاشي كدة علي مرقة بط بلدي و طبق ملوخية خضرا طشتها بس تخلي راسة تلف يا خويا أة, تلاقي العالم اللي قبل كدة كسفونا معاه و خلوا رقبتنا قد السمسة يا خويا, عشان كدة بعد خمس ست ساعات طار من البلد بحالها و قال يا فكيك أة, واحد جاي من أخرة الدنيا عشان بس  يزورنا و يتمنجه بحلاوة شمسنا ما نوجبش معاه؟؟؟! طب دة حتي تبقي عيبة كبيرة في حقنا يا سيد, ولا إية يا خويا؟؟؟ 

يتبع.....


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق