]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة الثالثة عشر)

بواسطة: Fairouz Attiya  |  بتاريخ: 2012-05-03 ، الوقت: 18:00:47
  • تقييم المقالة:
    (تنظر إليه بإعجاب و هو يضغط بشدة وحزم علي جانبها لمحاولة إستكشاف  سبب ألمها وتبادره) يا سلااااام!!! يا عيني عليك و علي إيدك اللي تتلف في حرير يا سيد!!!تقولش مرهم يا خويا و اول ما بتملس بيه علي جنبي ولا أي حته كدة في جتتي بتطيب علي طول يا خويا والله!!! (يستمر في التدليك بثقة و إبتسام) قال وأنا بقول لروحي كل ساعة والتانية بتحبيه علي إية يا روقة و هو علي طول كدة سادد نفسك و هادد حيلك و منشف ريقك يا بت؟؟؟!!! (ينظر إليها مفزوعاً و معاتباً فتعود بسرعة لتقول) مش بإيدي ,مش بإيدي يا ناس,لازمن أحبه و اموت فيه كمان أة, دا كفاية بس إنه جوزي حبيبي اللي ساترني ولا يخفاش عليه في أية يوم من الأيام فيكي يا دنيا بطولك و عرضك سبب علتي ولا دواها يا سيد (فيميل كلاهما علي الأخر بدلال وتلين يدة في الضغط علي جانبها) مش قلتلك يا خويا؟؟!! ريس و معلم يا سيد, طب دا أنا كنت لسة بقول شوف إية بيوجعني يا خويا وبس بصيت كدة و غتفحصتني يا خويا, ما دورتش ولفيت لأ, حطيت إيدك عالوجع علي طول يا سيد و خففته كمان, تبقي ريس ولا مش ريس يا خويا؟؟؟ (وقبل أن تمهله ليرد) ريس طبعن و ستين ريس كمان مفيش فيها فصال يا خويا (يستمر في الابتسام برضا و يهدأ تماماً بعد ان صار مفعما بالثقة) شوف بقي يا سيد, إسمعني كدة بتأني يا خويا أة, عايزين نتكلم جد حبتين بقة يا خويا أة, ضيعنا وقت كتير يا سيد, وكل من هب و دب سبقنا يا خويا, البلد محتاجاك يا سيد, أة يا خويا أُمْال إية, والناس عايزة واحد زيك كدة , لا يلف ولا يدور , ولا يعمل مؤتمرات ولجان ومش عارفة أبصر إية, الناس عايزة اللي يداوي علي طول يا سيد, مرضنا يا خويا و ركبتنا العلل, و محدش عارف عللنا قدنا يا خويا, أة, إحنا يعني هنتوة عن اللي ناقصنا يا سيد وإحنا اللي حالنا بالبلا؟؟؟؟!!! يارقية اللي إنتي بتقوليه دا كلام, مريسة إية يا بت و منين؟؟؟إنت مش شايفة حواليكي يا بت ولا اية؟؟؟ مش دي بتبقي إستنخابات و يفط تتحط في الشوارع و تصوير تتعلق عالحيطان, ولحمة تتوزع عالغلابة و قماش كمان, دا غير الفلوس اللي بتتوزع علي ببان اللجان, إنتي ناسية يا بت إستنخابات مجلس الشعب ولا اية؟؟؟ 

يتبع...........


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق