]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة التاسعة)

بواسطة: Fairouz Attiya  |  بتاريخ: 2012-04-22 ، الوقت: 19:06:20
  • تقييم المقالة:

- خلاص بقي يا روقة!!!! حقك عليه يا ست الستات, مكنش قصدى يا بت والله (و يوكزها بدلال فتبتسم رقية بعد طول عناد)

- خلاص يا سيد, بس يعني تاني مرة ابقي حسس  كدة  قبل ما تلمس يا خويا أة , ولا يعني ولاد الناس و حسايسهم و مشاعرينهم لعبة عندك يا سيد؟؟!!!

- يا بت خلاص بقي ما يبقاش قلبك إسود قوي كدة!!! ها قولي بقي هوة إحنا كنا بنقول إية؟؟؟ بنقول إية يا سيد بنقول إية؟؟؟ توهتيني يا بنت المجنونة و الله ما نا عارف كنا بنقول إية؟؟؟

- أنا أقولك يا خويا, أة كنا بنقول إن مفيش أحلي من قعدتنا كدة مع بعضيتنا رايقين و مهيصين و بنمز عالشاي يا سيد, أعملك شاي يا خويا؟؟؟

- يا بت إتهدي بقي جننتيني!!! قلت مش عايز زفت يا رقية!!!!

- خلاص يا سيد خلاص , دهدي!!! يعني ليك بال لكل حاجة يا سيد لكن خلاص الشاي هوة اللي بقي كخة دلوقتي و بيعكر مزاجك؟؟؟!!!!

- يا بت ىإهدي كدة و قوليلي إزاي نعيش عيشة فل من غير ما نتشحطط و نتشحتف و نتذل يا رووقة يا قمر إنتي ياللي مافيش بعدك فالدنيا؟؟؟!!!

(يعجبها مدحة و إطراؤة و تعتدل في جاستها بدلال)

- ما أنا قلتلك يا سيد تترشح إنت كمان للمريسة ما عجبكش يا خويا و إتخلقت عليه و قلت إني مجنونة كما؟؟!!!

- (يبدأ في الثورة من جديد) تاني يا رقية؟؟؟!!! مريسة تاني يا بنت سعيد؟؟؟؟ مش كنا خلصنا مالموال دة وقفلنا بابة؟؟؟!!!

- تاني و تالت و عاشر كمان يا سيد!!! و لحد ما تفوق كدا و تحك عقلك في راسك و تروح تترشح يا خويا, أة و أنا بقولك أهه يا سيد: يا تسترشح للإستنخابات يا تطلقني يا سيد!!!

- (ينظر إلها مندهشاً و متعجباً من كلامها) تتطلقي يا رقية ؟؟؟!! هي حصلت يا بنت فكرية؟؟؟ تتطلقي لو مااسترشحتش؟؟؟؟ لية يعني ؟؟؟؟ كل دا لية يا رقية؟؟؟؟ و بعدين يا بنت المجنونة يعني إنت ضامنة إني لو إتنيلت علي عيني و قبلت إني أسترشح يعني يوافقولي؟؟؟!!! يا بت دا يمكن ما يدخلونيش من عالباب أصلا من أساسة!!!!

-(تهب من فورها بحماس و عصبية) مين دا اللي ما يدخلكش يا سيد؟؟!!!! طب شاور نفسك إنت بس كدة و إقبل يا خويا و يوم ما تنوي كدة هروح معاك بذات نفسي لغاية باب اللجنة و شاور بس كدة يا سيد علي جنس مخلوق نفر يقولك لأ يا سيد!!!! دا كانت شبرا تاكلة يا سيد , أة أمال إية !!! لا تكون فاكرها سايبة يا خويا؟؟؟!!! دي بقت خلاص تيمكراتية يا خويا, أة , كل واحد حر سيد نفسة , وكل واحد حر يفكر كدة مع نفسة هو عايز يعمل إية, و كل واحد شورة من راسة دلوقتي يا خويا ولا حد يقدر يقولك توجيهات سيات الريس يا خويا!!!  أمال إنت فاكر إية يا سيد؟؟؟؟

- يهدأ سيد و تبدوا عليه علامات التفكير والإهتمام بكلامها فتتابعه:

- شوف إنت بس كدة يا حبة عيني و شاور نفسك  كدة كويس يا سيد وهات وخد مع الحكاية و دورها في راسك عالأخر, أة دى مسئولية برضوا يا خويا و رقابي ناس هتبقي في رقبتك يا سيد, و إنوي و سيب الباقي علي مراتك حبيبتك.....رقية يا سيد.....


يتبع......


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق