]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة السابعة)

بواسطة: Fairouz Attiya  |  بتاريخ: 2012-04-18 ، الوقت: 18:55:56
  • تقييم المقالة:

جوز  مين يا رقية و مريسة مين؟؟؟! إنت إتخبلتي رسمي يا بنت فكرية!!! مريسة البلد كدا مرة واحدة؟؟؟!!! أُمّال يا خويا عشر حتت؟؟؟! أة حتة واحدة كدة, هو أنت يعني أقل منها يا سيد؟؟! إنسدي يا رقية إنسدي (و يسرع بوضع يدة علي فمها ليغلقه), إنتي بايبنك ناوية تجيبي أخري وتخلّصي عليا يا بنت فكرية؟؟؟! مريسة مين و الناس نايمين!!!؟ هوة إحنا بتوع الكلام دة يا بت؟؟! الحاجات دي ليها ناسها, و ناسها الكبار قوي, اللي إحنا ما نجيش عندهم خدامين يا رقية, (تسارع بنزع يدة عن فمها بعصبية) كبار إية يا خويا و خدامين إية بس؟ صح النوم يا سيد!!! إية يا خويا لهو إنت ما كنتش هنا لما نزلنا التحرير ولا إية؟؟!!! يصعق من كلامها و يسحب حذاؤة بهدوء قائلاً: لا يا رقية ما كنتش هنا لما نزلتي التحرير ياختي, (وينطلق خلفها ضرباً) التحرير يا رقية!!!؟؟؟ نزلتي التحرير يا رقية؟؟؟!!! و من ورايا كمان يا بنت فكرية؟؟!!!و نزلتي مع مين يا زينة الستات؟؟؟!!! بتقرطسيني مع مين يا بنت ال....؟؟؟!!! (تصرخ رقية و تجري في الشقة وتخرج للسطوح)   استني بس يا سيد, مش تفهم الأول يا خويا إية الحكاية؟؟!!! يا لااااااااهوي !!!!! إلحقوني يا ناس!!!!!! يا خرااااااابي!!!! حد يفهمة يا ناس الدنيا جري فيها إية!!!!! ما أنا فهمت يا رقية الدنيا جري فيها إية!!!! شا يفاني بديل يابت ولا بنهق؟؟؟!!!! العفو يا خويا العفو ولا مؤاخذة!!!! أنا اللي بديل يا خويا أهه حتي شوف, (وتمسك بشعرها وتهزه ليراه فيشدها منه) ولما إنتي بديل يا رقيةبتمشي من راسك ليه يا بنت فكرية؟؟!! و طالعة و نازلة ولا داخلة و رايحة في داهيه ليه و مع مين يا بنت سعيد؟؟؟!!!! هقولك يا خويا أهه هقولك, بس إصطبر عليا شوية يا سيد( تخاطبة بدلال حتي يرق قلبه لها) قولي يا بت بسرعة بلاش دلع (بحزم ليوضح لها أنه أقوى من إغراءاتها) حاضر يا خويا حاضر....هقول أهه بس نزل إيدك كدة شويه يا سيد و سيب الشعرتين اللي حيلتي, ما يغركش يعني إكمن شعري طويل إسمالله عليه إنه فيه صحه يا خويا, أبدا و الله يا سيد, دا حتي اليومين دول كنت عايزة أقولك تجيبلي البتاع دة اللي بيخلي الشعر كدة أبصر يستقوى و يحلو و يرق يا سيد ( و تميل عليه بدلال و تخبط كتفها في كته بدلع) إسمه ايه يا خويا.....باينّو إسمه....(و تحاول تذكر الأسم) إسمه شامبوو يا رقية, عارفة يا ختي , بيتباع عندنا في البقالة, عايزة شامبوو يا بنت فكرية؟؟؟!!! كبرتي عالنابلسي يا بنت سعيد و بقي كخة دلوقتي؟؟؟!!! الله يرحم أبوكي اللي البروة ما كتش تطلع من تحت إيدة إلا و هيه عدم يا رقية!!! صح يا خويا صح والله, كلامك كلة صح يا سيد, هوة إنت تقول حاجة غلط أبدا يا سيد (تدلل فيه فيهدأ و تنبسط أساريره و هي تمسح علي صدرة بيدها و تطبطب عليه) بس يعني يا خويا هوة أبويا كان هيعوز شعرة في إية يا سيد؟؟؟ إنما أنا عايزاة عشانك إنت يا سيد, يا جوزي , يا حبيبي (تستمر في تدليله و يستمر هو في الانسجام و ينسى كلاهما موضوع المريسة و التحرير تماماً)... 


يتبع........


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق