]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة السادسة)

بواسطة: Fairouz Attiya  |  بتاريخ: 2012-04-17 ، الوقت: 18:57:37
  • تقييم المقالة:
كل دا لية يا سيد؟؟؟ تطلقني يا سيد عشان عايزاك تفوق لنفسك كدا يا خويا وتسيبك من شغلانة المحسباتي بتاعتك دي اللي نشفت ريقنا و هدت حيلك عالفاضي يا سيد؟؟؟ قال إية بتلاقي نفسك فيها و بتستمخ لما تقعد طول النهار بتقبض في فلوس من العالم وتعدها, قال يعني كانت فلوسك ولا داخلة جيبك يا سيد؟؟؟ و متسيبهاش لية يا خويا؟؟؟ كانت أمك يعني ولاكانت أختك؟؟؟ وبعدين هوا أنا يعني قلتلك تقعد بطال كدا من غير لا شغلة ولا مشغلة؟؟؟ دا أنا عايزاك تتمدين ياخويا و تتطور كدا و تبقي فوق الخلق يا سيد, و برضوا ما عجبكش, ولا خلصت منك ولا خلصت من كلامك اللي ما بيرحمش يا سيد, إية يعني لما أقولك ما ترشح نفسك للمريسة إنت كمان يا سيد هو يعني اللي إترشحوا أحسن منك؟؟؟! ما العالم كلها مرشحهة أهه يا سيد!!؟ جت عليك إنتي يا خويا؟؟! طب دا مفيش فيهم حد في حلاوتك و طعامتك و جدعنتك يا سيد؟؟؟! ولا إنت يعني مستكتر عليا أكون ست مصر الأولانية, الألفي يعني يا سيد, أه يا خويا, زي بقيت حريم الريسا اللي قبلي , ليه كدا يا سيد؟؟؟ ما شبهش يا خويا ولا يعني مشبهش؟؟! طب دا حتي إنت كنت دايما تقول عني إن البت رقية دي ست الستات, يبقي إية المشكلة يعني لما أبقي ست الستات و الرجالة كمان يا سيد؟؟!! هو إنت كدا دايما يا سيد, علي طول سادد نفسي و محبطني و مكسر مقاديفي, بقي بزمتك إية أوجه كدا و أفخم يا خويا, لما أبقي الست رقية مرات سي الأستاذ سيد المحسباتي ولا لما أبقي حضرة فخامة الست هانم مرات الريس علي سن ورمح!!! لأ و مش أي ريس ...لا ... الريس سيد ..جوز رقية, يعني ست ستات شبرا, يعني جدعان شبرا, و حريم شبرا اللي مفيش فيكي يا بلد حد في حلاوتهم ولا طعامتهم و لا خفتهم يا مصر, يعني قلب مصر و كل مصر و أهم ناس في مصر, يعني سي الأستاذ سيد...جوز رقية ... 

يتبع......


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق