]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

جمعيه رجال اعمال ديروط بين النصب والاحتيال بالقانون

بواسطة: نادين لبكي  |  بتاريخ: 2012-05-01 ، الوقت: 02:41:57
  • تقييم المقالة:



تستخدم جمعيه رجال اعمال ديروط حيله جديده لاجبار العملاء على تسديد مبالغ ماليه اكثر مما هم مدينين به للجمعيه بعشرات الاضعاف كيف
تبدا القصه عند ذهابك لمقر الجمعيه بديروط للتقدم بطلب قرض مالى وليكن اربعه الاف جنيه طبعا يقابلك اولا شخص تابع للجمعيه يخبرك انك لازم تصحي وتفتح دماغك وتمشى حالك عشان موضوع القرض يمشى طبعا تصحى بكام يا عم الحاج100 جنيه كويسه وتصحيك وتمشى القرض
كدا تمام القرض اوراقه سليمه تعالى بكره عشان تمضى وتقبض
يتم عمل القرض على 14 شهركل شهر هتدفع 341 جنيه
موافق نقول غصب عنك هتوافق عشان محتاج
اصحى معاى وركزهنـــــــــــــــــــــــــــــا كويس
ناتى للامضاءات على اوراق الجمعيه هتاخد معاك الضامن وهتمضى على 16 امضاء والضامن كذلك
منهم 14 شيك و2 ورقه طويله بيضاءطبعا انتا عشان مستعجل وشفت الفلوس قدامك هتمضى من غير متاخد بالك للورقتين الفاضيين فى نص الدوسيه
والضامن طبعا نفس عدد الاوراق والورقتين الفاضيين غير الورقين اللى مضيت عليهم انتا
كدامضيت على الاوراق وقبضت الفلوس هتمشى 3 شهور كويس وحلو تدفع341 جنيه وبعدين

هتلاقى واحد محضر بينده عليك فى الطريق ويقلك يا استاذ فلان مبروك جالك اعلان قضيه
طبعا انتا هتفط فوق وتنزل على الارض مين الراجل اللى اشتكانى ده انا معرفوش وهتستغرب لما تلاقى اعلان المحضرعباره عن تبديد منقولات بقيمه 8050 جنيه واحدليك وواحد للضامن بمجموع مبلغ 16100 جنيه مصرى فقط لا غيروده طبعا غير باقىالاقساط المتبقيه المهم وطبعا مراتك هتسالك امتى اشتريت تلفزيون وتلاجه ومروحه ووديتهم فين اكيد حضرتك اتجوزت
المهم متتعبش نفسك وتدور مين الاسم ده دا يا باشا اسم رئيس مجلس اداره الجمعيه
وطبعاده هظهرو بالمستندات عشان متقولش الراجل ده اتجنن ولا بيتكلم كدا وخلاص وبيحدف الناس بالطوب
المهم هتبكى شويه وهتروح جمعيه رجال اعمال ديروط وتقلو حن عليا انا هتبهدل وبيتى هيتخرب هتصعب عليه ويقلك خلاص يا عم فيه حل
اولا هتسدد جميع المبلغ المتبقى فى القسط للجمعيه دفعه واحده
ثانيا اتعاب محاماه ب500 جنيه
والضامن يدفع نفس الاتعاب كدا المجموع 1000 جنيه مصرى
ثالثا مبلغ 16100 هتدفع منهم 5000 جنيه بس
كدا احسب معاى المبلغ اللى مطلوب عشان متتحبش وتتبهدل ويتخرب بيتك لانك مش محترم وخدت قرض من جمعيه رجال اعمال اسيوط
نفترض انك دفعت من مبلغ القرض 3 شهور الباقى هيكون 11 شهر فى 341 جنيه المجموع 3751 جنيه
+1000 جنيه اتعاب محاماه ليك وللضامن اللى بهدلتو معاك+5000جنيه رسم استكراد
مجمع المبلغ المستحق 9751 جنيه مصرى عشان نعمل معاك تصالح ونحبسكش بالقانون يامغفل
دا غيرال 3 شهور طبعا اللى دفعتهم الاول بقيمه 1023 جنيه
المبلغ كامل 10774
يعنى تاخد اربع الاف جنيه هتدفعهم 10774 خلال اربع شهور
هذه الواقع لا زال يحدث للأان ايها الساده داخل مركزديروط
مع العلم انى دافع حتى شهر 3/2011

وده شهر 2/2011

مرفق صوره من محضر مرسل لى من الجمعيه بتاريخ للقضيه بيوم 20/4/2011
وللعلم اكثر من 30 شخص مقترضين من الجمعيه وصلهم اعلان صوره طبق الاصل من هذا الاعلان وبنفس القيم وتاريخ الجلسه
اين نحن يا شعب الثوره هل هذه ثورتنا وكيف اخرج من براثين هذه الافاعى التى تنهش فى اجسامنا
للحقيقه لا اعلم كيف اتصرف هل اسرق او اقتل كى اجمع هذا المبلغ ام ان هناك قانون بامكانه ان يحمينى يا مجلس مصر العسكرى من جمعيه رجال اعمال اسيوط
هل اصحاب هذه الجمعيه او المساهمين لا يعلمون ما يحدث لنا ام هى توجيهات مباشره منهم
حسبى الله ونعم الوكيل

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق