]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

كل الأغاني مش هيه هيه

بواسطة: مدحت الزناري  |  بتاريخ: 2012-04-23 ، الوقت: 20:04:34
  • تقييم المقالة:

 

مش هي دي الكلمه

اللي تشبه كلمتي

ولا هي دي الغنوه

اللي تشبه غنوتي

مش هي ديه

ولا ديه هيه

كل الأغاني

مش هيه هيه

 

مليان يا قلبي بالأماكن والشجن

خارج على المألوف وسابح ف الزمن

فارد قلوع

شارب دموع

والدنيا جوع

والناس خضوع

واليأس كاس

والصوت نحاس

والظلم فاس

شق الضروع

قسم على العود بس طابق رنتي

من غير وعود الغنوه ديه غنوتي

للصحبة ديه

والصحبه ديه

كل الحبايب

ف الغنوة ديه

 

أنا ليه بحبك وأنت مني بتهربي

واخدك ف حضني وأنت ليه بتغربي

عمال أهاتي

وانت مش سامعة الندا

ومغنواتي

وصوتي سمعاه العدا

سهران ليلاتي

وأنت قاسيه ليه كده

تعبت آلاتي

ما شفت ف عنيك الرضا

أهوه ده اللي صار.. عدى النهار

أنا ف إنتظار.. والحب نار

م الغنوه ديه

للغنوه ديه

علشانك أنت

الغنوه ديه

 

بصيت ف عينك قلت  أشوفك من قريب

ولمحت فيهم طيش ولهفه وخوف غريب

بين الرموش

شفت الوشوش

أبو وش عابس

والبشوش

شفت المرافق

والمنافق

والغلابه

والوحوش

وناس بتجري

وناس بتهري

وناس ما تدري

وناس ما جوش

ما تروقي لينا وقربينا قربي

وبغني تاني الحب ديني ومذهبي

والغنوه ديه

لعنيك ديه

كل الأغاني

لعيون بهيه.

ــــــــــــــــــــــــــــــــــ

مدحت الزناري

23/4/2012


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق