]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة الرابعة عشر)

بواسطة: Fairouz Attiya  |  بتاريخ: 2012-05-05 ، الوقت: 19:23:01
  • تقييم المقالة:

إنتي ناسية يا بت إستنخابات مجلس الشعب ولا اية؟؟؟ منين لينا كل دة يا رقية؟؟؟ فوقي يا بنت الناس!!! (تهب من فورها بحماس) لأ يا سيد ما تقولش كدة, وبعدين يا خويا ما قولتلك دا زمن و عدى  خلاص, والناس فهمت و قرت الدرس كويس ياسيد, وعرفت إن كل دة بكش في بكش, و بعد ما تخلص الليلة محدش من الكبار اللي إنت بتقول عليهم دول بيطلع كبير يا سيد, إحنا زهقنا و تعبنا من نص كيلو اللحمة اللي ما بنشوفهوش غير كل دورة إستنخابية, وحتتين القماش الكستور اللي بِطل من أيام حملة عرابي في الشرقية (يقاطعها مندهشاً) مين عرابي دة يا بت يا رقية؟؟؟ ومالو و مال الشرقية يا بنت سعيد؟؟؟ يوة يا سيد بقي!!! إنت باين عليك هتتعب قلبي معاك صح يا خويا!!! إية يا سيد؟؟؟ فيه إية يا خويا؟؟؟؟ لهو إنت مش قاري سياسة خالص كدة يا سيد؟؟؟ لأ يا سيد لأ ما ينفعش الكلام دة!!!لازمن يا خويا تتقري شوية سياسة و تتسقف حبتين تأريخ  أيوة أُمْال إية!!؟ أة عشان يا خويا بكرا لما تمسك البلد مش عايزين حد يلسن علينا, أة   , ولا يقول حاجة كدة ولا كدة يا سيد, وبعدين يا سيد إن كان عالمصاريف, إحنا يا خويا مش هنضحك علي الناس بشويتين الكلام الفاضيين دول, ونرميلهم قرشين و بعد ما تتلم الليلة نحلق لهم و نلم إحنا الملامين يا سيد, أة يا خويا, وإن كان عالمشوار يعني و إزاي نجمع صوت الناس حوالينا, فكفاية إن إحنا شرفا و صادقيين يا سيد, لا عمرنا

إختلسنا ولا كدبنا ولا سرقنا ولا رشينا, أة (و تأخذها الحماسة فتهب واقفة و تبدوا كما لو كانت تردح بالبلدي وتسقف بيديها قائلة) و إن كان عالتحدي فأوبانا قالها من قبلنا يا سيد "هيّس...وي كان" و شووووووباش (و تنهي كلامها بزغرودة تدوي من قلبها)

 

(يبدوا سيد مبهوراً و مندهشاً و معجباً بشدة ثم يفيق بعد لحظات) إية يا بت يا رقية الحلاوة دي يا بت!!! يخربيت عقلك يا رووقة!!! دا أنا صدقتك يا بت سعيد (يقولها مبتسماً فتبتسم هي الأخري و تبدوا عليها الثقة التامة و هي تهندم نفسها بعد الهتاف) بس يعني مين أبونا دة يا بت؟؟!! أنا أبوي إداكي عمره سنة ما كتبت عليكي يا بنت فكرية, و أبوكي عمري في حياتي ما سمعته بيقول كلمتين علي بعض عدلين يا بت؟؟!!

يا لاااااااااااااااااااااهوي!!!!

إية يا بت في إية تاني؟؟؟؟

أبونا مين يا سيد بس و نيلة إية؟؟؟!!إصحي معايا كدة يا خويا, بقولك أوبانا أوبانا يا سيد, الواد الأسمراني العترة بتاع أمريكا, الواد المسفريت دة اللي كل أمريكا كلها يا سيد و حطها في جيبة الصغير, دا سبت العالم كلة يا سيد!!! طب دانا يوم ما شاور نفسه كدة و قال جايلك يا بت يا رقية (يفز مندهشاً) قصدي جاي أتمشي عنديكم شوية يعني إتحزمت و رقصت يا سيد.  

- و إتحزمتي و رقصتي ليه يا بنت سعيد؟؟؟ و جة عندك فين و لية يا رقية؟؟؟ وهم برفع يدة ليصفعها من جديد...)


يتبع......


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق