]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

طلقنـــي يـــا سيــــد!!!(الحلقة الثالثة)

بواسطة: Fairouz Attiya  |  بتاريخ: 2012-04-14 ، الوقت: 18:45:29
  • تقييم المقالة:

ليه كده بس يا سيد؟؟؟ انا عملتلك إيه  بس؟؟؟ وكل دا ليه يا خويا؟؟؟عشان يعني أنا اتنيلت علي عيني و حبيتك و رضيت بيك يا سيد وبشغلانه المحاسب بتاعتك دي, اللي كنت فاكراها ياما هنا ياما هناك, و كنت كل أما أقابل و احدة من صحباتي أقولها مش أنا اتخطبت لسي الأستاذ المحاسب سيد, دا محاسب قد الدنيا و مستقبلة كبير, بكره يترقي ويبقي أكبر محاسب في البلد كلها, أة و يفتح محل محاسبة لوحدة زي ما كنت بتقولي يا سيد, بس طلعت شغلانة يا خويا لا بتشبع و لا بتروي ولا بتكسي, الصبح قال ماسك حسابات محل الفول والطعمية اللي في حارتنا, ولو مش شوية الدّقة اللي بيديهالك المعلم ساعات ولا حبيتين الفول كنا ساعات كتير بناكل طقّة واحدة في اليوم يا سيد, وبالليل ماسك حسابات بقالة الأصدقاء اللي في الشارع اللي ورانا, وهما يا خويا ولا أصدقاء ولا حاجة, الراجل
إيدة ناشفة قوي يا سيد, ولا حتي تُمْن رومي يطلع منها يا خويا, ولا بجنية زتون, دا إحنا يا قلبي ما بنشوفش الزبادي غير في رمضان, و مش كل ليلة كمان عشان مانتعودش عليه يا حبة عيني و نستحلي طعمة, وكله كوم يا سيد و تقفيلتك معايا يا خويا كوم , لا صبح بتصبح ولا مسي بتمسي, علي طول شايل الهم و زاعق, وعمرك ما شربت معايا ولا كباية شاي واحدة يا سيد, دا حتى يا خويا لما ربنا يفتحها عليك في ليلة كدا ولا كدا, ويرزقك بقرشين زيادة من بابه الكريم, وتميل علي عربية الحاتي اللي عالناصية, تجيني فرحان و مهيص, وتقولي يا بت يا رقية الليلادي هدلعك آخر دلع, لأ و إية؟ هعشيكي كباب يا بت, و بس ناكل يا خويا و نهيص , و أقوم أجيب الشاي عشان نحبس و نتدلع, ألاقيك بتحلي مع الملايكة يا حبة عيني و برضو أشرب الشاي لوحدي يا سيد, لما وشي إصفر من شرب الشاي يا خويا, جاني فقر دم يا سيد و إنت ولا عندك دم!!؟ كل دا و لسه مش عايزني أطلق يا سيد؟؟!(تسأل نفسها في حيرة و إستنكار) لأ هطلق بقى يا سيد (بتقولها بعزم و تأكيد)...ولو إنت راجل كدا و عندك ريحة الأخوية تطلقني يا سيد!!! بقولك طلقني يا سيد!!!  


يتبع.........


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق