]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

قصيدة بنت رجال

بواسطة: سحر النحال  |  بتاريخ: 2012-05-01 ، الوقت: 18:01:17
  • تقييم المقالة:

 

هتسألني ليش شوفة هالحال
هرد لأني بنت رجال
هتسألني ليش هالغرور
هرد لازم تلف وادور
لتلاقي إجابة وتعيش الدور
ساعتها هتحكي معذورة
هحكيلك أنا الأقوى
هترد مش بهالصورة
هحكيلك أنا مش ضعيفة كأنثى
أنا فيني نخوة وقوة وعزة
هتتسائل شو يعني حضرت الأنثى
لأني بنت من بنات غزة
هتستغرب شو يعني بنت غزة
هرد يعني رجولية عشرة
مابخاف من حدا ما بتبردني مطره
هتضحك وتحكي خوفتيني
هرد لا ياابني احكي زلزلتيني
هترجع تحكي ضحكتيني
هحكيلك احكي غلبتيني

 

شوف يااخ أنا أقوى منك
هتحكي لا والله كيف
ببساطة مابيهمني لا تزييف ولا تكييف
مستغرب طبعا
التزم الصمت وتمالك سمعا
أنا فيني قوة بتهزك
أنا إذا بتضايقني بضرك
بالأصل عربية وبالوطن فلسطينية
بالانتماء فتحاوية وبالعشق بموت بالكوفية
بالمواقف رجولية ولك أنا بنت غزاوية
هتتساءل لا مش معقول
هرجع احكيلك أنا بنت أصول
ملكش معاي حلول
إلا لتعترف بأنك مستحيل تتحداني
لتعترف بانك مش هتعيدها ثاني
إن اتجاهلت قوتي هخليك تندم
وان خفت مني اكثير هتسام
هتحكي مابصدق كلامك
هرد بلاش خليك بأوهامك
بس بالأخير أنا باخد منك الرجولية
من الفارس العربي الفلسطيني الوطنية
اعذرني عطريقتي بس حبيت أتحداك
حبيت ابينلك قوتي في سماك
أنا وانت فلسطينيين غزاويين
مابيهمنا كلام تعبته السنين

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق