]]>
خواطر :
خيبة أمل ، عندما يكتشف الإنسان أنه في محيط تحت خط الصفر ، لا يستطيع الغوص أو السباحة فيه...   (بلقسام حمدان العربي الإدريسي) . فلا تكتُمُنَّ اللهَ ما في نُفوسكم ليَخفَى ومهما يُكتَمِ اللهُ يَعلَمِ يُؤخَّرْ فيُوضَعْ في كتابٍ فيدَّخَرْ ليوم الحسابِ أو يُعَجَّلْ فيُنقَمِ (زهير بن أبي سلمى   (طيف امرأه) . 

طلقنـــي يـــا سيــــد!!!(الحلقة الأولى)

بواسطة: Fairouz Attiya  |  بتاريخ: 2012-04-11 ، الوقت: 17:39:47
  • تقييم المقالة:

لااااااه!!!! أنا ما بقتش طايق ولا مستحمل!!!!دي بقت عيشة تطهق!!!!!!!! أقولك....إنت مش عايزة تتطلقي؟؟ خلاص يالا إرحميني بقي.....روحي يا شيخة وإنت طالق.....طالق .....طالق.......

وخرج من غير ولا كلمة زيادة ورزع الباب وراه و سابني في حالة لغاية النهاردة و انا مش عارفة أوصفها ولا أشرحها.....أنا طالق!!؟ طب ليه؟؟! دا أنا بحبك يا سيد!!؟ يبقي أنا طالق ليه؟؟! يوة يقطعني....د أنا اللي طلبت الطلاق....طيب ما هو من عمايلك يا سيد....كل يوم خناق و نكد و قرف.....كل يوم بتبعد عني اكتر و ببعد عنك يا سيد....لو قلتلك صباح الخير يا حبيبي يبقي أنا بستهبل و مش مقدرة يعني إيه راجل وراه معاد شغل و مسئوليات لازم يلحق يروحلها و هوه مش نايم طول ليلة غير يا دوب ساعتين تلاته.....ولو قلتلك تحب تاكل إيه النهاردة ياسيد تقولي أما صحيح فايقة و رايقة يعني بالتلت أربع تلاف اللي بتاخديهم مصروف للبيت في الشهر تفتكري يعني احب أكل إيه؟؟؟ كوزي ولا حمام بالفريك؟ ولو عملت الأكل من غير ما أقولك برضو مش خالصين, لازم تعترض ولازم أسمعلي كلمتين في جنابي منك يا سيد, كأني أنا اللي خليت مرتبك في الشهر   600جنية, بعد ما ندفع منه إيجار البيت والنور والغاز و التليفون ....يوه ....يقطعني نسيت المية, يا دوب يبقي اللي فاضل يأكلنا يوم عدس و يوم فول و يوم بصارة يا سيد....دا حتي الكشري بقي يوحشنا يا راجل!!!يارب بس أعمل إيه؟؟! إحترت معاك!!! 


يتبع......


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق