]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة الرابعة)

بواسطة: Fairouz Attiya  |  بتاريخ: 2012-04-15 ، الوقت: 16:41:03
  • تقييم المقالة:

طلقتني يا سيد؟؟! (تنهار و تبدأ في البكاء) طلقتني يا خويا؟؟! بسهولة كدا يا خويا!!؟ هانت عليك عشرتي يا سيد (تبكي و تلطم و جهها ثم  من جديد تفوق فجاة علي وقع كلماتها) يوة يا رقية؟!! عشرة إية يا بت؟؟! ما توحدي الله أُمّال!!! دول كلهم سنتين!!؟ بقوا خلاص عِشرة؟؟! دا أنا قعدت في توجيهي أكتر ما قعدت معاك يا سيد!!! سنتين يا سيد و تطلقني؟؟!! يالهوي يا لهوي يا لهوي (و تستمر في لطم و جهها) سنتين؟؟؟ (تكررها بإستغراب شديد و إستنكار و كأنما إنتبهت لأمر هام كان غائباً عنها) أنا بقالي معاك سنتين يا سيد ولا حبلتش؟؟؟! ولا جبتش ربع عيل حتي ولا حتي يا خويا رجلي جت في سقط؟؟!! يا خرابي يا ناس !!!(يرتفع صوتها بالعويل و تخرج علي الناس في الحارة من الشباك , ثم ما تلبث أن تخجل من نفسها فتتوارى خلفه و تركن إلي الجدار) يا لهوي يا لهوي يا لهوي!!! و أهل الحتة يقولوا عليا إية دلوقتي؟؟؟ طلقتني يا سيد عشان ما بخلفش؟؟! يا نهار إسود يا ليلة سودة يا ولاد!!! و أمي ؟؟؟ أقول لأمي إية دلوقتي يا سيد؟؟؟ و هيِّة هيِّة هتقولي إية يا سيد؟؟؟ (تنهار تماماً و تسقط تدريجيا لتجلس علي الأرض مستندة علي نفس الجدار)يا خرابي يا سيد!!!؟ بقي كدا توقفني الموقف دا يا خويا؟؟!! طب تعالي نخلف لنا كدا حتة عيل ولو بالأنبوبة و بعدين تطلقني ياسيد....يا خرابي يا سيد!!! و لا أمك!!!؟؟  ( وتفاجأ من جديد بشخص أخر لا يقل أهمية عن أمها) يا لهوي يا لهوي يالهوي!!!! حماتي!!! أقول لحماتي إبنك طلقني لية؟؟؟! عشان معرفتش أخلف!!! كدا برضوا يا خويا!!! كدا برضوا يا سيد!!! هنت عليك قوي كدة يا سيد!!؟ تشّمت أمك فيا يا سيد؟؟!!!( و تحاول أن تستجمع نفسها من جديد فتمسح و جهها و تقرص خديها و تعدل من هندامها) ولا يهمك يا بت يا رقية....روقي كدا يا ست البنات....(في سرها بنات إية يا مدهولة ما حصلتش للدرجادي يعني دا برضوا كان سي الأستاذ سيد إسمالله عليه و تبتسم بحياء ورضا علي ذكري سيد) يا حلاوة.... يا سلام عليه كدا زمان لما أول ما إتجوزنا وكان بس كدا يعدي من جنبي في البيت و لا كنت أنا كدا بحلاوتي أعدي من جنبوا....كنا بالقلية كدا بالصلاة عالنبي نخبطلنا فيها تريحة ساعتين تلاتة....وكنت أقولوا طب و شغلك يا سيد؟؟؟ والمعلم يا خويا؟؟؟يقولي شغل اية يا بت يارقية ساعة الحظ بالدنيا و مافيها يابت!!! دا أتاري ساعة الحظ دي قليلة قوي يا خويا؟؟! ولا كونش أنا اللي حسدتة؟؟!! أيوة أُمّال ماهو ما يحسد المال إلا صحابة ودا كان سي الأستاذ سيد...  


يتبع.....


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق