]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

حاجة بتشد انتباهي

بواسطة: مدحت الزناري  |  بتاريخ: 2012-05-07 ، الوقت: 11:27:24
  • تقييم المقالة:

كل حاجة باقية فيكِ  زي ماهي

الأدين الدافيه والرمش اللي ساهي

شعرك المجدول ونظرات الذهول

بس ليه حاسس بحاجة مش قوي

حاجة ضايعة حاجة بتشد انتباهي

 

كل حاجة زي ماهي

أدي شارع وادي حاره

وادي قهوة ع الإشارة

وادي سارح في التلاهي

وادي لابد في المغارة

وادي ناس من غير رغيف

وادي ناس من غير أماره

وادي بياع ع الرصيف عمال ينادي

وادي شلة أنس قاعده جوه نادي

وانت ساهية زي ما أنت

وانت ناطقة في العبارة

بس ليه حاسس بحاجة مش قوي

حاجة ضايعة حاجة بتشد انتباهي

 

ما تخفيش أني أقول ع السر يوم

وافتحي صدرك وبوحي بالهموم

هو خيط الحزن من لون الغيوم

وانت شايفه شكله جامد جوه عينك

 بس هوه بجد هين..  هو واهي

 

انطقي وابكي وحاولي تصرخي

الصبر مش دايما  يا حلوة م الشطارة

والعني وضجي وقولي ووبخي

القلب بعد الخوف ما طال يحتاج جسارة

والأزمة مش محتاجة خوف وتردي باب

الأزمة حفرة والعبور يحتاج مهارة

وأنت أول شركة ناجحة ف التاريخ

بس فاشلة يا حبيبتي في الإدارة

وأنت حرة لا أنت واحده م السبايا

ولا انت تبة  ولا انت غاره

علشان يكون لك عسكري أمر  وناهي

ماعرفش خبره في الحياة غير التمام

ما عرفش غير الشده والجري الصباحي

 

 

لسه شايفك زي ما أنتي

لسه خوفك هوه هوه

بس كلمة واحدة باقية

لسه ساكنه ف قلبي جوه

أمتى كان الحب غصب

والخيانة م المروه

كوني للي هج منك

واللي صابر واللي جوه

كوني غيط ودراع وفاس

كوني حق.. وكوني قوة

 

مش بقولك إن رمشك لسه ساهي

وفيك حاجة لسه بتشد انتباهي

___________

مدحت الزناري

7/5/2012


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق